سمسار أصوات

سمسار أصوات
= = = = = = =

طول عمره زي المنشار
طالع واكل … نازل واكل
و لا تفرقش معاه ف مشاكل
قال ايه ف الأصوات سمسار

و بيعمل طيب و خدوم
وبيجمع أصوات بالكوم
أهي نعمة و يا رب تدوم
و ان شاء الله ينتخبوا حمار
قال ايه ف الأصوات سمسار

راح أسمسر للي هيدفع لي
و بأسمسر ع اللي بيسمع لي
و الشاطر يشتري و يبيع لي
ولا يتعب و يروح يختار
قال ايه ف الأصوات سمسار

و بيجري من شرق .... لغرب
لا هو فارس ولااحنا ف حرب
أدي اخرة مشوارك ضرب
و الأسد اتحول صرصار
قال ايه ف الأصوات سمسار

كان عامل ع الناس بيخاف
و أساسا هو الخوّاف
يا خايب و عاملك عامله
ألاعيبك أبدا مش كامله
أصلها م الاخر مكشوفة
مفضوحة و دايما معروفة
و بيحكيها صغار و كبار
قال ايه ف الأصوات سمسار