قول الحق / رباعية للمشاركة

يارب إن خدتني خدني بقول الحق

أروح فدا كلمتي لو شقوا صدري شق

لا حبيع ف يوم ذمتي ..ولا حأدخل الزفة

الشهم من صحبتي ،،والندل أقوله لأ

الوزن ماأسهله والقافية تتدبر
والكلمة زى الطيف تيجى وتتبخر
ربى يزين كلمتى بالحق والعفة
ماجاملش فى الزفة بنفاق وأتمنظر

الراجل إن كان جدع
دايما يا واد تماشيه

لا ف يوم هتحمل نكد
و لا يوم يا واد تجافيه

لو لك ضمير منتصر
هتكون معاه محمود

و إن كان ضميرك وقع
بافعاله راح تحييه

أخى الغالي محمود
من مدة كبيرة لم أدخل للمساجلات و يبدو أنني نسيتها
فشكرا لك فربما تنعش ذاكرتي مرة أخرى
مع أني أعتبر نفسي ضيفا على العامية
دمت بخير

والله أقـول الحـق لو التمن روحــــــــــــــي

ويامـا .. كان الحــــق العــــلة ف جروحـى

لكنى عُـــمرى ما أتوبْ وبرضه أقول الحـق

الكلمة عندى الشرفْ وبُنايا ، وصروحـــــى

وداد الهـــــــــــوارى

[b]

ياللي اشتريت المكان اسأل على جارك
وإيّاك تصاحب خسيس وتسكنه جارك
ياكل في عيشك وملحك ويقول أنا جارك
من أجل حرمة ييبعك .. ويفرج عليك الناس
خاين وكله غلط معروف ما بين الناس
الوش يضحكلك نفاق ويذم فيك للناس
ينسى اللي كان وبأسى يهدم حيطان دارك

الأستاذ / الشاعر محمود جمعة
رباعية رائعة خرجت من قلب نقي شفاف
ووصلت بكل سهول للوجدان
احيك من كل قلبي

طبعا هقول الحق لو يقطعوا لسانى
يارب إجعلنى أعمل بقرآنى
ان خفت يوم ما اسواش
وان قولت قولة حق تتهد أحزانى

خايف اقول كلمة حق ادفع تمنها كتير
خايف من نتيجتها لاصبح ف يوم اسير
خايف لاتقتل وتتقيد ضد مجهول
ده الحق طريقه واعراوى وخطير

الحق ف المعمعه كالشمعه ف السرداب
متكونش صد ومع على ناصيه الاحباب
ان كان حبيبك عسل من نوع يكون مغشوش
الحر حر وجدع ويقول عليه كداب

صباح المساجالات يا استاذ محمود
احييك علي الموضوع وعلي رباعيتك المعبره عنه بجمال

شبك الحب شبكني
ف حب ال البيت
وكلامي عنهم شابكني
إن صومت أوصليت

الله عليك ياشاعر

ربنا يتقبل منا ومنك

شبك الحب شبكني
ف حب ال البيت
وكلامي عنهم شابكني
إن صومت أوصليت

يارب ان خدتني .. خدني مع محمود

يكفينا شر الذنب ... يكفينا شر الدود

سلالالالالالالالام وخالتي مشت

والباب كمان مردود

لا ضيف ولا مضيفه

قافلين علي الموجود

تحيا الشفايف عنب

تحت العيون السود

ههههههههههههههههههههههههههههههههه

هههههههههههههههههههههههههههههههههه

ياكُل صاحب قَلمْ...خلّي الكلام.. موزونْ

أول طريق الندمْ...إنّك تبيع...وتخونْ

الراجل الحُـرّ لُهْ مبدأ..ومااشي عليه

والندل مهما عِلِي..وسط الرجال بيهونْ

والله زمان يا أُستااذ محمود..وحشتنا مساجلاتك الجميلة..
دُمت بكل الخير

م/عطية شواش كتب:: يارب ان خدتني .. خدني مع محمود

يكفينا شر الذنب ... يكفينا شر الدود

سلالالالالالالالام وخالتي مشت

والباب كمان مردود

لا ضيف ولا مضيفه

قافلين علي الموجود

تحيا الشفايف عنب

تحت العيون السود

ههههههههههههههههههههههههههههههههه

هههههههههههههههههههههههههههههههههه

ههههههههههههههههاااااااااااي
مفيش فايده فيك يا هندسه
هي دي كلمة الحق الي جاي تقولهاله يعني
يالا اياكش تولع عشان نتمتع احنا باشعاركوا
اما نشوف مباراة ناقر ونقير دي هتخلص امتا ههههههههه

يا صبر صبر البلح تحت الجريد مشنوق
علشان تطول النوا هز النخيل بهدوء
وان كنت غاوي الرطب اضرب علي الونجين
نخلة عطيه استوت ضربت جريد محمود

ههههههههههههه انا بهدي الجو
وهلم انا البلح في الاخر

الفرق بين البشرْ..في الصدق والإخلاصْ

والكدب بالمُخْتصَرْ..تحت القدم.. ينداسْ

لو خُفت من كلمتك بالحق.. تبقى جباانْ

أصل الرجال أفعال..مش كلمتين وخلاااصْ

الحق يوم ما تقول .. حيزيد ف حسناتك

والباطل اللي اتنطق مكتوب ف صفحاتك

عن اليمين والشمال بيكتبوا الملكين

يارب والحق أسمك .. بلغني مرضاتك

رغم انى شامم هنا ريحة زعل على لوم

رباعيه من نظمها ريحة شقاق بتحوم

العقل بنحكمه والحق انصاره

والحق لو نخدشه عمرى ما اشوف النوم

محمود جمعة كتب:: يارب إن خدتني خدني بقول الحق

أروح فدا كلمتي لو شقوا صدري شق

لا حبيع ف يوم ذمتي ..ولا حأدخل الزفة

الشهم من صحبتي ،،والندل أقوله لأ

راعى ف حروف كلمتك رب العباد والناس
إياك ف ليل خلوتك يبقى الشيطان ونـاس
تكتب حروف من نار وتنافق الاشرار
تصبح مابينهم دنى ويرقاصوك نســناس

حسن الجمال. كتب:: الوزن ماأسهله والقافية تتدبر
والكلمة زى الطيف تيجى وتتبخر
ربى يزين كلمتى بالحق والعفة
ماجاملش فى الزفة بنفاق وأتمنظر

أوعي الكلام المزوّق من منظرة ونفاق

اوعاك تقول العيب وتخاصم الاخلاق

اليوم يصّدق كلام الندل أمثاله

والحر بكره يبان معدن أصيل برّاق

عاطف الجندى كتب:: الراجل إن كان جدع
دايما يا واد تماشيه

لا ف يوم هتحمل نكد
و لا يوم يا واد تجافيه

لو لك ضمير منتصر
هتكون معاه محمود

و إن كان ضميرك وقع
بافعاله راح تحييه

الله عليك أخي الحبيب وشاعرنا الكبير ..

الراجل المحترم صوت الضمير يحييه

والندل مهما أغتسل تفضل ندالتة فيه

لا تصاحب الندل ولا تفتح معاه قلبك

الندل زي الزلط ...والشهم فين تلاقيه

محمود جمعة كتب:

حسن الجمال. كتب:: الوزن ماأسهله والقافية تتدبر
والكلمة زى الطيف تيجى وتتبخر
ربى يزين كلمتى بالحق والعفة
ماجاملش فى الزفة بنفاق وأتمنظر

أوعي الكلام المزوّق من منظرة ونفاق

اوعاك تقول العيب وتخاصم الاخلاق

اليوم يصّدق كلام الندل أمثاله

والحر بكره يبان معدن أصيل برّاق

زوق كلامك نعم بس بأصول وحدود
ف العترة مش ف البجم ولا عديم الجود
وامسك لسان كلمتك لو ناوية مرة تزم
دالويل لهمزة ولمزة واللى لسانه بارود
Very Happy

وداد الهوارى كتب:: [color=blue]

والله أقـول الحـق لو التمن روحــــــــــــــي

ويامـا .. كان الحــــق العــــلة ف جروحـى

لكنى عُـــمرى ما أتوبْ وبرضه أقول الحـق

الكلمة عندى الشرفْ وبُنايا ، وصروحـــــى

وداد الهـــــــــــوارى

[/color [b]

[b]
الحق روح علي روح ..يديكي طولة العمر

والجرح بكرة يطيب لو صاحبه راجل حر

أما الخسيس وإن كذب أوراقه مكشوفه

لا علاج يداوي بلاه ..ولا كذبته ف السر

ماهر حامد كتب:: ياللي اشتريت المكان اسأل على جارك
وإيّاك تصاحب خسيس وتسكنه جارك
ياكل في عيشك وملحك ويقول أنا جارك
من أجل حرمة ييبعك .. ويفرج عليك الناس
خاين وكله غلط معروف ما بين الناس
الوش يضحكلك نفاق ويذم فيك للناس
ينسى اللي كان وبأسى يهدم حيطان دارك

الأستاذ / الشاعر محمود جمعة
رباعية رائعة خرجت من قلب نقي شفاف
ووصلت بكل سهول للوجدان
احيك من كل قلبي

وأنا بدوري أحييك علي شعرك الرائع وأقول :

من قبل دارك جار .. قالوها في الحكمة

صاحب مروءة وشهم .. وضمير مع ذمة

لو غبت يوم يحفظك ويصون لك المعروف

وقولته قولة الحق ،، لو حارب الامة

اميره بلا وطن كتب:: طبعا هقول الحق لو يقطعوا لسانى
يارب إجعلنى أعمل بقرآنى
ان خفت يوم ما اسواش
وان قولت قولة حق تتهد أحزانى

قالها الاله الحكيم في محكم القرآن

علي لسانه التقي قال الحكيم لقمان

الكبر لو مقصدك تكبر عليك نفسك

وتعاند الحق وتصاحب خطا الشيطان

سارة سعيد كتب:: خايف اقول كلمة حق ادفع تمنها كتير
خايف من نتيجتها لاصبح ف يوم اسير
خايف لاتقتل وتتقيد ضد مجهول
ده الحق طريقه واعراوى وخطير

الحق يتقال وربك يا جميل ستار

والباطل إن تلزمه ما يمنع الاقدار

لا الندل عاش في بحبوحة عشان كذبه

والا اللي قال الحق مات بدري بنص نهار

أحمد عبد الرازق كتب:: الحق ف المعمعه كالشمعه ف السرداب
متكونش صد ومع على ناصيه الاحباب
ان كان حبيبك عسل من نوع يكون مغشوش
الحر حر وجدع ويقول عليه كداب

صباح المساجالات يا استاذ محمود
احييك علي الموضوع وعلي رباعيتك المعبره عنه بجمال

صباح جميل أحمد باشا عبد الرازق ياللا شد قلمك وكمل المشوار

الندل دايما كما الاراجوز بيتلون

مع العايمة يعادي الكل و يهٌون

وانا عادت مصالحه هناك يعديلها

يدبح ف عرض الشريف الندل ويخّون

» يارب / رباعية للمشاركة
» القرش--- للمشاركة
» بإيدك ياريس ---- للمشاركة
» حبقي رئيس - مساجلة للمشاركة
» تهتئة للقدير عادل عوض سند (للمشاركة)