يارب / رباعية للمشاركة

يارب يوم الحجيج واقفين علي عرفه

أكتب لشعب النيل الحب والالفه

يارب بلدي وضحت والاضاحي كتير

كما فديت إسماعيل ..ثبت قلوب خايفه

يارب يوم الحجيج اكتبلنا حجه

نزور بدمع العين ونول كمان جنه

يشفع لنا الهادى وبمقامه نتهنى

نرجع بصبر وخير يارب تقبلنا

يا رب عيد بالخير ع الامه اعيادها
اجعل رجالها ضمير واكرمنا ف ولادها
يحيوا زمان الخير والعزه و الاحسان
ويعيدوا تانى زمان النصره لبلادها

يامالك المَلكُـــوت..فَوّضت أمري إليكْ

واقف على عَرفات..عبدك وملك إيديك

أدعيك ودمع الندم..ساايل على الخـدينْ

طمعان ياأهل الكَرَمْ..رامي حُمُولي عليكْ

ياللّي خَلَقت البشَرْ..على كُل شكل ولونْ

وجعلت من رَحمِتَكْ..رزق العباد مضمونْ

أُرْزُقنا حُسن الختام..والموت على دينكْ

وانصُرنا بالإسلام..واحفظنا مـ اللّي يخونْ

يا رب يازراق... يا فالق الحبة

جمع شتات العرب والمسلمين صحبة

والامة تطلع سوا وتصلي ف الاقصي

وتسيل دموع الفرح وأنا بسمع الخطبة

يارب مِن خشيـتك..قلب الحَجَرْ بيلينْ

والْشّمس ويّا القمر..على قُدرتك شاهدينْ

بحق كُن فَيَكون.. يامَنْ مَلكت الكُون

تجمع شباب العَرَب في القُدس والحرمين

ما شاء الله استاذ رضا واستاذ محمود رباعيات ولا اروع
يا رب بالمصطفى طه نبينا الزين
اغفر لنا ذنبنا واقبل دموع العين
واكتب يا ربى لنا توبه نصوحه ونور
واوعدنا طول عمرنا بالكعبه و الحرمين

يااارب مالي سواك...ياعالم الأسرارْ

حِملْ الذنوب هَـدّني..خَلّي حياتي مرارْ

عبدك ضعيف الحال..راجع ذليل مكسورْ

إرحَم أنين شكوتي.. واغفرلي ياغفّـــارْ

تثبت بواسطتي لجلال المناسبه

يارب استجيب ... كل عام وانتم بخير[b]

محمود جمعة كتب:: يارب يوم الحجيج واقفين علي عرفه

أكتب لشعب النيل الحب والالفه

يارب بلدي وضحت والاضاحي كتير

كما فديت إسماعيل ..ثبت قلوب خايفه

يارب يوم الحجيج نزلت دموع نوحى
م الوزر والعصيان مالت حصون روحى
زادالالم فبكيت لبيت وطفت البيت
قلت لذنوبى خلاص فارقينى بقا روحى

ربنا يبارك لك يا استاذنا
تقبل خربشاتى
وكل سنة وانت طيب
Very Happy

عبد وضعيف هدنى حمل الذنوب والويل
واقف بباب رحمتك سايله دموعى سيل
بالوعد بالمكرمه للى يعود ويتوب
اكرمنى يا خالقى نجينى من دا الليل
يااااا رب

طالب انا رحمتك ارحمنى واهدينى

بشفاعة المصطفى اكرمنى واحيينى

يبقى الهنا دنيتى و انا ماشى على الصراط

واغفر هوان ذلتى يارب نجيينى
امين

يارافع السموات..فيها النجُوم قناديلْ

يا مبدل الأحوال..بين النهار والليلْ

إجمع شتات أُمّتي على سُنّةِ المُـختار

واكفينا شر الفِتَنّ..قبل البلد ما تميلْ

يارب انت عليم . عيد الامان لينا

يارب انت كريم حقق امانينا

يارب مين دا سواك يسمع ويرحمنا

ويستجيب للدعا . نرفع اليه ايدينا

يامن شرعت الحج والرجم للشيطان

أحميني م الوسوسة و الانس قبل الجان

أجعلني حامل مسك للأهل والصحبة

وأجعل دليل دنيتي الشرع والقرآن

يارب يارحمن ياخالق الاكوان

اهدينا لاجل النبى المصطفى العدنان

اقبل كمان دعوتى وانصرنا وارضينا

وبالامان والهنا استر ضعيف غرقان

يا مَنْ شَرَعت الحج..وأمرت بيه النّاسْ

لَـبّـى نِـداك الخلقْ..من كـافةِ الأجنـاس

ما بين مِـنى وعرفات..والسعي والجمَرَات

منظر يُردّ الروح...ويحرّكِ الإحســاسْ

يا من شرعت الحج . قربي لاحبابك

ما ترد تائب رجع . واقف علي بابك

عاصي وذنوبي كتير ورحمتك أكبر

سألت وأنت القريب ..يارب سبحانك

يارب عبدك دمَى قلبه البُكا فى الليل

ساجد وخاشع لعِزَّك .. ومستكين وذليل

سهران لحد الفجر .. طول الليالى العَشر

من خوفه يوم الحشر يلقَى العذاب والويل

ياسامع الدعوات ..بتشق قلب الليلْ

ياغـافر الـذلّات ..بالذكر والترتيلْ

بحق طه وياسين..والسجدة والرحمن

حبّـبني في القرآن..وداوي قلب عليلْ

[color=green]يارافع الذنوب من قلوب الناس
ياموحد القلوب وموحد الأجناس
بحق يوم عرفة ومنى ومزدلفة
وحد كل الشعوب لراية ماتنداس
[/color]

يارب رغم الذنوب ف كتابى مكتوبة
نفسى اللى متشيطنة غالبة على التوبة
واتوب وارجع لها نوبة و100 نوبة
ياأكرم الأكرمين انصرنى عل نفسى
واجعلها راجعة إليك خاضعة ومغلوبة
........................................
جاى لك فى ساعة انابة رافع لكفينى
باترجى منك اجابة من قبل تكفينى
طمعان فى توبة نصوحة ولا غيرها يكفينى
وكيف يخيب الرجا فى وجهك الأكرم
العفو والمغفرة يارب عافينى

يارب دايما كدا للحب متصافى
قلبى ينول المنى و السهد متنامى
الوجد عازف هنا و الحب غالبنى
نفسى أنول الرضا و الحمد متصافى

يارب عازم قوى ع الطاعة لأجل الخير
حبك دا شوق مطلبى لأجل الفرح للغير

» قول الحق / رباعية للمشاركة
» القرش--- للمشاركة
» بإيدك ياريس ---- للمشاركة
» تهتئة للقدير عادل عوض سند (للمشاركة)
» مسحراتي (( 2 )) للمشاركة تعليقا علي أحداث سيناء