مرشح رياسي / للمشاركة / محمود جمعة

خمسميت واحد مرشح
للرياسة يابلادنا وغلبونا
تقولشي عندي زفة بلدي
وجم جنابهم بالمصاري ينقطونا
اللي كان بياع بطاطا
واللي سايق ف العباطة
واللي أخره مدير طابونة
بعضهم من عصر مينا
وبعضهم كوز فخفخينا
سيرك ياللا ع الشناكل لاعبونا
يا أساتذة ما ترحمونا
شلة الاعلام هارونا
تاخدوا شهرة بالاونطة
وأحنا في الاخر صابونة

ههههههههههههههههههههههههههه
الله عليك . طيب
.......................
تاخدوا شهرة بالخباثه
والأونطة مش كياسة
بص شوف سباك حارتنا
كان مرشح للرئاسة
......................
تسخين للى جى
هههههههههههههه
يارب يامسهل

خمسميت واحد مُرشّح.. للرياسة
بس مين فيهم بيفهم في السياسة؟؟؟
خطة مرسومة علينا
لجل ما تزغلل عينيا
أو تتوه الخطوة بينا
قلبي حاسس إن دي لعبة بخباثة
لمّا شوفت في يوم حانوتي
جاي... وبيطــالب بصوتي
قولت هاخرج عن سكوتي
وافضح اللعبة بهداوة وبكياسة

[b]

اللى قصدة يفتت الاصوات عبيط
واللى مترشح وهوا بتاع سميط
واللى جى وأسمه ظاظا
فاكر الفيلم اللذاذة
خد فى راسك بالإزازة ياغتيثت

خمسميت واحد مُرشّحْ

بس مين فيهم.. سياسي

والخيول في الساحة ترمحْ

عــ المناصب...والكراسي

بكرة صوت الشعب يفضحْ

كل خاين...وانتهازي

واللّي مش يلقالُه مَطرَحْ

ينسحب..من غير تعازي

حسن الجمال. كتب:: ههههههههههههههههههههههههههه
الله عليك . طيب
.......................
تاخدوا شهرة بالخباثه
والأونطة مش كياسة
بص شوف سباك حارتنا
كان مرشح للرئاسة
......................
تسخين للى جى
هههههههههههههه
يارب يامسهل

الاونطة عندهم هي الكياسة

هو دة يا محترم معني السياسة

تلبس الوش اللي بيحبه الزبون

تقلع الوش اللي واخده بالوراثة

ياحلولو . ياحلالى
نفسنا فى الجزارين
يدى موزة أو حلالى
حتة للشعب الحزين

رضا محمود كتب:: خمسميت واحد مُرشّحْ

بس مين فيهم.. سياسي

والخيول في الساحة ترمحْ

عــ المناصب...والكراسي

بكرة صوت الشعب يفضحْ

كل خاين...وانتهازي

واللّي مش يلقالُه مَطرَحْ

ينسحب..من غير تعازي

العيون مش ع المناصب
قول مغامرة أو دعاية
لجل م الإعلام يجلجل
واللى له حق الرعاية
يدفع المعلوم ياصاحبى
هى دى كل الحكاية

رضا محمود كتب:: خمسميت واحد مُرشّح.. للرياسة
بس مين فيهم بيفهم في السياسة؟؟؟
خطة مرسومة علينا
لجل ما تزغلل عينيا
أو تتوه الخطوة بينا
قلبي حاسس إن دي لعبة بخباثة
لمّا شوفت في يوم حانوتي
جاي... وبيطــالب بصوتي
قولت هاخرج عن سكوتي
وافضح اللعبة بهداوة وبكياسة

[b]
خمسميت واحد واحد العوبان
زهقونا وسمموا حتي المكان
مين يقول يا مصر
يتريس حانوتي
أو يقول ادي الفلول يا شعب صوتي
اشرحولي يعني ايه كلمة رياسة
لما تتبدل حروف كلمة سياسة
وتبقي كلمة معناها الدياسة

قالوا فيه واحد مُرشّح

إتمسك ...بيشم كُــلّـةْ

قال سيبوني ولمّا هنجحْ

البلدّي ..هتبقى فُــلّةْ

هازرع البانجو.. مزارعْ

واسقى كل الناس حشيشْ

أصلي واد مجدع وصايعْ

والبوليس....ما يهمنيشْ

حسن الجمال. كتب:: ياحلولو . ياحلالى
نفسنا فى الجزارين
يدى موزة أو حلالى
حتة للشعب الحزين

يا حلولّوو..روح وقولُه

ليه فاكرنا مُغَـفّلينْ؟؟؟

الشباب بالثورة عَـلّوا

راية الحق المُبيـــنْ

ياللّي مش عاوزين تخلّوا

شعبنا ...يرتااح يومينْ

محمود جمعة كتب:

حسن الجمال. كتب:: ههههههههههههههههههههههههههه
الله عليك . طيب
.......................
تاخدوا شهرة بالخباثه
والأونطة مش كياسة
بص شوف سباك حارتنا
كان مرشح للرئاسة
......................
تسخين للى جى
هههههههههههههه
يارب يامسهل

الاونطة عندهم هي الكياسة

هو دة يا محترم معني السياسة

تلبس الوش اللي بيحبه الزبون

تقلع الوش اللي واخده بالوراثة

السياسة عندهم يعنى النفاق
لما يلقوا بيتسحب منهم لجام
واما يلقوا شعب مصر الحر فاق
يبدأوا بالضرب من تحت الحزام
فهمك

محمود جمعة كتب:

رضا محمود كتب:: خمسميت واحد مُرشّح.. للرياسة
بس مين فيهم بيفهم في السياسة؟؟؟
خطة مرسومة علينا
لجل ما تزغلل عينيا
أو تتوه الخطوة بينا
قلبي حاسس إن دي لعبة بخباثة
لمّا شوفت في يوم حانوتي
جاي... وبيطــالب بصوتي
قولت هاخرج عن سكوتي
وافضح اللعبة بهداوة وبكياسة

[b]
خمسميت واحد واحد العوبان
زهقونا وسمموا حتي المكان
مين يقول يا مصر
يتريس حانوتي
أو يقول ادي الفلول يا شعب صوتي
اشرحولي يعني ايه كلمة رياسة
لما تتبدل حروف كلمة سياسة
وتبقي كلمة معناها الدياسة

وأخيراً...عرفت معنى كلمة الرياسة.....

بعد ساعة من القراية فـــ القاموسْ

الرياسة في مصر.. معناها الفلوسْ

يعني تاخد كل شيئ لحساب جنابك

يعني حــق الشعب يسقط من حسابك

لو في يوم بركان غضب بالثورة صابك

جيب مُشير بمدرعاتُه فوق رقاب الناس يدوسْ

حسن الجمال. كتب:

محمود جمعة كتب:

حسن الجمال. كتب:: ههههههههههههههههههههههههههه
الله عليك . طيب
.......................
تاخدوا شهرة بالخباثه
والأونطة مش كياسة
بص شوف سباك حارتنا
كان مرشح للرئاسة
......................
تسخين للى جى
هههههههههههههه
يارب يامسهل

الاونطة عندهم هي الكياسة

هو دة يا محترم معني السياسة

تلبس الوش اللي بيحبه الزبون

تقلع الوش اللي واخده بالوراثة

السياسة عندهم يعنى النفاق
لما يلقوا بيتسحب منهم لجام
واما يلقوا شعب مصر الحر فاق
يبدأوا بالضرب من تحت الحزام
فهمك

السياسة في عُرفُهم .....يعني المزاولة

يعني لا ترسم خطط.. ولا تبني دولة

المهم تكون بتفهم في المُزايدة والمقاولة

يعني سيبك مـ الفقير واكرم الناس العتاولة

حسن الجمال. كتب:: اللى قصدة يفتت الاصوات عبيط
واللى مترشح وهوا بتاع سميط
واللى جى وأسمه ظاظا
فاكر الفيلم اللذاذة
خد فى راسك بالإزازة ياغتيثت

اللي قصده يفتت الاصوات خبيث

يبقي ( عوكل ) راح يكون هو الرئيس

شخص متفتح وفاهم ف القانون

اصل عنده ميت قضية والف محضر في البوليس

رضا محمود كتب:: قالوا فيه واحد مُرشّح

إتمسك ...بيشم كُــلّـةْ

قال سيبوني ولمّا هنجحْ

البلدّي ..هتبقى فُــلّةْ

هازرع البانجو.. مزارعْ

واسقى كل الناس حشيشْ

أصلي واد مجدع وصايعْ

والبوليس....ما يهمنيشْ

قالوا فيه واحد مرشح

جد جده كان فلول

وهو طبعا بالوراثة

لسه عنده محل فول

كل يوم بينام ويحلم

مصر تاكل م البليلة

قالك أترشح ويمكن

تتنسي خيبتي التقيلة

السياسة يعني خبرة

زي ما تقلي الفلافل

والصبي حيكون لي نائب

رغم أنه غتيت وسافل

هي بقت كدة ياعني طب ماشي :

هي يعني جات عليا

نفسي أشارك في العباطة

بس خايف م الشماتة

والعصابة المفترية

قلت أسحب في إستمارة

لجل ما ابني كام عمارة

والركوبة نغيروها

بعد ما كانت حمارة

تبقي أفخم عربية

شوفتوا يا أخوّنا الرياسة

حلوة خالص مستوية .

[b]

محمود جمعة كتب:

رضا محمود كتب:: قالوا فيه واحد مُرشّح

إتمسك ...بيشم كُــلّـةْ

قال سيبوني ولمّا هنجحْ

البلدّي ..هتبقى فُــلّةْ

هازرع البانجو.. مزارعْ

واسقى كل الناس حشيشْ

أصلي واد مجدع وصايعْ

والبوليس....ما يهمنيشْ

قالوا فيه واحد مرشح

جد جده كان فلول

وهو طبعا بالوراثة

لسه عنده محل فول

كل يوم بينام ويحلم

مصر تاكل م البليلة

قالك أترشح ويمكن

تتنسي خيبتي التقيلة

السياسة يعني خبرة

زي ما تقلي الفلافل

والصبي حيكون لي نائب

رغم أنه غتيت وسافل

[b]مصر يامّة..ياوسيّة

للفلول...والبلطجيّة

إنتخابات الرئاسة

للّي بايعين القضية

سوّاقين أو عربجيّة

خيبة وحياتك.. قويّة

هُمّة قاصدين الدعاية

ولاّ داخلين حُسن نيّة ؟؟؟

تثبت بواسطتي ..... تحياتي

وانت ليه زعلان ياحوده ؟؟؟

دا احنا عايشين فتره سوده

طب ماتسمع عم سيد

عنده فكر وليه تأيد

سمكرى وعايش ف اوضه

شكله { حايرشح } علينا

اصله { حا يسلك } مدينه

نفسه { يصرف } شهر لينا

بس ينجح .. قول بعوده ..

الاخوة جميعا .. رجاء أبقاء الموضوع في عدد ونوعية اللذين سحبوا اوراق

الترشيح

في مشاركات خفيفة الظل كما فعل أخي الحبيب عادل عوض سند ،، الامر ليس

سياسي بقدر ما هو خفيف الظل .. تعلمون ان السخرية من الذات أحدي طرق

الاصلاح لانه سياسيا سبق وعملت مساجلة اسمها ( حبقي رئيس ) وشاركتم

فيها ...خالص مودتي

عادل عوض سند كتب:: وانت ليه زعلان ياحوده ؟؟؟

دا احنا عايشين فتره سوده

طب ماتسمع عم سيد

عنده فكر وليه تأيد

سمكرى وعايش ف اوضه

شكله { حايرشح } علينا

اصله { حا يسلك } مدينه

نفسه { يصرف } شهر لينا

بس ينجح .. قول بعوده ..

مين يكون العمّ سيّد..؟؟

طب.. وتوفيق المنجّد

ولاّ محفوظ الساعاتي

ولاّ اقولك عـ الخُلاصة

أحلى واحد... للرياسة

إبراهيم ابن الزناتي

اللّي كان سوّاق خصوصي

عند مدحت عيد خلوصي

اللّي عنده محل حاتي

هية أصلاً..خلطبيطة

حاجة فـ الآخر عبيطة

سيرك..والفُرجة يوماتي

رضا محمود كتب:

عادل عوض سند كتب:: وانت ليه زعلان ياحوده ؟؟؟

دا احنا عايشين فتره سوده

طب ماتسمع عم سيد

عنده فكر وليه تأيد

سمكرى وعايش ف اوضه

شكله { حايرشح } علينا

اصله { حا يسلك } مدينه

نفسه { يصرف } شهر لينا

بس ينجح .. قول بعوده ..

مين يكون العمّ سيّد..؟؟

طب.. وتوفيق المنجّد

ولاّ محفوظ الساعاتي

ولاّ اقولك عـ الخُلاصة

أحلى واحد... للرياسة

إبراهيم ابن الزناتي

اللّي كان سوّاق خصوصي

عند مدحت عيد خلوصي

اللّي عنده محل حاتي

هية أصلاً..خلطبيطة

حاجة فـ الآخر عبيطة

سيرك..والفُرجة يوماتي

ابراهيم ابن الزناتى ؟؟؟

ايوه عارفه ده يوماتى

بعد ما يخلص يروح

يشتغللى مخللاتى

وامه فايزه احلى دايه

واخته ورده م { البغايا }

اسره يعنى من الرزايا

سودت عيشتى وحياتى

أصل مصر بلدي عارفة مين رئيسها

عمر يوم ماحييجي تاني اللي يغيظنا

واللي يفرس فينا يعمل يوم فارسنا

حيلاقي فـ الكل فارس نور حارسنا

مرشح رياسي / للمشاركة / محمود جمعة 426083_334134733305372_324846574234188_979925_709004672_n

طب إيه رأيك فى ده ياأ/ محمود
ههههههههههههه
تسلم إيديك جداً

» محمود جمعة نعيم الأخوة فى الله
» فستان فرح / محمود جمعة
» بتوحشني / محمود جمعة
» بورسعيد / محمود جمعة
» مديح / محمود جمعة