شوفتك وشوفتك

شوفتك وشوفتك
معرفتكيش بتكونى أية
قبل الزمان نرجع ورى
بسنين عدد حبات جروح
تنجرحى فيها وتنكوى
وتقومى للجرح اللى جاى
كارهة وجود الشرنقة
تحميك ف الوهم العجيب
طعم العسل اللى أنتى
بتحسية ساعات
ف ساعات ساعات
بيكون عسل
مخلوط مرارات الشقى
وسط الحفر
اللى أنتى بتعدى
عليها وتسبقى
لية تسبقى؟
رافضة السكون
مع أن مشوارك طويل
ممكن يكون جواكى خوف
لكنة خوف
فى ناس بتفتكرة الأمل
أفكار جبينها المعتقل
يربط تلافيف مخها
تتبدل الأفكار حياة
تتشكل جواه الشخوص
وفرحة تشكليهم
بيطلع شكلها
ومتعرفوش تستغربة
لكن تحبه
لما تتلاقى الوشوش وتقولها
شوفتك وشوفتك
وتقولة عارفة شوفتنى
حستنى غير
وغيروغير
علشان بغير ع الكنز
لما يشدنى
يطلب مدد
وأنا أقول يا ريت
قومت وعفيت
وف كلمتين
معرفش أزاى قلتهم
أنا كنت رافضة الشرنقة
تسكنى موت
وبرد على كل اللى فاكرين
الأسود ملهمش قوت
جالهم مفاتيح
من ياقوت
لطريق عفى
والسور على الصفين
أشارات بأسماء الكريم
مدد مدد
علامات مرور
وأنا عارفة زى ما شوفتنى
شافونى دول
وأستغربوا وأتغربوا
بين السطور
وقالوا مين
قلتلهم أنتوا تكونوا مين
سكتم ف وشوشة العيون لبعضهم
علشان شافونى وشفتهم
ومعرفونيش
متغربين جوه توابيت غلهم
ف نفوس مفيش
حتى الهوى فية متلاقيش
مفروش عفن
عشش عليهم
ولا عمرهم راح يطلعوا
فات الميعاد
ف عقارب الساعة
اللى لفت عقلهم
بكفن نفاق
عايزين ف لحظة يصرخوا
مبيلحقوش
يتلخبطوا جوه الحروف
تنزل نقطها بالدموع
على خدهم
تفتحلهم باب التابوت
ومينطقوش

أشكر مرورك الكريم على العمل أستاذ ضياء وأشكر زوقك النبيل فى الأتصال جعلكم الله اخوة لنا دائما

ميرسى يا أحمد لتقديرك الجميل لكلماتى دايما بتنور صفحتى وبعدين بعد الشسر نقعدكم ف بيوتكم أية أنا مقدرش أستغنى عن أخواتى كلنا لازم نكون مع بعض

استاذه رشا أولا انقل لكى تحياتى ثم احييك على الكلمات المؤثرة البسيطة فى الطريقة ولكنها عميقة المعنى
فاقبلى تحياتى

أستاذ ضياء كم أنا شاكرة لجمال كلماتك وعمقها ف المعنى دمت بأطلالاتك الرائعة

الشاعرائعة الرائعة والودودة ألى قلبى أستاذة وداد الهوارى مبسوطة أوى من كلماتك وكان نفسى أشوفك عشان شوفتك وشوفتك دى لكل اللى حبتهم وحبونى ومعلش للمرارة ولكنى أعتقد أنها مرارة القوة ف رفض السكون لما أراه حولى دمتى أيتها الرائعة دائما على صفحتى برأيك الجميل

الأخ الصغير عمر زتون كم أنا سعيدة بكلماتك وبرؤيتك ف الندوة وبأبداعك الذى يتطور بشكل سريع أنت الذى تتألق من جديد فأتى لنا بالمزيد من أبداعك لنسعد بة معك

الله الله الله الله الله الله الله الله
اشكرك وخالص تحياتى
انظرى الرسائل

ميرسى جدا يا دكتور صلاح لكاماتك الجميلة ربنا يكرمك

أستاذ عادل سند أقول أية بعد كلامك
راح الكلام
لما رميت لية الكلام
ويا إبتسامت كلمتك
فى محبتك
لما ألاقى عنيك بشوق
قلب صافى ف السحاب
يبدر وردة ف الهوى ويلفنى
علشان أكون
وياه على نفس الطريق

أسجل مرروى و سأعود ثانية
إن شاء الله
دمت رائعة يا رشا

شكرا يا أستاذ عاطف ومنتظرة مرورك

تحياتى يا رشا وتقديرى العميق للتطور الهايل
والنضج اللى يفرح بجد فى اعمالك الاخيرة
الانسانه جواكى لا تنفصل عن الشاعرة
وانتوا الاتنين بتدوروا دايما على الصدق مع النفس
صورك هايله وعميقة المغزى
الجزء الوحيد اللى خرجنى عن ايقاع القصيدة واعتقد انه محتاج ضبط منك هو:
تتشكل جواه الشخوص
وفرحة تشكليهم
بيطلع شكلها
...................
غير كده القصيده تحفة

ميرسى جدا أستاذ عبدالله عبد الصبور لكلماتك الجميلة ورأتيك أسعدنى جدا وبالفعل لازم أشوف تعديل لهذه الجزئية فقد أتفق علية الكثير وفعلا محتاجة تعديل كلماتك نورت صفحتى وشهادتك أعتز بيها ومن فضلك عايزين نشوفك ف القاهرة

رشا فؤاد وعمرو شاهين لا أدري ربما يكون هذان الصوتان لها تأثير غريب كأنهما يكتبان رغم اختلافهما من منطقة واحدة ولكن لا اخفي اعجابي بهذا الزخم الحقيقي في نص رائع كهذا تقبلي مروري ومودتي

رشا فؤاد كتب:

شوفتك وشوفتك
معرفتكيش بتكونى أية
قبل الزمان نرجع ورى
بسنين عدد حبات جروح
تنجرحى فيها وتنكوى
وتقومى للجرح اللى جاى
كارهة وجود الشرنقة
تحميك ف الوهم العجيب
طعم العسل اللى أنتى
بتحسية ساعات
ف ساعات ساعات
بيكون عسل
مخلوط مرارات الشقى
وسط الحفر
اللى أنتى بتعدى
عليها وتسبقى
لية تسبقى؟
رافضة السكون
مع أن مشوارك طويل
ممكن يكون جواكى خوف
لكنة خوف
فى ناس بتفتكرة الأمل
أفكار جبينها المعتقل
يربط تلافيف مخها
تتبدل الأفكار حياة
تتشكل جواه الشخوص
وفرحة تشكليهم
بيطلع شكلها
ومتعرفوش تستغربة
لكن تحبه
لما تتلاقى الوشوش وتقولها
شوفتك وشوفتك
وتقولة عارفة شوفتنى
حستنى غير
وغيروغير
علشان بغير ع الكنز
لما يشدنى
يطلب مدد
وأنا أقول يا ريت
قومت وعفيت
وف كلمتين
معرفش أزاى قلتهم
أنا كنت رافضة الشرنقة
تسكنى موت
وبرد على كل اللى فاكرين
الأسود ملهمش قوت
جالهم مفاتيح
من ياقوت
لطريق عفى
والسور على الصفين
أشارات بأسماء الكريم
مدد مدد
علامات مرور
وأنا عارفة زى ما شوفتنى
شافونى دول
وأستغربوا وأتغربوا
بين السطور
وقالوا مين
قلتلهم أنتوا تكونوا مين
سكتم ف وشوشة العيون لبعضهم
علشان شافونى وشفتهم
ومعرفونيش
متغربين جوه توابيت غلهم
ف نفوس مفيش
حتى الهوى فية متلاقيش
مفروش عفن
عشش عليهم
ولا عمرهم راح يطلعوا
فات الميعاد
ف عقارب الساعة
اللى لفت عقلهم
بكفن نفاق
عايزين ف لحظة يصرخوا
مبيلحقوش
يتلخبطوا جوه الحروف
تنزل نقطها بالدموع
على خدهم
تفتحلهم باب التابوت
ومينطقوش

الجميله الرائعه جدا رشا فؤاد
حبيبتى رشا قصيده فى منتهى الروعه والابداع
وده مش جديد عليكى يا حبيبتى انتى بقيتى
ماشاء الله عليكى نمسك الخشب
اعجبتنى هذه القصيده جدا واستمتعت بها اكثر
عندما قومتى بالقائها فى الندوه
كما استمتعت اكثر بالجلوس معك
دمتى مبدعه ومتألقه
تقبلى حبى ومودتى

رشا انا فرحتى زادت جدا بمرور الشاعر العبقرى محمد الحناطى
بلغيه تحياتى
ودا مؤكد مؤشر حقيقى ان اعمالك بتشد الاساتذه اللى بعتبر الحناطى واحد منهم

اختى الصغيره
الكبيره ابداعا ومقاما وفكر
امتعتنى
بقالى كتير لم استمتع هكذا
وثابه
قولتها قبل كده وطلع كلامى صح
رشا فؤاد 2010 مرعبه نجم كونى يسطع فى الابداع
رشا اختى بجد بقى ممتازه
فى الفكره والتناول والتشبيه
وانا مش من عادتى القتباس فى الرد لكن النهايه رائعه
عموما تقبلى فائق احترامى وتقديرى وامتنانى وودى
دمتى بكل خير

أخى الشاعر الفاضل عبد المنعم الحناطى سعيدة جدا برأيك وكونك تضعنى مع عمرو شاهين فى كفة واحدة فهذا شرف لى لم أتوقعة أتمنى مرورك دائما على أعمالى وأعدك أن أكون عند حسن الظن تحياتى لأبدع مرور على أعمالى