ممنوع من النشر

القتيل

اللى لسه موجود جوايا

لسه بينازع وبيطلع ف الروح

مع انه مقتول ييجى من اسبوعين

على ناصية الشارع

ف جيب العذاروات الأحمر

اللى بينقط عصير فراوله

كل فتره معينه

عارفين انى كنت بصحى كل يوم وقت الفجر

اصلّى صلاة الغائب

تحت بعض البلكونات

اللى بالصدفه بتطل على الميدان

اللى قامت فيه الثوره البلشفيه

والثوره الفرنسيه

وثورة الكيف

اللى قام بيها الثوار

حفاظا على الخمارات

ودعم للسكريين

العربيده

اللى اتقتل جواهم قتيل

علشان كانوا واقفين معايا

على ناصية الشارع

ف جيب العذروات الأحمر

اللى بينقط عصير فراوله

وانا وحبيبتى سبنا بعض

بسبب انها مقرتش الفاتحه على أرواحهم

اللى اتقدست

فى الأمجاد السماويه

وبسبب انها مصلتش عليا صلاة الجنازه

زى الجنازه اللى شفتها

لما اتقتلت على ايد ناس تانيين

قبل كده

عشان كده مقدرناش نكمّل

..

بورفؤاد

شهر اغسطس

قبل ميلاد الكره الأرضيه

بــ 6 دقايق

كاس العالم لللآلهه الأغريقيين

ف خلق الوجود

(زيوس)

نايم على سرير "هيرا"

وبيحاولوا يخلفوا هرقليز

اللى هيبقى ابن الإله

المنتظر

بس زيوس كان عبيط

لأنه معرفش ان هيرا

اكتر واحد هتحارب المولود

لما ينزل الحياه

على ناصية الشارع

ف جيب العذروات الأحمر

اللى بينقط عصير فراوله

مكان ما اتقتل جوايا القتيل

بالصدفه البحته

!

استاذ عادل : دائما ما تحرجنى بكرمك وتعليقاتك

فكرة جديدة أعجبت بها .. رائع أسامة سند