باسمي وباسم شباب ابريل(تأخرت عن النشر عزرا)

باسمي وباسم شباب ابريل
الرجاله ولاد النيل
اللي اتخنقو وطفح الكيل
من قائد أكبر من ابونا
ارحل يا كبير بئه من فضلك
مش عايزينك مش بنحبك
هيا ودانك وقعت منك
ولا بتمكر عاللي جابونا
،
باسمي وباسم الناس الفقره
الناس دول اللي انت شايفهم
اللي لا ساسه ولا هم فقهه
ولا هم ناس م اللي انت عارفهم
مش جواسيس
ولا خواسيس
ولا هم سيس
دول جايين بيطالبو حقوقهم
،
انكوو م الظلم المساكين
والعيشه الأسود م الطين
شاب كبير كلنا تايهين
مش عارفين رايحين على فين
حتى بنات سن التلاتين
فات القطر وبقو يائسين
بتقول ايه يتجوزو مين
عاطل مش لاقي سجارتين
،
ولا الشاب كحيل العين
اللي بيلعب ف الخمسين
ولا تحب يروحو الصين
ويجيبو صيني بئه بقرشين
طب وشبابنا يروحو على فين
أخ نسيت دول ناس عاطلين
ذاكرو وصرفو على التعليم
واما امتازو اتركنو سنين
،
طيب قوللي الناس دول مين
اللي اتصفو ألووف ملايين
عاملين ليه زي المجانين
وبيهتفو رايحيين جايين
دول ثوار ثابتين عاقلين
دول أولاد مصر الحرين
عاوزين راجل يملى العين
قائد زي صلاح الدين
.

والله هو ولا حاسس بحاجه

كان مفصول عن الشعب .

الامل فى القادم اخى رضا .

قصيدتك جميله ومنضبطه وزناّ عن السابقه .

احييك على جمال حرفك .

مودتى وتحيتى ...