لأنك.....مصر

لأنك.....مصر
................
أمبارح كان قلبى واقف على بابك

نفسى ف ركعه ف محرابك

عايز أقولك انى بحبك

ان جبينى سجادته ترابك

عايز أقولك متخافيش

ازاى تقللّ النقطة بحر

عايز اقولك مايهمكيش

ازاى تدارى النجمه بدر

مهما تناسى الأغبيا

ان التراب ده طول عمره حر

ان العلم ده متلوّن بنصر

ميهمكيش.......

أنتى ....مصر
...............................

أسألى الشهيد بدمه

ضحى لجلك

ما أنتى أمه

فوسط الضلمه قام

ربط الحزام

شدّه على وسطه تمام

وحلف بحبك

ماتعيشى لحظه قلق

ولاعمره يامصر أتخلق

اللى يهزك

ولو بكلمه ع الورق
....................
انتى الابية

وانتى القوية

وانتى الصمود

انتى الولاد متحصنين

بقنابل الغاز والبارود

انتى فجر ولايوم يغيب

انتى رمز الحياة

والكون والوجود

ماهوى فى هواكى عاشق

وارتبط اسمه بأسمك

الا ونال الخلود

ماطغى طاغى وتعدىّ

يوم عليكى

الا وانتهى ولايوم يعود
..........................

شدة ومرت زيّها الاف

علمينا نثبت

ولايوم نخاف

مديّنا من قوتك

من عزتك

من صلابة وقفتك

فوش الطوفان

وسنين الجفاف

وان كانت الجايه

السنين العجاف

فيكى يامصر

الف يوسف

عليكى أمنا

وايديهم نضاف

(عزيزموسى 24\11\2011)

كلمات جميلة لشاعر اجمل عزيز موسي ايها المبدع احسنت نص وطني جميل احسنت يا فنان . مررت من هنا تقبل مروري

أحمد رجب معيط كتب:

كلمات جميلة لشاعر اجمل عزيز موسي ايها المبدع احسنت نص وطني جميل احسنت يا فنان . مررت من هنا تقبل مروري

الرائع احمد رجب

دائما تسعدنى بهذا التواجد الرائع

شكرا لك

الشاعر محمود قطب كتب:

دى مش قصيدة
دى البوم صور
وصور فناااااااااان
محترف مش هاوى
ودى وتحياتى

الشاعر الجميل محمود قطب

شكرا على رقيك وروعتك
ودى واحترامى

م/عطية شواش كتب:

لإنك حلوه

بتباهي اكون زيك

واقوم الصبح اتوضي علي ضيك

احسنت القول

شكرا يامعلمنى الحرف ازاى يكون

وكان قلمك ريشه ومعاك الف لون

ماهر حامد كتب:

رائع جدا الى الامام

كل الشكر لك استاذ ماهر

عادل عوض سند كتب:

الاخ الشاعر

عزيز موسى

عندما نكتب عن مصر . نخرج اجمل الكلمات .

وعندما نرسل اليها فهى تستقبل كلماتنا كأم تحتضن ابنائها .

مصر باقيه والكل يفنى .

مودتى وتحيتى ...

نحن نرقى بما نكتب عنها فمن ارتبط بمصر نال الشرف

شكرا سيدى