يارب / رباعية للمشاركة

الاعلامى اسلام المصرى كتب:: يارب دايما كدا للحب متصافى
قلبى ينول المنى و السهد متنامى
الوجد عازف هنا و الحب غالبنى
نفسى أنول الرضا و الحمد متصافى

يارب عازم قوى ع الطاعة لأجل الخير
حبك دا شوق مطلبى لأجل الفرح للغير
حققللى نور مطلبى بالهدى محل السير
حققللى طول الهنا بصحبة ضياء الخير

الروح تحن اليك والنفس عصياني

اسمع هدي القران يثير ف أشجاني

اقول يارب حتوب وأرجع عن الزلات

لكني عبد ضعيف .يهزمني آنساني

يارب مشتاق لرضاك وعفوك سلسبيلى
إهدينى للنور والحق ف نهارى ومع ليلى
إعصمنى من المعاصى وإبعدنى عن المآسى
إجعلنى شمعة لغيرى وقرأنك هو دليلى

يارب اكتب لي حجة أو اعمل كدة عمرة

أروح وازور البيت وأسعي وأحدف الجمرة

واشرب مياه زمزم بنيه الغفران

أحسن ذنوبي كتيرة هاشرب وانا عطشان

يارب اجعلني حبه تطرح خير لمصر

ورجال بلدنا يعدوا بينا لنصر

وتعيشي يا محروسه اجمل عصر

واكتب لنا يا الله في جناتك قصر

كل عام وانتم بخيـــــــــر

يارب يوم الوقوف علي عرفة بدعيلك

شعب الكنانة يكون دستوره قناديلك

كتاب وسنة ونور الاجتهاد ف العلم

يارب وأجعل شبابنا يرتضي دينك

[color=green]يارب ياوهاب فى يوم الحج العظيم
إكتب لنا أصحاب فى جنتك أرض النعيم
جزاء لنا وثواب من بعد الدنيا الفانية
نتقابل مع الأحباب مُحمد وعيسى الكريم[/color]

ياربنا في (مني ) حجاجنا في التشريق

اقبل دموع توبتي . من عبد عاصي غريق

يارب وأرجم شيطانا وابعده عنا

وأهدي ولادي يارب للطاعة والتوفيق

يارب يا حنان اكرمنا واحمينا

من كل خير زدنا وم الشر نجينا

مالناش يا رب إله غيرك بنلجأله

بالسر يا ربنا انت العالم بينا

» قول الحق / رباعية للمشاركة
» القرش--- للمشاركة
» بإيدك ياريس ---- للمشاركة
» حبقي رئيس - مساجلة للمشاركة
» تهتئة للقدير عادل عوض سند (للمشاركة)