فرعون بيكره الحمام

محمد عبد الواحد كتب:

الشاعر الكبير / عادل عوض سند

قصيدة دينية تاريخية سياسية

ما يقدرش يعملها إلا حضرتك

مش هاتكلم علي الوزن لأن الكلام ده موزون

بالجرام مثل الذهب

يعني كلام من دهب

خلاصة الكلام ( الله عليك )

أحمد عبد الرازق كتب:

ياعم عادل الكبير كبير
قصيده دينية تاريخيه سياسيه فعلا زي ما قال اخونا الشاعر محمد عبد الواحد
وانا لما قرتها افتكرتها علي القذافي
وهي فعلا تنفع لكل طاغيه
اللهم اقر عين السوريين واليمنيين بالحريه قريبا
دمت لنا شاعرنا الكبير

جازاك الله خيرا يا أستاذنا علي هذا العمل الأكثر من رائع... بس أنت لم تترك للنقاد مساحة يعترضوا علي كلمة واحدة حتي من كلامك - كده حضرب تفليسة !!


تناص رائع مع قصص القرآن و صور متكاملة مع بعضها بدرجة كاملة و ألفاظ قوية و معبرة... بسم الله ما شاء الله

سبحان الله .. و صدق رسول الله حين قال ( إن من البيان لسحرا )

عاطف

الأخ الأكبر والأستاذ الشاعر الكبير / عادل بك سند

كم أنت جميل ولا جديد في ذلك
حمدت الله على زوال الفرعون الأكبر .. ولكن أخشي ما أخشاه أن تستمر فرعنة الفراعين الصغار أو أن يغدو من أنقذهم موسي مكابرين ومعاندين لشرعة الله في السر والعلن فيطلبوا إلاها كما للضالين ألهة .. فنرجع إلي حيث بدأنا ويكتب علينا االتيه ونمضي إلي جهالة جديدة لا يعلم مداها إلا خالق النور والظلمة

ردي ولا تجزعي من قسوة الحرس ِ
يا من غدوت ِ بهم مقطوعة النفس ِ

أهي النهاية كي أبكي عليــك دمــــا
أم أن ما أنت فيه ...كبوة الفـــــرسِ؟

أتمنى من الله أن تكون الأخيرة

مودتى لشاعر كبير أسعد بقراءته وأتطلع لرؤيته

عاطف

ياعم عادل
يااستاذنا
واحده كمان من دى واعتذل الشعر بكرامتى احسن
ولا استنى واحده ليه مانت ماضيك يشهدلك ياباشا
عديهالي بقي دانا حبيبك
سلمت يداك ودمت دائما رائعا كما انت
تقبل مودتى ودمت بخير

عادل عوض سند كتب:

لمّا حدفه اليم يمّك

كنت حاطط كل همّك

تقتل الذكران فى قومك

م النبوءه اللى كانت

قالقه نومك

وانت مش حاسس بإنه

لمّا يكبر

ينتهى عصرك ويومك

بس مكر الله اكبر

والنهايه كات خيوطها

تتنسج من جوّه بيتك

إنما كهنة جنابك

زودوا بالسم نابك

واللى نابك من كلامهم

غوّلك .. عليت مقامهم

وإفتكرت انك إله

عرش دايم ويّا جاه

تقتل الحى بإشاره

والمعارض

جوّه ف سجون الإماره

تلهبه بظلمك وسوطك

وألقى صوتك جاى يسخر

لمّا اقول لك

إن فيه الأقوى منك

اللى ما بينامش أبداّ

وان رب الكون دا واحد

صرت جاحد

لمّا نصّبناك إله

فرعنك كدب العتاه

اللى جرّحنا ووجعنا

وانت ناسى قبل منك

إيه مصير كل الفراعنه

ناسى نمرود اللى أطغى

كفره ما يفرقش عنك

إنتهى ومات بالناموسه

والفراعنه لمّا تطغى

يبقى لازم ييجى موسى

لجل ما تجرب عصاته

تبقى عبره ولعُصاته

ينبذك بحرك وبرّك

ياللى غرّك كدب ناسك

غرّقوك والكل داسك

تندفن وياك مداسك

اللى علّم فوق جبيننا

اللى نعله كان يهيننا

يمسحك تقويم سنيننا

يتشطب م الذكرى إسمك

حتى رسمك

اللى كان مفروض اذاكره

لسه فاكره

وانت فوق عرشك وآمن

لأ .. وضامن

الولاء من الف خادم

رحت خاتم

جنبهم الفين هامان

حطّوا شعبك جوه سجنك

لجل يدوك الأمان

وإغتنيت من فقر شعبك

حصنوك ضد الزمان

وأمّا هب الحق يطلب

القصاص من جلادينك

رحت باعت صيادينك

اللى صادوا بغدرهم

فرخ الحمام

كان جزيئات ريشها يسقط

تتكسى بيه الهامات

زى تلج اوروبا لمّا

تتفرش بيه الغابات

إنما دم اللى ماتوا

عمره ما يخليك تنام

راح يطاردك

جوه فرشك

جوه نفسك

حتى وانت جوه قبرك

يبقى عملك

اللى راح تجنيه وانت

جوه ف جهنم بتولع

اللى ليك حا تكون مقام

{ 11 / 2 / 2011 }

... يوم خلع الطاغيه ...

__________________________
قصيدة رائعة أستاذنا
درس ياريت الكهنة اللى فاضلين يفهموه ويبطلوا يراوغوا فى محاكمة الفرعون ويمطوا فيها قد مايقدروا. ياريت يسلموا السلطة للشعب اللى دمه كسى ميادين وشوارع مصر ،ويعرفوا إن اللى قال تقدرون وتضحك الأقدار ماكنش بيهزر ولا بيخرف.
أستاذنا
الشاعر المبدع / عادل عوض سند
دام إبداعك
تحياتي

الشاعر محمود قطب كتب:

ما شاء الله
نعم قلتها قبل ذلك
واكررها
اشعر فى رحابك انى مدعى
ايها العملاق عادل عوض سند
أنت ياكبيرنا
اسطورة شعرية مصرية سكندرية
امتلكت اصل زمام الابداع
ودانت لها مقاليد الاشعار
فراحت تبنى ابيات من الوجد
سكنت فيها معاناة شعبا لثلاثين عام
دمت استاذنا ودام لنا فنك
وحفظك الله من كل سوء

طاهر الصوفاني كتب:

عرفت منين بقي انه فرعون كان بيكره الحمام

ههههههههههههههه

دا الاثر بيقول ان فرعون والكهنه كان اكلهم حمام ووز بس هههههههههه

مش حرام عليك ياراجل تخبيها من وقت كتابتها لدلوقتي

طب كنت هتنشرها امتي بقي لما ياخد برائه مثلا؟

تحياتي ياعمنا واستاذنا

احمد عبدالعزيز كتب:

فرعون ده مبيكرهش حد
ولا حتى كان بيحب حد
فرعون غبى
فى حد بيعادى نبى؟
من بعد ما استقينها قلبه قام جحد
لما استخف القوم اطاعوا
ولما ضاعوا
كات النتيجة المنطقية يقوم ولد
فرعون بنا وعلا البنا
لكنّ حكمة ربنا
إن البنا كل اما يعلى
يكون مصيره للهدد


تحياتى ايها الرائع و تقبل منى هذه الخربشات التى لا ترقى ابدا لمستوى قصيدتك .
قصيدة راااااائعة بكل ما تحمله الكلمة من معنى.

دمت رائعا

رافت المصرى كتب:

كعادتك استاذنا نتعلم منك جمال الحرف وفنون السرد
دمت بكل الالق استاذنا
كل التحايا

فارس القرشي كتب:

أستاذي/عادل عوض
ما أروعك فكر ومضمون وصور ووزن
وصياغه أحسنت وأبدعت
تمنياتي بمزيد من التفوق والأبداع

أخى عادل
معذرة لتأخري في المرور على رائعتك تلك
التى تتكأ على التراث لتقدم لنا لوحة معاصرة
تصف الحال و تنكأ الجراح
دمت جميلا كعادتك

يوسف ابو زينة كتب:

الله الله الله
احسنت استاذ عادل
أكثر من رائع
بارك الله فيك
دمت بخير

محمود جمعة كتب:

استاذي وأخي الأكبر الشاعر الكبير عادل عوض سند

أعتذر عن التأخير لظروف السفر

قصيدة من نوع مختلف ،، استخدمت فيها ثقافتك الدينية والاجتماعية والسياسية لتقدم لنا وجبة شعرية أدبية منوعة من ابواب السهل الممتنع

ما أجمل وأروع وأحكم آفتتاحيتك للقصيدة بقولك :

لمّا حدفه اليم يمّك

كنت حاطط كل همّك

تقتل الذكران فى قومك

م النبوءه اللى كانت

قالقه نومك

وانت مش حاسس بإنه

لمّا يكبر

ينتهى عصرك ويومك

بس مكر الله اكبر

استحضار رائع لحال الفرعون قبل ولادة موسي ثم تنزيله بأحترافية شاعر

كبير علي واقع مبارك المرير .. فرغم محاولته قتل ذكور الامة بكل أنواع القتل

سواء القتل بمعني الموت ،،او بالتتعذيب والتخويف ،،أو بالتجهييل والتفاهه

ان القتل هنا هو أستبعاده من دور الرجوله ليسهل استأناسه ..ولكن نسي

الفرعون وهو في أوج جبروته ان الله أعلي وأكبر ،،فيأتي الموت من مأمنه

الشباب الذي قتلته او توهم أنه قتله يبعثه الله لينتزعه من فوق عرشه ..وكان هذا

مكر الله به ..والله خير الماكرين

ثم تعود لنا ايها الشاعر الكبير بصوره أخري لا تقل روعة ولا جمالا عن سابقتها

وانت ناسى قبل منك

إيه مصير كل الفراعنه

ناسى نمرود اللى أطغى

كفره ما يفرقش عنك

إنتهى ومات بالناموسه

والفراعنه لمّا تطغى

يبقى لازم ييجى موسى

ان استحضار قصة النمرود هنا بالذات له دلالة عميقة جدا ..فالنمرود تجبر

وتأله وطغي وأستكبر وقد اسقطت هذا علي حال مبارك ..الذي أستهان

بشباب الامة كما أستهان النمرود بناموسة ضعيفة وهو لا يدري أن نهايتة

علي يديها .. وهو غافل علي حقيقة قرانية وسنه كونية سنها الله عز وجل

وهو أن لكل فرعون موسي يأتيه في قمة تجبره وتألهه علي الله لينزعه من

فوق عرش غروره وتكبره ..وهكذا فعل الله بكل فراعين مصر


ثم تختم لنا سيدي الشاعر الكبير ختام كبير مثلك :

نما دم اللى ماتوا

عمره ما يخليك تنام

راح يطاردك

جوه فرشك

جوه نفسك

حتى وانت جوه قبرك


نعم شاعرنا الكبير لا يهدأ الدم المسفوح غدرا حتي ينتقم لصاحبه وقد قال

الله ( من قتل نفسا فكأنما قتل الناس جميعا ) ودماء الشهداء ستكون

ذنبا في عنقة ولعنه تطارده في الدنيا هنا اولا وقد رقد ذليلا في قفص

المحاكمه وسوف يقتص الله منه ..هنا في الدنيا ..كما أخرج القذافي من

جحر الجرزان .. ثم تتبعهم أعمالهم الي قبورهم تعذبهم هناك قبل ان يقفوا

أمام الله يحاسبون حسابا عسيرا عما أقترفوا في حق شعوبهم

أخي الحبيب

لا أجد من كلمات الثناء والاستحسان ما يفي عملك الرائع

ولكن أنت علم الشعر العامي فلترفرف علينا دائما بكل جميل

خالص التقدير والاعجاب والاحترام

رضا عثمان كتب:

استاذي الحبيب والعزيز عادل سند
القصيده من أولها لأخرها في منتهى الجمال والروعه
ولكني سأقتبس لك فلاشات أبهرتني موسيقتها وجمالها
.
وإفتكرت انك إله

عرش دايم ويّا جاه

تقتل الحى بإشاره

والمعارض

جوّه ف سجون الإماره
.
.
لمّا نصّبناك إله

فرعنك كدب العتاه

اللى جرّحنا ووجعنا

وانت ناسى قبل منك

إيه مصير كل الفراعنه
.
.
والفراعنه لمّا تطغى

يبقى لازم ييجى موسى

لجل ما تجرب عصاته

تبقى عبره ولعُصاته

ينبذك بحرك وبرّك

ياللى غرّك كدب ناسك

غرّقوك والكل داسك

تندفن وياك مداسك

اللى علّم فوق جبيننا

اللى نعله كان يهيننا

يمسحك تقويم سنيننا

يتشطب م الذكرى إسمك

حتى رسمك
.
.
يا ريتنى كنت نسخت القصيده كلها ههههههههههههههه
والله ما شاء الله جميله جدا من اولها لاخرها
والاسلوب المره دي اراه جديد شويه
تحياتى لك استاذي

رضا فايد كتب:

اخي الحبيب الشاعر الكبير المبدع/عادل سند
اسمحلي اشارك باقتباس رد اخي رضا محمود فهو الرد الوحيد الذي اراه قد كتب ماقد يعجز عنه لساني وقلمي فاخي رضا عنده طلاقه في اللسان وحسن البيان فاسمحلي

الله الله الله يا أُستــــــــــاذ
سبحان من ألهمك وأفاض عليك بهذا الإحساس وتلك النظرة العميقة للأحداث من حولك
إحتار قلمي في ترجمة شعوري بهذه الراائعة
حقاً حينما يتكلم الشاعر عادل عوض سند فعلى الجميع أن يُنصت ليتعلّم

كفره ما يفرقش عنك

إنتهى ومات بالناموسه

والفراعنه لمّا تطغى

يبقى لازم ييجى موسى

لجل ما تجرب عصاته

تبقى عبره ولعُصاته

ينبذك بحرك وبرّك

الله عليك وعلى التأثر الشديد بآيات القرآن وقصص الذكر التي تساعد المُتلقّي على فهم الصورة كاملة فالإستعانة هنا ليست بتشبيهات من نسج الخيال ولا كلام البشر ولكنه أتى من كتاب الله الذي لا يأتيه الباطل من بين يديه ولا من خلفه ثمّ الجناس الكامل في ( عَصاته..وعُصاته) الذي أضفى على الأبيات موسيقى وجمال فوق الجمال


كان جزيئات ريشها يسقط

تتكسى بيه الهامات

زى تلج اوروبا لمّا

تتفرش بيه الغابات

يااالله..ماهذا الغوص في التفاصيل وماهذا التشبيه الراااائع..الذي لم أسمعه من قبل؟؟؟
أُستاذنا الشاعر الكبير...عادل عوض سند
تقبّل مروري وقراءتي الأولى لقصيدتك الراااائعة

واضيف هذه الابيات
وألقى صوتك جاى يسخر

لمّا اقول لك

إن فيه الأقوى منك

اللى ما بينامش أبداّ

وان رب الكون دا واحد

صرت جاحد

لمّا نصّبناك إله

فرعنك كدب العتاه
فعلا استاذنااي فرعون بيتفرعن لما يلاقي الشعب نصبه وكانه اله..دمت استاذنا بهذا الابداع والروعه
تقبل تحياتي

حسن الجمال. كتب:

عمنا الشاعر الكبير عادل سند
من فترة طويلة ماقريتلكش حاجه
والحمد لله انى خلعت من شغلى الكام ساعة دول عشان اجى واقرا الرائعة دى
تسلم ايديك يااستاذنا
ربنا يبارك لك ويبارك فيك ولا يحرمنا من متابعتة اعمالك الرائعة والتعلم منها
تحياتى وودى لك استاذنا

عاطف عبدالعزيز الحناوي كتب:

جازاك الله خيرا يا أستاذنا علي هذا العمل الأكثر من رائع... بس أنت لم تترك للنقاد مساحة يعترضوا علي كلمة واحدة حتي من كلامك - كده حضرب تفليسة !!


تناص رائع مع قصص القرآن و صور متكاملة مع بعضها بدرجة كاملة و ألفاظ قوية و معبرة... بسم الله ما شاء الله

سبحان الله .. و صدق رسول الله حين قال ( إن من البيان لسحرا )

عاطف

الشاعر الكبير جدا عادل عوض
حبيت أقار حاجة جميلة فقلت ابحث عن حاجة لعادل عوض
ما اروعك حقا أخى الكريم

عاطف عاشور كتب:

الأخ الأكبر والأستاذ الشاعر الكبير / عادل بك سند

كم أنت جميل ولا جديد في ذلك
حمدت الله على زوال الفرعون الأكبر .. ولكن أخشي ما أخشاه أن تستمر فرعنة الفراعين الصغار أو أن يغدو من أنقذهم موسي مكابرين ومعاندين لشرعة الله في السر والعلن فيطلبوا إلاها كما للضالين ألهة .. فنرجع إلي حيث بدأنا ويكتب علينا االتيه ونمضي إلي جهالة جديدة لا يعلم مداها إلا خالق النور والظلمة

ردي ولا تجزعي من قسوة الحرس ِ
يا من غدوت ِ بهم مقطوعة النفس ِ

أهي النهاية كي أبكي عليــك دمــــا
أم أن ما أنت فيه ...كبوة الفـــــرسِ؟

أتمنى من الله أن تكون الأخيرة

مودتى لشاعر كبير أسعد بقراءته وأتطلع لرؤيته

عاطف

اميره بلا وطن كتب:

قصيده من أروع القصائد
قراءه عميقه
ومعلومات صحيحه
مستمده من القرآن الكريم
للقصه الجميله
قصه موسى وفرعون
تنسيق رائع وسياق ضم الأفكار ووحدها
ونتاج مبهر
فجزاك الله خير الجزاء

محمد بديوى كتب:

ياعم عادل
يااستاذنا
واحده كمان من دى واعتذل الشعر بكرامتى احسن
ولا استنى واحده ليه مانت ماضيك يشهدلك ياباشا
عديهالي بقي دانا حبيبك
سلمت يداك ودمت دائما رائعا كما انت
تقبل مودتى ودمت بخير