فرعون بيكره الحمام

لمّا حدفه اليم يمّك

كنت حاطط كل همّك

تقتل الذكران فى قومك

م النبوءه اللى كانت

قالقه نومك

وانت مش حاسس بإنه

لمّا يكبر

ينتهى عصرك ويومك

بس مكر الله اكبر

والنهايه كات خيوطها

تتنسج من جوّه بيتك

إنما كهنة جنابك

زودوا بالسم نابك

واللى نابك من كلامهم

غوّلك .. عليت مقامهم

وإفتكرت انك إله

عرش دايم ويّا جاه

تقتل الحى بإشاره

والمعارض

جوّه ف سجون الإماره

تلهبه بظلمك وسوطك

وألقى صوتك جاى يسخر

لمّا اقول لك

إن فيه الأقوى منك

اللى ما بينامش أبداّ

وان رب الكون دا واحد

صرت جاحد

لمّا نصّبناك إله

فرعنك كدب العتاه

اللى جرّحنا ووجعنا

وانت ناسى قبل منك

إيه مصير كل الفراعنه

ناسى نمرود اللى أطغى

كفره ما يفرقش عنك

إنتهى ومات بالناموسه

والفراعنه لمّا تطغى

يبقى لازم ييجى موسى

لجل ما تجرب عصاته

تبقى عبره ولعُصاته

ينبذك بحرك وبرّك

ياللى غرّك كدب ناسك

غرّقوك والكل داسك

تندفن وياك مداسك

اللى علّم فوق جبيننا

اللى نعله كان يهيننا

يمسحك تقويم سنيننا

يتشطب م الذكرى إسمك

حتى رسمك

اللى كان مفروض اذاكره

لسه فاكره

وانت فوق عرشك وآمن

لأ .. وضامن

الولاء من الف خادم

رحت خاتم

جنبهم الفين هامان

حطّوا شعبك جوه سجنك

لجل يدوك الأمان

وإغتنيت من فقر شعبك

حصنوك ضد الزمان

وأمّا هب الحق يطلب

القصاص من جلادينك

رحت باعت صيادينك

اللى صادوا بغدرهم

فرخ الحمام

كان جزيئات ريشها يسقط

تتكسى بيه الهامات

زى تلج اوروبا لمّا

تتفرش بيه الغابات

إنما دم اللى ماتوا

عمره ما يخليك تنام

راح يطاردك

جوه فرشك

جوه نفسك

حتى وانت جوه قبرك

يبقى عملك

اللى راح تجنيه وانت

جوه ف جهنم بتولع

اللى ليك حا تكون مقام

{ 11 / 2 / 2011 }

... يوم خلع الطاغيه ...

الشاعر الكبير بابا عادل سند

الله يابابا

إيه دا كله

يعنى حضرتك قولت كل حاجه

طب الغلابه اللى زينا

يقولوا ايه بقه

دخلت السياسه ف التاريخ ف النفس البشريه فى صراع الذات واستغليت الجناس ف الذهاب ألى اماكن مختلفه للوصول بروعه القصيدة إلى اروع مضمون وكمان الختام رررائع قوى بكرا يحيسوا باذن الله يا بابا

Very Happy

عمي عدولة

تقدم كبير في هذه القصيدة.. خصوصاً في الوزن.. والتانية اللي بيسموها .. اللهم ماصلي عـ النبي .. أسمها أيه التفعيلة تقريباً.. كتبت من بحر ... ( مش عارف حد يغششتي)... معلهش باطلع شوية من العقد ومركبات النقص اللي عندي تجاه أساتذتي..
نيجي للجد .. بجد عمل أكثرمن رائع.. ولما قرأته تذكرت الشيخ محمد الغزالي رحمه الله والمخلوع بيوصله للأسانسير وقاله.. أدعيلي يافضيلة الشيخ أنا مطلوب مني أطعم 65 مليون يومياً (تعداد مصر ساعتها).. فمسح بكرامته الأرض وقاله أنت مين أنت عشان تطعم.. أنت عارف تطعم نفسك.. وكان أمام الشيخ الشعراوي.. وعلق العوا في برنامج على ذلك.. وقال لو كان لقى كام واحد زي الشيخ الغزالي يشخط قيه .. ماكانش وصل لكدة.. ولكن للأسف لقى اللي يفصله الفتاوي.. والقوانين.. الله لايسامحه ولايسامح بطانة السوء اللي حاوطته.. عمل جميل من إنسان جميل كالعادة..

أخوك
طروقة

الله الله الله يا أُستــــــــــاذ
سبحان من ألهمك وأفاض عليك بهذا الإحساس وتلك النظرة العميقة للأحداث من حولك
إحتار قلمي في ترجمة شعوري بهذه الراائعة
حقاً حينما يتكلم الشاعر عادل عوض سند فعلى الجميع أن يُنصت ليتعلّم

كفره ما يفرقش عنك

إنتهى ومات بالناموسه

والفراعنه لمّا تطغى

يبقى لازم ييجى موسى

لجل ما تجرب عصاته

تبقى عبره ولعُصاته

ينبذك بحرك وبرّك

الله عليك وعلى التأثر الشديد بآيات القرآن وقصص الذكر التي تساعد المُتلقّي على فهم الصورة كاملة فالإستعانة هنا ليست بتشبيهات من نسج الخيال ولا كلام البشر ولكنه أتى من كتاب الله الذي لا يأتيه الباطل من بين يديه ولا من خلفه ثمّ الجناس الكامل في ( عَصاته..وعُصاته) الذي أضفى على الأبيات موسيقى وجمال فوق الجمال

كان جزيئات ريشها يسقط

تتكسى بيه الهامات

زى تلج اوروبا لمّا

تتفرش بيه الغابات

يااالله..ماهذا الغوص في التفاصيل وماهذا التشبيه الراااائع..الذي لم أسمعه من قبل؟؟؟
أُستاذنا الشاعر الكبير...عادل عوض سند
تقبّل مروري وقراءتي الأولى لقصيدتك الراااائعة

نثبت القصيده ... وبعدين نتمتع علي مهلنا [b]

على أد ما اتأخرت على أد روعتها كعادتك يا عمنا تحياتى وواحشنى جدا ومعلش على الغيبة ظروف والله

إنما دم اللى ماتوا

عمره ما يخليك تنام

راح يطاردك

جوه فرشك

جوه نفسك

حتى وانت جوه قبرك

يبقى عملك

اللى راح تجنيه وانت

جوه ف جهنم بتولع

الله عليك شاعرنا القدير/عادل عوض

تعبيرات غاية فى الدقة والتعبير الراقى
اعجز اكيد عن الرد يعنى ولا كلمه توفيك قدرك عندنا

احترامى الدائم استاذى

لالالا انا طبعا نصوص حضرتك مينفعش تتقرا مرة واحدة خطف انا فعلا قريتها بسرعة بس لازم الواحد يستمزج فيها واحدة واحدة وعلى رواقة يا استاذنا

انا دخلت بس اسجل اعجابى لغاية منقروا النص على مهلنا

تحياتى

الشاعر الكبير / عادل عوض سند

قصيدة دينية تاريخية سياسية

ما يقدرش يعملها إلا حضرتك

مش هاتكلم علي الوزن لأن الكلام ده موزون

بالجرام مثل الذهب

يعني كلام من دهب

خلاصة الكلام ( الله عليك )

ياعم عادل الكبير كبير
قصيده دينية تاريخيه سياسيه فعلا زي ما قال اخونا الشاعر محمد عبد الواحد
وانا لما قرتها افتكرتها علي القذافي
وهي فعلا تنفع لكل طاغيه
اللهم اقر عين السوريين واليمنيين بالحريه قريبا
دمت لنا شاعرنا الكبير

ما شاء الله
نعم قلتها قبل ذلك
واكررها
اشعر فى رحابك انى مدعى
ايها العملاق عادل عوض سند
أنت ياكبيرنا
اسطورة شعرية مصرية سكندرية
امتلكت اصل زمام الابداع
ودانت لها مقاليد الاشعار
فراحت تبنى ابيات من الوجد
سكنت فيها معاناة شعبا لثلاثين عام
دمت استاذنا ودام لنا فنك
وحفظك الله من كل سوء
Very Happy

عرفت منين بقي انه فرعون كان بيكره الحمام

ههههههههههههههه

دا الاثر بيقول ان فرعون والكهنه كان اكلهم حمام ووز بس هههههههههه

مش حرام عليك ياراجل تخبيها من وقت كتابتها لدلوقتي

طب كنت هتنشرها امتي بقي لما ياخد برائه مثلا؟

تحياتي ياعمنا واستاذنا

فرعون ده مبيكرهش حد
ولا حتى كان بيحب حد
فرعون غبى
فى حد بيعادى نبى؟
من بعد ما استقينها قلبه قام جحد
لما استخف القوم اطاعوا
ولما ضاعوا
كات النتيجة المنطقية يقوم ولد
فرعون بنا وعلا البنا
لكنّ حكمة ربنا
إن البنا كل اما يعلى
يكون مصيره للهدد

تحياتى ايها الرائع و تقبل منى هذه الخربشات التى لا ترقى ابدا لمستوى قصيدتك .
قصيدة راااااائعة بكل ما تحمله الكلمة من معنى.

دمت رائعا

كعادتك استاذنا نتعلم منك جمال الحرف وفنون السرد
دمت بكل الالق استاذنا
كل التحايا

أستاذي/عادل عوض
ما أروعك فكر ومضمون وصور ووزن
وصياغه أحسنت وأبدعت
تمنياتي بمزيد من التفوق والأبداع

رشا فؤاد كتب:: الشاعر الكبير بابا عادل سند

الله يابابا

إيه دا كله

يعنى حضرتك قولت كل حاجه

طب الغلابه اللى زينا

يقولوا ايه بقه

دخلت السياسه ف التاريخ ف النفس البشريه فى صراع الذات واستغليت الجناس ف الذهاب ألى اماكن مختلفه للوصول بروعه القصيدة إلى اروع مضمون وكمان الختام رررائع قوى بكرا يحيسوا باذن الله يا بابا

الابنه الغاليه الشاعره

رشا فؤاد

مرورك وتحليلك الجميل انتظره مع كل عمل جديد لى .

ولانى اعرفك بكلامك الجميل فأنا فى انتظار دائم لوجودك

الرائع على اعمالى المتواضعه والتى ترتفع وتسمو كلما

مررتى عليها . الف شكر لكلماتك الدافعه والعطره .

تحيتى وخالص تقديرى ...

طارق منيب كتب:: عمي عدولة

تقدم كبير في هذه القصيدة.. خصوصاً في الوزن.. والتانية اللي بيسموها .. اللهم ماصلي عـ النبي .. أسمها أيه التفعيلة تقريباً.. كتبت من بحر ... ( مش عارف حد يغششتي)... معلهش باطلع شوية من العقد ومركبات النقص اللي عندي تجاه أساتذتي..
نيجي للجد .. بجد عمل أكثرمن رائع.. ولما قرأته تذكرت الشيخ محمد الغزالي رحمه الله والمخلوع بيوصله للأسانسير وقاله.. أدعيلي يافضيلة الشيخ أنا مطلوب مني أطعم 65 مليون يومياً (تعداد مصر ساعتها).. فمسح بكرامته الأرض وقاله أنت مين أنت عشان تطعم.. أنت عارف تطعم نفسك.. وكان أمام الشيخ الشعراوي.. وعلق العوا في برنامج على ذلك.. وقال لو كان لقى كام واحد زي الشيخ الغزالي يشخط قيه .. ماكانش وصل لكدة.. ولكن للأسف لقى اللي يفصله الفتاوي.. والقوانين.. الله لايسامحه ولايسامح بطانة السوء اللي حاوطته.. عمل جميل من إنسان جميل كالعادة..

أخوك
طروقة

اخى الحبيب الشاعر الجميل

طروقه

ماهو قالوا لفرعون ايه فرعنك ؟؟

قال لهم مالقتش حد يلمنى ...

وعلى فكره . والله هذا النص كُتب يوم خلع المخفى .

ولكن من طبيعتى ان يظل النص امامى ربما لفترة تتعدى

العام إلا ان اقتنع به . وهذا من مصلحة العمل .

وانا لا انصح بكتابة النص ونشره فور كتابته .

ولابد من مراجعته اكثر من مره .

اما بخصوص نعقيبك الجميل فأنا مازلت تلميذ فى فصلك

يا طروقه وانا سعيد بشهادتك لى .

مودتى وخالص تحياتى ...

رضا محمود كتب:: الله الله الله يا أُستــــــــــاذ
سبحان من ألهمك وأفاض عليك بهذا الإحساس وتلك النظرة العميقة للأحداث من حولك
إحتار قلمي في ترجمة شعوري بهذه الراائعة
حقاً حينما يتكلم الشاعر عادل عوض سند فعلى الجميع أن يُنصت ليتعلّم

كفره ما يفرقش عنك

إنتهى ومات بالناموسه

والفراعنه لمّا تطغى

يبقى لازم ييجى موسى

لجل ما تجرب عصاته

تبقى عبره ولعُصاته

ينبذك بحرك وبرّك

الله عليك وعلى التأثر الشديد بآيات القرآن وقصص الذكر التي تساعد المُتلقّي على فهم الصورة كاملة فالإستعانة هنا ليست بتشبيهات من نسج الخيال ولا كلام البشر ولكنه أتى من كتاب الله الذي لا يأتيه الباطل من بين يديه ولا من خلفه ثمّ الجناس الكامل في ( عَصاته..وعُصاته) الذي أضفى على الأبيات موسيقى وجمال فوق الجمال

كان جزيئات ريشها يسقط

تتكسى بيه الهامات

زى تلج اوروبا لمّا

تتفرش بيه الغابات

يااالله..ماهذا الغوص في التفاصيل وماهذا التشبيه الراااائع..الذي لم أسمعه من قبل؟؟؟
أُستاذنا الشاعر الكبير...عادل عوض سند
تقبّل مروري وقراءتي الأولى لقصيدتك الراااائعة

والله يا اخى رضا

احمل عبء كبير عند الرد على تعقيبك العاجز لمفرداتى .

فلا اجد ما يفيك حقك ولا تحليلك الاكثر من رائع .

ثم نظرتك ووعيك الى النص شيئان قلما اجدهم عند التعقيب

على اى نص انشره على المنتدى .

وهذا شرف اناله من مرورك العطر على كلماتى .

لاحرمنى الله منك اخى رضا .

مودتى وخالص تقديرى ...

م/عطية شواش كتب:: نثبت القصيده ... وبعدين نتمتع علي مهلنا

[b] ثبتك الله اخى ..

طيب جاى امتى ؟؟؟

علشان نعمل حسابى ..

يعنى كوبايتين شاى كده على الماشى .

مع حتة جبنه قديمه .. وحزمة سريس .

عشان يبقى عيش وسريس ..

ماتغيبش إحياة ابوك ...

حمدى شيبة كتب:: على أد ما اتأخرت على أد روعتها كعادتك يا عمنا تحياتى وواحشنى جدا ومعلش على الغيبة ظروف والله

حمدى بك شيبه

وحشتنا يا راجل .

دا انا حظى جميل انك مريت على نصى .

ما تحرمناش من وجودك .. شرفتنى ونورت متصفحى .

الف شكر على حضورك البهى .

مودتى وتحياتى ...

الله الله الله
احسنت استاذ عادل
أكثر من رائع
بارك الله فيك
دمت بخير

بسمة الورد كتب:: إنما دم اللى ماتوا

عمره ما يخليك تنام

راح يطاردك

جوه فرشك

جوه نفسك

حتى وانت جوه قبرك

يبقى عملك

اللى راح تجنيه وانت

جوه ف جهنم بتولع

الله عليك شاعرنا القدير/عادل عوض

تعبيرات غاية فى الدقة والتعبير الراقى
اعجز اكيد عن الرد يعنى ولا كلمه توفيك قدرك عندنا

احترامى الدائم استاذى

بسمة الورد النديه

شرفنى مرورك . وسعدت بكلماتك .

لاحرمنى الله منك ولا من تعقيبك الجميل .

كل الشكر على رقى حرفك .

تحيتى وتقديرى ...

khaled_dwidar كتب:: لالالا انا طبعا نصوص حضرتك مينفعش تتقرا مرة واحدة خطف انا فعلا قريتها بسرعة بس لازم الواحد يستمزج فيها واحدة واحدة وعلى رواقة يا استاذنا

انا دخلت بس اسجل اعجابى لغاية منقروا النص على مهلنا

تحياتى

الابن الشاعر الجميل

خالد دويدار

طيب يا سيدى انا منتظرك . اقراها براحتك .

بس اوعى تنسى تعليقك الذى انتظره لمعرفة رأيك .

كل الشكر والتقدير ...

استاذي وأخي الأكبر الشاعر الكبير عادل عوض سند

أعتذر عن التأخير لظروف السفر

قصيدة من نوع مختلف ،، استخدمت فيها ثقافتك الدينية والاجتماعية والسياسية لتقدم لنا وجبة شعرية أدبية منوعة من ابواب السهل الممتنع

ما أجمل وأروع وأحكم آفتتاحيتك للقصيدة بقولك :

لمّا حدفه اليم يمّك

كنت حاطط كل همّك

تقتل الذكران فى قومك

م النبوءه اللى كانت

قالقه نومك

وانت مش حاسس بإنه

لمّا يكبر

ينتهى عصرك ويومك

بس مكر الله اكبر

استحضار رائع لحال الفرعون قبل ولادة موسي ثم تنزيله بأحترافية شاعر

كبير علي واقع مبارك المرير .. فرغم محاولته قتل ذكور الامة بكل أنواع القتل

سواء القتل بمعني الموت ،،او بالتتعذيب والتخويف ،،أو بالتجهييل والتفاهه

ان القتل هنا هو أستبعاده من دور الرجوله ليسهل استأناسه ..ولكن نسي

الفرعون وهو في أوج جبروته ان الله أعلي وأكبر ،،فيأتي الموت من مأمنه

الشباب الذي قتلته او توهم أنه قتله يبعثه الله لينتزعه من فوق عرشه ..وكان هذا

مكر الله به ..والله خير الماكرين

ثم تعود لنا ايها الشاعر الكبير بصوره أخري لا تقل روعة ولا جمالا عن سابقتها

وانت ناسى قبل منك

إيه مصير كل الفراعنه

ناسى نمرود اللى أطغى

كفره ما يفرقش عنك

إنتهى ومات بالناموسه

والفراعنه لمّا تطغى

يبقى لازم ييجى موسى

ان استحضار قصة النمرود هنا بالذات له دلالة عميقة جدا ..فالنمرود تجبر

وتأله وطغي وأستكبر وقد اسقطت هذا علي حال مبارك ..الذي أستهان

بشباب الامة كما أستهان النمرود بناموسة ضعيفة وهو لا يدري أن نهايتة

علي يديها .. وهو غافل علي حقيقة قرانية وسنه كونية سنها الله عز وجل

وهو أن لكل فرعون موسي يأتيه في قمة تجبره وتألهه علي الله لينزعه من

فوق عرش غروره وتكبره ..وهكذا فعل الله بكل فراعين مصر

ثم تختم لنا سيدي الشاعر الكبير ختام كبير مثلك :

نما دم اللى ماتوا

عمره ما يخليك تنام

راح يطاردك

جوه فرشك

جوه نفسك

حتى وانت جوه قبرك

نعم شاعرنا الكبير لا يهدأ الدم المسفوح غدرا حتي ينتقم لصاحبه وقد قال

الله ( من قتل نفسا فكأنما قتل الناس جميعا ) ودماء الشهداء ستكون

ذنبا في عنقة ولعنه تطارده في الدنيا هنا اولا وقد رقد ذليلا في قفص

المحاكمه وسوف يقتص الله منه ..هنا في الدنيا ..كما أخرج القذافي من

جحر الجرزان .. ثم تتبعهم أعمالهم الي قبورهم تعذبهم هناك قبل ان يقفوا

أمام الله يحاسبون حسابا عسيرا عما أقترفوا في حق شعوبهم

أخي الحبيب

لا أجد من كلمات الثناء والاستحسان ما يفي عملك الرائع

ولكن أنت علم الشعر العامي فلترفرف علينا دائما بكل جميل

خالص التقدير والاعجاب والاحترام

استاذي الحبيب والعزيز عادل سند
القصيده من أولها لأخرها في منتهى الجمال والروعه
ولكني سأقتبس لك فلاشات أبهرتني موسيقتها وجمالها
.
وإفتكرت انك إله

عرش دايم ويّا جاه

تقتل الحى بإشاره

والمعارض

جوّه ف سجون الإماره
.
.
لمّا نصّبناك إله

فرعنك كدب العتاه

اللى جرّحنا ووجعنا

وانت ناسى قبل منك

إيه مصير كل الفراعنه
.
.
والفراعنه لمّا تطغى

يبقى لازم ييجى موسى

لجل ما تجرب عصاته

تبقى عبره ولعُصاته

ينبذك بحرك وبرّك

ياللى غرّك كدب ناسك

غرّقوك والكل داسك

تندفن وياك مداسك

اللى علّم فوق جبيننا

اللى نعله كان يهيننا

يمسحك تقويم سنيننا

يتشطب م الذكرى إسمك

حتى رسمك
.
.
يا ريتنى كنت نسخت القصيده كلها ههههههههههههههه
والله ما شاء الله جميله جدا من اولها لاخرها
والاسلوب المره دي اراه جديد شويه
تحياتى لك استاذي

» بَطل سحرك .. يافرعوني !!!
» شال الحمام حط الحمام
» فرد الحمام
» سرقوا الحمام
» فرعون