ثورتي جوايا

ثورتي جوايا

همس عتابك
شواكيش بتدق ف حجر
توابيت تحنيطك
اللي بقالها سنين
مستنيه الشمس تغيب
ال ايه
علشان يخلالها الجو
وطبول الحرب
اللي ياما دقت
ومع اخر نفس
بتقول
هجووووم
اتاريك مش سامع
( الطبله اتخرمت )

فالتصويت
علي اخر تعديل دستوري لقلبك
اتشكلت لجنه
شايلين صناديق شفافه
مليانه
حب
احلام
وشويه زكريات
وبحكم قضائي
اتحكم عليك بالموت
والناحيه التانيه
نقاش
بيدهن الهوا
قلب احمر
وسهم راشق
شماله n
ويمينه o
وناس بتبكي
وناس بتضحك
وانت
شرخك زلزال
بيقسم الارض
اللي بينك وبينها نصين
حتي دموعك
طلعت يدوب
بلاله ورق
شغلها بس
تقلب الصفحه

نثريه / محمود عبدالفتاح

أحسنت أيها الرائع
أخى محمود
لا فض فوك
نثرية جميلة
أحييك عليها

اهلا بك فى وطنك وطن الشعر والجمال نثرية رائعة استمتعنا بها فمرحبا بك اخي محمود . مررت من هنا فتقبل مروري

لا عساي سوي الصمت امام تلك الكلمات الرائعه
اشكركم جميعا شكرا جزيلا
واتمني من الله ان تنال كتاباتي المتواضعه جدا اعجابكم

حياك الله يا سيدي
لست شاعرا
ولكني احبو لانصاف حروف الكلمات
دي اول كتابات ليا
موهبه الشعر كنت اتمني امتلاكها
ولكن الحمد لله عوضني الله بموهبه الغناء
الي حد ما صوتي كويس

مرحبا بهذا النبض السامي في سماء الإبداع

لك كل التوفيق أينما تكون

لقد اشعلت الشموع في كل ارجاء الصفحات

لك التحايا

لكم جميعا الف تحيه وتقدير