جوايا كلام

جــــــــــوايا كـــــــــلام

مافيش جوايا كلام يوصف الامي في وحدتي

وكلامي محتاج كلام يحكي نهاية قصتي

ايام تروح وتسيب جروح وتسيبلي ذكري لدمعتي

فين اللي كان ايام زمان بيعيش معايا فرحتي

ياليل حزين طول السنين واروح لمين احكيلو همي واشتكي

ابكي يا عين وعيشي انين وكوني انتي سلوتي

حزن ودموع وفين الرجوع لايام صبايا وضحكتي

راح اللي راح الا الجراح وشموع حياتي بتنطفي

جوايا صوت مليان سكوت وصوت حياتي بيختفي

طول الليالي ابكي علي حالي تايه بدور عالدفي

بدور عليه ومش لاقيه ماهو ضاع خلاص زمن الصفي

ياليل دوار وكام محتار وقلوب بتصرخ عالوفا

ايام بضيع وغاب الربيع وجه خلاص زمن الجفا

مافيش خلاص مابين الناس كلام تعيشو ويفرحك

قلوب الناس من غير احساس وقريب بعيد بيجرحك

مين بينادي مين ومين بيسمع مين وهوده حال البشر

دبلة ورود وضاعت عهود واتغير لون ورق الشجر

وهو ده حال البشر

الرائع محمود شبانه

حقيقى جواك كلام كتير

بس مش انت لوحدك اللى جواك الكلام دا

احنا كمان أو الكتير مننا بيقول لنفسه نفس كلامك

بس حقيقى قصيده جميله ومعبره

دمت رائعا متألقا

دمت بكل خير وحب

ملحوظه تثبت القصيده

بواسطتى لروعة الحرف