هوفر عليكي كلام (غنائيه بلون ايهاب توفيق)

هوفر عليكي كلام
محروجه تقوليه

وهوفر عليكي طريق
مش قادره تكمليه

أنا قاري الكلام ف عنيكي
وحاسس بخوفك فيكي
ورعشة شفايفك وانتي
بتحاولي تقوليه وفشلتي

الله يسهلك روحي
ويسهل طريقي
وتلاقي لاحسن مني
واللي يخاف عليكي

وانا واثق لو انتي رفضتي
هتجيني وغصبن عنك
وهسيبك ودا بارادتي
لأن الرضا من أهلك

مش هسمح لنفسي استنى
وانتي بتقوليها
ولو كنتي كلك جنه
ماقبلشي ابقا فيها

أنا هرضى العزاب والنار
ولا اكونشي معاكي ف دار
أنا راضي اني اعيش محتار
ولا اكونشي تقيل على حد

مش هسأل عشان مين بيعتي
ولا هسأل لمين من بعدي
دي حياتك وملك انتي
واهي غلطه وخلاص تترد

وعمري اللي ضاع وياكي
هعتبره انه حلم وفات
وهقول اني كنت معاكي
حسيت ان كنا اخوات
عشان الأهل واللايمين
عشان عشره بقالها سنين
ويوم طيب فاكرهولك
ووقت فرحته م الاوقات

هقول غاليه وبنت اصول
وانا المحقوق ، أنا الغلطان
واقول وياها كنت ف نور
وانا اللي خرجت منه كمان
روحي ومتخافيش روحي
بسيبك وانتي من روحي
نصيبي تكوني مش ليا
وتبقي نصيبي ف الأحزان
.

طب اروح منك فين ؟؟؟؟؟؟؟؟؟؟

والله كلمات جميله . وانت تخيلت ايهاب توفيق

وتخيلته انا ايضاّ يتعنى بها .

بس انت عامل قفله قويه جداّ .

بسم الله ماشاء الله . تسلم يا رضا واحييك

مودتى وتحيتى ...