غنائيه من مقام الهم

غنائيه من مقام الهم
***********
على اديب بلدى وحاله
واللى جراله
واللى زما نه مخبيله
طالع من الدنيا بيرقص
من غير حمص
والدنيا ما بتدى مثيله
وان مره حا ول يتمنى
يسكن جنه
حظه ما يقدر يوفيله
ويعيش محسر ع الما ضى
واسمه الراضى
زى الغلا من غير كيله
يحكى فى حاله ويعيده
وايه ح يفيده
وايه اللى راح يشفى غليله
وان مره من نفسه اتكلم
ياسلام سلم
كراكون يساع اللى مثيله
واحكم يا قا ضى الحودايه
على دى الغايه
على الزمان دا واحا بيله
لعيب شراب رد حوارى
مرفوع صارى
والشهره تيجى وتنا ديله
والشوطه لو جوه الخشبه
تحلا اللعبه
تيجى البواكى تحبيله
ويركب المازدا ليلاتى
وعند الحا تى
كا فيار ومزه لخليله
واعلام يلمع ويدادى
فخر الوادى
يطلب رضاه ويلبيله
واحنا با دبنا وياما دبنا
ولا على با بنا
الحظ خبط بقليله
عشنا بندفن افكا رنا
وان يوم غرنا
تقوم قيا مة بها ليله
وايش جاب كلا م جوه الخاطر
لبطل شاطر
جايب كاسات ويا زميله
وادى زكاوة ابو خاله
واللى جراله
واللى قهر نا بغة جيله
--------------------

استاذى الفاضل الشاعرعادل عوض سند اشكرك من اعماق الاعماق على اطلالتك الكريمه وتعليقك الوسام وعندك حق فى هذا العتاب المهذب ومعلهش بقى صعايده يارسول الله واعدك انااطبق هذا من اليوم فصاعدا باذن الله وتقبل منى خالص الموده

الشاعره الارق من النسيم عزه الزرقانى فى الحقيقه انا مقصر فى اعطائك حقك فى الرد على عبير المرور الكريم من حضرتك وتعليقاتك الشذى على اعمالى الماضيه واطلب الصفح والغفران والشكر كل الشكر للاستاذ عادل عوض الذى لفت نظرىلذلك ولك كل الموده والتحيه