يا دنيا ليه الكل مسعور فيكي(أشعاري غنائيه وليست خواطر)

يا دنيا ليه الكل مسعور فيكي
خليتي ليه الطيبين أشرار
حتى اللي منا بيحسدونا عليكي
خلو الجميل ف عيوني أصبح نار
زمان كافحت انا لما كنت فقير
وشلت ياما من حمول الغير
وصبرت فيكي عشان ادوق الخير
واقرب ما ليا يشربوني مرار
،
الغالي ابره ف وسط كومه رخاص
وانا خايف اظلم فيكي كل الناس
منا م الخيانه سقوني كاس من كاس
خلوني أعمي وادوس على الشاريين
انهض يا قلبي وفوء كفايه حرام
ليه لانتقام بئه سيد الأحلام
عمال بتبني جزيره م الأوهام
وتاخد العاطلين مع الباطلين
،
ابن الأصول بيحسن النيه
ويقابل اللي يسئ له مش بالمثل
وابن الحرام بيحبك الغيه ( بيحبك تضم فيها الباء الثانيه )
عالطيبين وف صيده زى النسر
هرجع بلوني الأبيض المعتاد
حمام سلام الخير ف كل بلاد
واكون سواد الكحل للي يعاد
عشان ابن ريف وعندي دايما أصل

كلمات جميله
موجوده على أرض الواقع
ولكن هذه هى الدنيا فيها الخير وفيها الشر
دمت بخير وحب وابداع

الشاعر الأستاذ

رضا عثمان

تحياتى لقلمك المبدع

دمت بكل خير

الشاعر الجميل

رضا عثمان

هى بالفعل كلمات اقرب الى الغنائيه ؟.

لو اختصرت قليلاّ لصارت اغنيه جميله وتأخذ شعبيه .

ولى همسه :

وفوء / وفوق

بئه / بقى ... فقط . احييك على جمال نا خطت يدك .

مودتى وخالص تحيتى ...

الشاعر رضا عثمان

كلمات ومعانى من ارض الواقع

عبرت عنها بجمال

مزيد من التقدم

تقبل مرورى وتقديرى

أخي رضا
مرحبا بك من جديد
و أهلا بقصيدتك الرائعة
تقبل ودي

الشاعر الجميل/ رضا عثمان
بالفعل هى جميلة هذا النص الغنائى
المطول بعض الشئ أحييك على هذا الابداع
ومن مزيد لمزيد تحياتى وخالص مودتى

والله لكم أسعدنى وشرفني
مروركم الكريم جميعا
وأشكر حضراتكم
ابتدائا من الاستاذه عزه
والدكتور صلاح والاستاذ الشاعر عادل عوض
والاخت أميره والاستاذ والاخ الأكبر أ / عاطف الجندي
كما أشكر فى النهايه الاستاذ الشاعر الجميل عماد عويس
ولكم جزيل الشكر والتحيه

» حبك أشعاري
» هوفر عليكي كلام (غنائيه بلون ايهاب توفيق)
» خواطر
» غنائيه من مقام الهم
» باموت فيكي