كأني بقيت قمر

بصيت فوق ف السما
وشوفتها من بعيد
نجمه ... منوره
بنور من لون جديد

حواليها نجوم كتير
لكن مش زيها
جمالها ملوش مثيل
سبحانه ف خلقها

ونسيت نفسي وسرحت
ونسيت كل البشر
ونزلت بعيني تحت
كأني بقيت قمر

لقيت عالأرض ناس
ياما و متجمعين
بيبصو لفوق و أأأه
هتروح بعيونها فين
لقيتها ف ثانيه قودامي
ومده اديها سبقاني
كأن عنيها بتنادي
فينك صبر السنين

وفجأه وفوقت من وهمي
لقيتنى ف وسط ناس ياما
وعالأرض اللى كات تحتي
وفوق النجمه سهرانه
فضلت اضحك على نفسي
وكتر الضحك خلانا
نموت م الضحك ونمسي
على النجمه اللي لمانا

.

الاخ الشاعر الجميل

رضا عثمان

القمر ايه نزله عالارض ؟؟؟

ههههههههههههههههههههههههه

الله ينور عليك يا قمر . حلم يقظه وخاتمه جميله .

احييك على بهاء حرفك .

مودتى وتحيتى ...