( أنا مش قادر معاكى أتحمل )

( أنا مش قادرمعاكى أتحمل )
أنا مش قادر معاكى أتحَمِل
أكـتـر من كِـدة ولا أطول
فبقول كل واحد مننا يروح
لطريقة من غير أى جروح
لا يبكى ولا يشكى ولا ينوح
من البداية كِـدة من الأول
****************
لية مانفتحش لنفسنا طاقة نور ..؟
إحنا عُمرنا ماشُفنا أى سرور
إية يخلينا نعيش بجناح مكسور
والنهاية معروفة مش هنكمِل
فبقول كل واحد مننا يروح
لطريقة من غير أى جروح
لا يبكى ولا يشكى ولا ينوح
من البداية كِـدة من الأول
****************
لية نسبح ضد تيار فية خوف ..؟
وألم وصِعاب ونقول ظِروف
من غير عِلاج والدَوا موصوف
أنا قلبى بصراحة مِتحَوِل
فبقول كل واحد مننا يروح
لطريقة من غير أى جروح
لا يبكى ولا يشكى ولا ينوح
من البداية كِـدة من الأول
****************
إحنا إدينا لنفسنا فترة سَماح
و النتيجة جِراح جابت جِراح
لا عُمرنا قابِلنا فى يوم أفراح
ولا الحُب صادِفنا وقام هَـلِل
فبقول كل واحد مننا يروح
لطريقة من غير أى جروح
لا يبكى ولا يشكى ولا ينوح
من البداية كِـدة من الأول
****************
كلمات : يوسف أبو زينة
31 / 8 / 2011 م

أخى يوسف
مرحبا بك فى بيتك و منتداك
و أهلا بشاعر جميل ننتظر منه الأجمل
أهلا بك أخا و صديقا
تقبل خالص ودي

جميل أيها الشاعر
و منور المنتدى
أهلا بك

أخى يوسف
مرحبا بك فى بيتك و منتداك
و أهلا بشاعر جميل ننتظر منه الأجمل
أهلا بك أخا و صديقا
تقبل خالص ودي
*******************************

أخى الشاعر أستاذ عاطف الجندى
اِشكرك عى ترحيبك بى فى منتداك الجميل
والله اللى دعانى الشاعر الصديق رضا محمود
أشكرك وأشكرة ,
وأتمنى التواصل معكم والمتابعة مع جميع الأعضاء .
دمت بخير أخى الحبيب
مع خالص حبى وودى

جميل أيها الشاعر
و منور المنتدى
أهلا بك
*****************
شكراً استاذ مصطفى
مررورك على متصفحى
دمت بخير
تقبل تحياتى

الاستاذ الشاعر

يوسف ابو زينه

جميله كلماتك اخى يوسف .

والحقيقة اننا اكتسبنا شاعر جميل شرفنا بإنضمامه

لاسرتنا الادبيه . واسعدنا القراءة له .

مرحباّ بأعمالك والتى ننتظرها اخى يوسف .

مودتى وتحيتى ...

» مش قادر أنسى
» مش قادر أضحك بعدها
» انا قادر اقدر احزانك
» سمسمية3لو مانتش قادر ع الحرمه
» بعوز اكتب وكف الايد ماهش قادر على كتابه