مش قادر أضحك بعدها

مش انطوائي أنا

ومنيش تقيل

مش قادر اضحك بعدها

واضحك لمين

بعد اما راحت قبرها

فاتت سنين

وانا كل ليله بروحلها

وابكي بأنين
،
عايزاني أضحك

عايزاني أفرح

عايزاني اغني

طيب لمييين

أنا بعدها
،
أوقات بشوفك يمكن افرح

واما افتكرها قلبي يبكي

واشوف عيونك عقلي يسرح

طلة عيونها ف كوحلك انتي

حتى الرموش والشعر

نفس الخدود الحمر

هيا العيون الخضر

هياها انتي . هياها انتي
،
جوايا شئ بيناديني

اوعاك تخونها ف قبرها

حتى ف سكاتي بتلاقيني

دايما بعاني ف بعدها

خايف أحبك هظلمك

وبعدي عنك يصدمك

وحبي ليها هيئلمك

مش هقدر انسى حبها

الاستاذ الشاعر

رضا عثمان

اولاّ اهلاّ وسهلاّ بك فى بيتك ومنتداك

ثانياّ قصيده تؤكد الوفاء النادر تلك الايام .

كلماتك جميله وانت شاعر جيد .

مودتى وخالص تحيتى ...