سمسمية3لو مانتش قادر ع الحرمه

كلمات/سعدالشرقاوى
موسيقى وغناء/محمدالالاتى
اخراج/على ماهر


(سمسمية3)


لو مانتش قادر ع الحُرمه


اضرب نفسك تلاتين صًرْمَه


لو مانتـش قادر ع الحرمه


انت اللىّ خليتها(الله)


متحكـّمه ف بيتها(الله)


لو مانتش قادر ع الحرمه


,,,,


تكبر عليك مش هاتفيدك


والامر يخرج من ايدك


تحبس فى دمّك وتكيدك


وتعيش ذليل من غير لازمه


انت اللىّ خليتها(الله)


متحكـّمه ف بيتها(الله)


لو مانتش قادر ع الحرمه


,,,,


الحرمه لو يكتر نومها


حاتهبْ فيك لمّا تلومها


وتشغـّلك تكوى هدومها


وتبات تلمّع فى الجزمه


انت اللىّ خليتها(الله)


متحكـّمه ف بيتها(الله)


لو مانتش قادر ع الحرمه


,,,,


كان يجرى ايه لو تراعيها


وتكون راجل مالى عنيها


لو مرّه تتعب تلاقيها


من ضحكه بتمرّ الازمه


انت اللىّ خليتها(الله)


متحكـّمه ف بيتها(الله)


لو مانتش قادر ع الحرمه


,,,,

انت شاعر جميل والله ياسعد

ومحمد الآلاتى ده رائع .

عمل متكامل كلمه ولحن واداء .

الله ينور عليكم جميعاّ .

مودتى لكم ...

شكرا لكم اخى الاستاذ
محمود قطب
مرورا كريما
لا حرمنا الله منه
لكم تحياتى

الربركة فيك يا استاذ ماهر
انت اللى بتشجعنا على مثل هذه الاعمال
فلاحرمنا الله من مشورتكم
لكم خالص تحياتى

ولايكتمل العمل
الا بمروركم الكريم
اخى الاستاذ عادل
مرورا كريما يسعد القلب
ويشرح الصدر
بارك الله فيكم
ولاحرمنا منكم
لكم التحية

الاخ الاستاذ
رضا فايد
اسعدنا مروركم
تقبلوا خالص
تحياتى

الاخ الاستاذ
رافت المصرى
تهللت الصفحات فرحا بقدومكم
مروركم يطبع السعادة
على قلوبنا
لكم كل تحياتى