الضمير

مين إللى باع ضميره بالفلوس
مين إللى بقى بالفلوس مهووس
ياللى عملت كده دا الإنسان ضميره
وفى دنيتك مين إللى ينفعك غيره
جرب وعيش من غيره
شوف قد إيه هتكرهك الناس
شوف قد إيه يا ابنى هتتداس
ليه شيلنا ضميرنا من قلوبنا
ليه بس خلينا القسوة من نصيبنا
ليه خلينا الكراهية والعداوة تصيبنا
ليه خلينا الآه والأوجاع تصاحبنا
والبراءة آه يا قلبى إتشالت من القلوب
والفراق والبعاد بقى شئ مكتوب
قلب مات فيه الحب والحنان
يبقى مات كده قلبك كمان
مكان من غير ضمير
النار تشعلل فى المكان
من غير ضمير الإنسان يبقى شيطان
قلبك قالك إوعى تخون
نزعت قلبك وقلت القلب دا مجنون
عايز أقولك إنت بدونه إيه هتكون
إنت بدونه عايش مذلول
بايع أهلك متعرفش وطنك
إنت بدونه عايش مقتول
ياللى عندك ضمير حافظ عليه
وإوعى تبيعه للجنيه
تبيع وتشترى فيه
فى مزاد علنى بالأسعار
بدونه تبقى إنت كتلة من النار
وحياتك سواد ومرار

ما شاء الله يا ابنى
ربنا يوفقك
هتكون شاعر جميل
و انت لسه صغير فى السن

كل عام وأنتى بخير وشكرا لك لمرورك العطر وأتمنى منك ألا تحرمينى من ردودك

جميل شاعرنا القادم على خطوات الرقي
جميل ما كتبته بحس عالي
واتمنالك التوفيق ان شاء الله
ودي وتقديري

تتجاوز البدايات بمراحل وتقف علي حدود الابداع
اقتحم نفسك لتقدم مشاعرك في اعمال متكامله

أستاذى عادل عوض سند شكرا لك لقد أنرت صفحتى بمرورك العطر دمت بخير وحب وأنا دائما تسعدنى إرشاداتك وكلها تجعلنى أخطو إلى الأفضل شكرا لك

الأب الغالى وأستاذى عاطف الجندى أشكرك بشدة فدائما كلماتك تثبتنى على الطريق الصحيح وتتطمئن قلبى وتشجعنى شكرا لك

أستاذى رضا عثمان شكرا لك كلماتك تثبت أنى على الطريق الصحيح وأنى أتقدم شكرا لك وأتمنى منك متابعة مواضيعى وإرشادى

أستاذى فارس القرشى سأعمل بنصيحتك وسأحاول إقتحام الذات للوصول إلى أعلى المراحل الممكنة من الإبداع شكرا لك وأتمنى منك متابعة مواضيعى وإرشادى