المواطن المصرى اللى بيتكلموا عليه

المواطن المصرى

المواطن المصرى إنسان بلاعنوان
بيتولد فى بلد مالوش فيها مكان

ثلاثين سنة عايش فى التوهان
المواطن المصرى عجيبة هذا الزمان


يشتغل طول الشهروالفلوس يركبها عفريت
وييجى آخر الشهر ديونه كمان بتزيد

وكأنك يا أبوزيد ماغزيت
حكومة نشف زيت إقطع خميرة من البيت


المواطن المصرى مشيته إتحسد عليها
ركب عربيات وبدل مايسوقها ساق فيها

وشركات المحمول يحميها ويبارك فيها
زود ت له الحوادت وفلوسه مش لاقيها


المواطن المصرى ماتسمعلوش آنين
قا لوا له الرجال مش لازم تلين

يخطى الصعب كله برجله اليمين
و ييجى ف الهايفة يبقى مخه تخين


وناس عايشة كأنها فى غيبوبة
معرفتهم وحدها تستاهـل التوبة

ماترك الأولون والعين معصوبة
يعنى ماتفكروش حاتلاقوا صعوبة


فيردى عملهم عايدة وسعد قال مافيش فايدة
فتن اليومين دول زايدة وأفكارالعبط سايدة

بنزين على كبريت ونارعلى طول قايدة
عايزين يشعللوها بس العناية مش رايدة


هو إحنا لوسكتنا شوية دى تبقى عيبة
ده السكوت من دهب وكثرالكلام خيبة

عايزين نقدر نميز الناس المريبة
اللى فى وسطنا وعايزين لنا مصيبة


المواطن المصرى كان عمل ثورة ليه
مش عشان حريته دلوقت ملمومين عليه

بتتكلموا كتيرعمالين تغنوا عليه
عايز ياناس يعرف رأسه من رجليه


يعنى لوفرضنا إننا جبنا ثور
ولبسناه بدلة وسمناه دكتور

تفتكروا يرحمنا ويخليها تدور
أول حاجة يعملها يناقش الدستور

المواطن المصرى ثانى حايثور
ومن بكرة شوفوا له بخور

الاستاذ الدكتور

مراد سليمان

انتظرك مبكراّ الخميس القادم لنتحدث عن هذا النص

مساء الفل على عيونك .

مودتى وتحيتى ..