ضع هنا مشاركات مسابقة العامية يونيو 2011

أخوتى الأعزاء
يتم وضع روابط أعمال العامية هنا فى هذا الموضوع
التى ترغبون بالاشتراك بها فى المسابقة عن شهر يونيو 2011
مع خالص الأمنيات بالتوفيق للجميع

مشاركة الشاعرة نجلاء محمد
لسه الحياة
https://elgendy.ahladalil.com/t16921-topic#189749

موضوع: كسر المفاصل الأربعاء يونيو 01, 2011 5:21 pm

https://elgendy.ahladalil.com/t17106-topic

آه ياشلة حراميه وبلطجيه ونصابين
ياللي عايزين تخربوها
مش كفايه بتسرقوها من سنين
ياللي مش عايزين لنيلها
يروي خيرها
او يكون شريان مصيرها
او سبيل للعطشانين
يااللي كنتم ف المجالس
تحسبوا خيرها بخزنكم
واما كان غلبان يجيكم
نفسه شغله ولا لقمه
تستره وتحفظ كرامته
مش بيلقي غير اهانته
ياللي ناهبين البلد دي من سنين
انتوا مين؟
عايز اعرف انتوا مين ؟
انتوا شلة بلطجيه وسفاحيين
مش بيملي كرشكم غير الحرام
وشرب دم الشقيانين
شعبنا كان ورث ليكم من سنين
واللي كان كان بيثور عليكم
قطع رقبه او سجين
والنهارده بتلعبوا علي حبل واصل
وبعصايا بتكسروا بيها المفاصل
اقتصادها تخربوه ويجوع ولادها
واما خيرها ينتهي
هيضيع مصيرها
وتنقطع فيها الأواصر
واللي حاصل اننا برباط
هنفضل شعب واصل للأواصر
ولا فتنة طائفيه نارها ترعي في الظلام
نارها تاكل اي وحده
وتنتشر وسط الزحام
والمصيبه تبقي محنه
وينكسر جو الوئام
بس طول مافيها احنا
اي محنه بالعزيمه نهدها
حتي لو هتكون جبال
بالايادي الحره فينا
تمشي وتسير السفينه
وبشبابنا وبولادنا
نبني ونعمر بلدنا
واللي كان مستني موتها
رح يشوف لحظه خلودها
والتاريخ هيعيد ماضينا

موضوع: منتيش حبيبتي الخميس يونيو 02, 2011 4:26 pm

غصب عنى
أعمل ايه
لما تقسي ولما تقسي ولما تقسي أعمل ايه
أطوي جوعي بعد جرحك واعصر القضبان عليهم
وانسى دمى وانسى رملك
وانسى حضن الليل فـِ ليلي لما ضمك
ولَّا أخرج من حياتك
للي خانك واللي باعك واللي خلى العمر فاتك
وانتى لسه ف عشريناتك
يا صبية
ولّا أكتبلك بقسوة زى كرباجك عليا
ولّا ولّا
ألف ولّا لو تجينى
تلعنيني
تكرهي بينك وبينك
تقطعى شريان حياتك من حياتى
صدقيني
عمري ما كرهتك ف سري
وانتى كنتى بتخنقينى
كنت بشهدلك تملي
حتى وانتى بترفضينى
واما قلتى لأه كانت
لأتى سابقاكى شاهده ع التاريخ
واما قلتى حره كات ريحت البارود ماليانى
لكن منتشي
فرحان كأن الليله ليلة زفتى وانا ف الميدان
والكل بيهنينى بالموت اللي راسم قصتى
وياكى بحر ومركبين
فمتزعليش انى كتبتك يوم ف شعري
- م الوجع - أيام زمان
"منتيش حبيبتى"
ده انا كنت سيد الكدابين
وحروفها كانت دابحه لكن
قلت جايز تفهميني وترفضي
واما رفضتى القهر قطعت الورق
عبيت بارود السفاحين جوايا
وحرقت القصايد كلها
وكتبتلك "مبروك عليكى المعجزة
ياللي حبيبتى"
- والوجع بيسد عينى عن ترابك للسما –
طالع شهيد .

رسالة الى ابى

بدموع عنية بكتبلك

رسالة شوق وببعتلك
وهقول كلام انا واشكيلك

ياحضن غالى محستوش
ياحب صادق مش رتوش
ياوش غير كل الوشوش

دورت بين جميع الناس
ملقتش غيرك يا اساس
انت النبض مع الاحساس

الاقى غيرك مستحيل
عرفتها وعندى الدليل
يا رمز جيل غير اى جيل

بعت الف رحمة اليك
وانا هقرأ قرأن عليك
وفى الجنة يارب الاقيك
ابنتك
وفاء الامير

https://elgendy.ahladalil.com/t17192-topic

https://elgendy.ahladalil.com/t17121-topic

سؤال المسابقة انتهت واللي لسه واللي ايه

https://elgendy.ahladalil.com/t17336-topic#190906

قلبى عليك يا ولدى انفطر

لا اعرف لك اسم

ولا مرة قابلتك

واللى باقى من ملامحك

عفره التراب

وبقايا من دمك

شفتك جثة هامدة

وقلب الحجر

كان احن عليك

من بشر

زيه زيك

ف لحظة غدر

خطفك الموت

من حضن امك

دمر حلم بكرة

لما تكبر

وبين ايديها تضمك

وتملا حضنها

بطولك وعرضك

واليوم بتاخد عزاك

واحنا بنتفرج

نبكى ونقول

حسرة عليك يا ابنى

نلت شرف الشهادة بدرى

و عودك لسه اخضر

والله يا عرب

لو ندفن نفسنا بالحيا

يكون أشرف لنا

فاتـن محمـود

[

color=red] لي الشرف بالأحتكاك مع زملائي من شعراء العامية
وأشارك بقصيدة المنسي
https://elgendy.ahladalil.com/t17268-topic
خالد غلاب [/color]

javascript:emoticonp(' Very Happy

')

حلم قلبى

https://elgendy.ahladalil.com/t17346-topic#191008

موضوع: وحشتينى وحشتينى الأحد يونيو 12, 2011 8:49 am

وحشتينى وحشتينى وحبك نور على جبينى
وعشقك نور بيندهلى يموتنى ويحينى
انا على الفرقة مش قادر وبعدك نار بتكوينى
ومهما تخبى ودارى فى نار الحب وتهينى
حقولك ان انا عاشق وحبك جوه تكوينى
وادارى الحرقة والفرقة واقابلك فى شراينى
اسمع نبض يندهلك وقلبى يقول ملكتينى
يا ساحره القلب بالنظرة يا بسمة عمرى وسنينى
ومهما البعد فرقنا مسيرك برضه هتجينى
وتشكى الحب والوعة وساعتها حقول وحشتينى
وحشتينى وحشتينى وحبك نور على جبينى
وعشقك نور بيندهلى يموتنى ويحينى

(يعنى ايه الشعر؟)
الكلام لو صدق دايما
بتلاقيه طالع مساوى
تجدل الكلمة بقصيدة
تغزل الحرف بغناوى
مش حداثة واللا موضه
واللا شاعر لسّه هاوى
المهم تكون بتكتب
حاجه قلبك ليها غاوى
,,,,,
هوّ ايه الشعر يعنى؟
غير نفس مليان مشاعر
جايّه توصف أىّ حاله
عايشه لحظه ف قلب شاعر
هات رسالتك بالبساطة
خاليه من كلّ الحواطه
جايبه حالتك ع البلاطة
مش فكاكا وشغل حاوى
,,,,,
الكلام منـّك يعانى
لمّا تلعب بالمعانى
والهدف م الفكر يهرب
والشروخ تهدم مبانى
تملى كلّ البيت عيوب
وتعالجها برص طوب
والتعب فضىّ الجيوب
والحروف تعجز تداوى
,,,,,
سيب خيالك يحكى حالك
هات لى كلّ ماجه فى بالك
احكى والاحساس فى لحظة
يحتوينى أعيش مكانك
وتلاقينى معاك ياغالى
والكلام يسكن خيالى
والحوار يشغللىّ بالى
تحيى فى قلوبنا الحكاوى
,,,,,
خلىّ شعرك يبقى طيرك
يلمح الكلمه ف ضميرك
يبقى فاهمك وانت فاهمه
مش رباية حدّ غيرك
اوعه ايدك تبنى عشـّه
وتيجى لحظة عليك تغشـّه
واللىّ شوفت النور فى وشـّه
بصّ فيه واكتب غناوى
,,,,,,
ليه يضيع المعنى وانت
كلّ همّك فى القوافى
زىّ لابس بدله كامله
والقدم من تحت حافى
دا الشياكه تبان عليك
من ملامحك من عنيك
نص واحد هايداريك
وتلاقيك أصبحت خاوى
,,,,,,
(سعدالشرقاوى)

وطن خردة

========

افتتاحية بالفصحى

===============

هلموا تعالوا فهاوطن"

اذامابيع فى سوق النخاسة

بائر" لايشترى

وطن" ثمين قدروا

من يشترى ذاك الثرى

ودماء من رغبوا الحياة

عن الجهاد...تقهقروا

========

قصيدة

=====

لما تقوم م النوم على سرقة أدم

واللا ايدين واللا عنين

كانت ملازماك ف البدن

لماتكون متساق دبيح

تصرخ...تلاقى ان الصراخ

كان جوه صدرك واتسجن

لما الحيطان اللى انت فاكر انها

يوم حتداريك

تعرى جسمك للديابه ينهشوك

ازاى تكون هى السكن

طب لما الوطن

يوم يتسرق قدام عنيك

راح تبقى ايه من غير وطن

غير انك المأسوف عليه

زيى ماقال البروتوكول

للأشكيناز والسفارديم يعنى الصهاينه

انك غويم يعنى حمار

ضمن الحطب للزوم دفا

رجلين كلاب سرقوم ف غفلة

من الزمن == منك == وطن

..........

وطن خرده وباع شمسه

أماالليل فللمحاسيب

وخيره كتير كتيييير مش ليه

مادام عالخزنه كام هليب

وكام مليون دى الاضيشه

يعيشوا والا ما يعيشوا

مادام الديب معاه جيشه

نغور احنا وهو يعيش

عشان احناغلابه وهيش

مكيفنا بقرش حشيش

ولاش طايلين رغيف العيش

عشان احناغلابه وهيش

نروح ف الريش

نضيع بقشيش

ماهى بيعة وتمنها مافيش

........

أناأصلى ضد الجميع

لما الجميع خالفوا

كلام النبى وربنا

وحلفوا مايتحالفوا

معقولة يامؤمنين

تتأمركو خلفه

وتفرطوا ف قدسكم

وتتاجروا فى شرفه

وان قال مابينكم غتت

"صدام"أنا شايفه

الكل يتسابق عشان ينول عطفه

وتقولوا ارهابى

بأشارة من طرفه

........

بقيتو ياهل العرب

بين الشعوب مسخره

العبد باع الحمى

والحر أصبح مره

وأعراضكو متألمه

وحكوماتكو متأجره

رب التتار"بوش"جايلكم

وجيوشه متنحرره

فرسانكو ليه يا عرب

ف الحرب راجعه لورا

......

ماخلاص ماعادشى لكم

ف الحرب أى سلاح

سلمتو من جبنكم

كل التاريخ وانزاح

كان غمه فوق صدركم

وكأنه ابن سفاح

هتحاربو ليه بلا قرف

سيبو الجميع يرتاح

واللى عليه الدور

دمه يسيل ومباح

ماهو دم العرب للصهاينه

مشروب لكل صباح

......

يا"شارون" هنيالك

بقلب غنى لك

عبيط وقالهالك

خللى السلاح صاحى

واللى وراه نايم

وان جاله يوم آآآم صحى

اماالزناد مكسور

أو الرصاص صايم

وان قالوا واتمطعوا

واتتنوا واتفردوا

يخرج بيان شفتشى ومختشى وعايم

صلوا قوام عالنبى

ووحدوا الدايم

......

ياااه== ياأيها الزعماء العرب

هاقد جائكم "ريتشارد"

فهل من "ناصر" فيكم....

آسف نسيت نفسى

مانا فرد من شعبكم

ودا بس من نحسى

وكأنى مش منكم

متباع أنا وجنسى

بايعيننى من كام سنة

جماد مانيش أنسى

.......

القضية وباختصار اننا

شوية غلابه

عايشين ف عشه صغيره

يادوب على طرفك يا غابه

واماالصهاينه استكترو

فينا العشش

قالوم حنبنى مكانها مووول

مارد وغووول

للزوم شرا حاجة الديابه

قمنا فرحنا ودرنا عالسكه بربابه

حطولناف جيوبنا يادووووووووب

كام نقطة من دم " الصحابه "

دّّّّّّّّّّّوّروا؟؟؟ دوروا ف جيوبكو

يمكن تتلقو كام نقطة عرق

على نقطتين من دم

ودوروا؟؟؟دوروا ف قلوبكو

يمكن تتلقو سنين الخنوع

طارحالكو غم

واللى ف جيبه دم منكم

يبقى شاركهم زمان

ف قتل الصحابه المؤمنين

اللى ف جيبه دم منكم

يبقى شاركهم زمان

قصدى انهارده فى قتلك

يا شيخ " أحمد ياسين"

=======

مجيب عيد

قصيدتى "وطن خردة"كانت سببا فى اعتقالى اعتقد انه آن الاوان لقرائتها ولو من خلال المسابقة

عدد الرسائل: 25 نقاط: 43 تاريخ التسجيل: 06/06/2011
بطاقة الشخصية
مرئى للجميع:
موضوع: وطن خرده الثلاثاء يونيو 14, 2011 1:54 am

--------------------------------------------------------------------------------

https://elgendy.ahladalil.com/t17428-topic

https://elgendy.ahladalil.com/t17205-topic

https://elgendy.ahladalil.com/t13756-topic?highlight=%CF%C7%ED%C8+%CF%E6%C8+%C7%E5%CF%C7%
C1+%DA%D8%ED%E5+%D4%E6%C7%D4
دخولى هذ المرة للمنافسة الشريفة انا عارف انا فزت قبل كده لكن انا بحب انول شرف المنافسة اتمنى من كل قلبى التوفيق للاخوة الزملاء
تيمو

لي شرف المشاركه

https://elgendy.ahladalil.com/t17421-topic

ارتفاع طارئ ف ضغط الدم .................

شعر/ ماجد كمال ابادير

عمال بتشبك ... كل اللي قريته
وترص اللي كتبته .. طابور ...
كام سطر قريته .. ونخشش جوا نافوخك ...؟؟؟؟؟؟؟؟
كام سطر كتبته .. عجبته ...
مش راح تلحق ... تعدل حاجة ..
دانت يا دوب بالتيلة ..
تلحق وتبوظ حاجة ....
يابو راس مليانة كتوبة علي الأخر ...
متلخفن فيها التواريخ ...
وشواهد كتبك ... اتشرخت ...
واترص مكانها عويل .. وصريخ ....
حتى أغاني الست ...حافظها حتت ..
من غير عناوين..!!!!!!!
واما لمحتك ماشي زمان ف مظاهرة ...
شفتك ساكت ..
ولا كنتش عارف إيه عايزينه الهتيفة ..
حبة حرية زيادة ...
ولا لقمة عيش ....
مخروم القلب محدش فينا عرف يملاه لابو عينه ..
لا يقين ..ولا شك ...!!!!!!!!!
طول عمرك نمرة اتنين ..
حتى ف لعب الكورة زمان..
وف ترتيب أخواتك ....
وسطاني ....
بس ماكنتش ...عوال هم ...
ولا مرة لمحتك وأنت أناني ....
بس اللي انا مستغرب ليه ...
ان المكتوب ف شهادة موتك ...
ان السبب الواضح جدا ..
محض علو مفاجئ جالك ...
خبط ولزق ... ف ضغط الدم !!!!!!

أشترك بقصيدتى المتواضعة بحر الدنيا
................................................................
https://elgendy.ahladalil.com/t17517-topic#192840

قصة العصفورة
__

كان هناك عصفورة تعيش حره سعيده

تطير فى كل مكان ترقص وتغنى كل الالحان

وفى يوم من الايام . جاء عصفور ينظر اليها من بعيد

وكان على المكان غريب

يراقب العصفورة واصدقائها عن كثب شديد

وفى يوم انجرحت العصفورة وكان بكائها يزيد

وجائها العصفور مسرعا يطير

مسح دمعها وحاول فى قربها يزيد

ذهبت العصفورة عنه بعيد

وهو يسأل عنها من بعيد لبعيد

وكان اهتمامه بها كل يوم يزيد

وهى تسأل ماذا يريد

سالته العصفورة هل انت غريب ؟

وماذا تعرف عن العصافير وماذا منى تريد ؟

تسأله وتضعه فى اختبار

ولكنه فى الذكاء كان ماهر ومكار

قال لا اعرف احد هنا وانا رحال

انا اراقبك من بعيد

فانتى ترقصين وتمرحين لكن عن العصافير بعيد

قالت انا اخاف من العصافير

واريد ان اكون حرة باستمرار

واكره الاقفاص واكره ان اكون من العبيد

قال العصفور

وانا لا احب الاقفاص ولا العبيد

يوم بعد يوم تعودت العصفورة عليه

و تنتظر ان ياتى موعد تجمع العصافير

كانت تحب لقائه وتخاف ان هذا الحب يزيد

كانت حين تراه يدق قلبها بالتنهيد

كان يحكى لها قصص الحب وعيناها تزداد بريق

وكان عذب الكلام ويعرف ماذا يريد

وجاء موعد الشتاء ولابد من الرحيل

وعدها انه يكون عنها دائما قريب

وياتى يوم عقب يوم ولا يزيد

ولكن تركها وحيده حزينه ونسيت الرقص والتغريد

وجاء يوم ومعه قفص جميل مفروش من الحرير

فرحت به فدخلت دون تفكير

وملت القفص بالرقص والتغريد

مرت ايام وهم فى سعاده لا تراها من قبل مع احد

ولكن تركها ثانيا وحيده في قفصها الحديد

وتنظر الى العصافير يرقصون ويمرحون من بعيد لبعيد

وهى تنتظر عودته بالصبر والتعذيب

لـكـنـها لا تـغـفـر عـدم الاهـتـمام بـها.. بـالتأكـيد

وكان حزنها منه وعليه كل يوم بيزيد

ولكن لن تترك القفص ولا عنه تغيب

وحين ياتى لا يريد ان يسمع منها

كلام عن غيابه وتعيد فيه وتزيد

وقال انا حابب ان تتعودى علي الغياب عني بالشهر ويمكن ازيد

صبرت كثيرا وكانت تفكر فيه ليل ونهار

وتنتظر عودته بفارغ الصبر وعلى احر من النار

وكان يعود لها متغير وهى فى أمره تحتار

وهى تصبر معه وحبها له ليس لها فيه خيار

العصفور كان يذهب الى العصافير الجوار

يسال عنها ماذا تفعل فى غيابه ويسأل عن الاخبار

وكان الكثير من العصافير منها تغار

يكذبون عليه ويلفقون لها اسوء الاخبار

يقولون انها تخرج من القفص ليلاً وترجعه بالنهار

وعند عودتك تدخل اليه وكأن لا شيئا سار

وكان من اصدقائها عصفورة جميله

وعصفور يشبه الغراب غريب الأطوار

كانت تثق بهما وتحكى لهم كل الاسرار

كان الغراب يشككها فى حب العصفور لها

وياكد انه ما يحبها وبكلامه هى تنهار

وحين يرجع تحكى له كل ما قاله الغراب

يقول لها العصفور لا تصدقى العصافير الغريبة

ولا تخرجى ثاني مره من الدار

ويخرج ولا يعود ولا يسال عنها بالشهور

العصفورة عاشت فى حيرة ولا فى يدها حيله

غير الصبر والانتظار

ولكن كانت تسأل نفسها هل هذا حب ؟

أم وهم ولماذا هذا الأصرار

لو كان يحبها حقا لماذا يبعد ويتركها وحدها تنهار

وهى تريد حبه وتريد الاستقرار

وتعبت من بٌعده عنها ومن كثرة الأعزار

جائت صديقتها العصفورة وصديقها الغراب

يقولون لها اسوء الاخبار

قال الغراب وصوته مثل نهيق الحمار

هل علمتي ماحدث من عصفورك منه انا محتار

قالت هات ما عندك يبتليك ربي بالعار

قال عصفورك يحب صديقتك والكلام ده اسرار

وعندى على كلامى دليل

قالت بصوت يرتعش أستر يا ستار

اذا كان الغراب دليلك فأبشر بالخراب والدمار

انا لا اصدق عن عصفورى مهما سار

قالت صديقتها العصفورة نعم هذا حدث وكان يقول لي أحبك بأصرار

والان انتى صاحبة القرار

قالت العصفورة

اليوم كأس الزمان عليا اندار

وذهبت تبحث عن حبيبها الغدار

الذى تحول قلبه مثل الأحجار

تبحث وتبحث ولا تجد له أي أثار

ومن يومها وهو بعيد عن الأنظار

كأنه نقطة مياه فى وسط البحار

وهى من شدة عذابها تفكر فى الأنتحار

باتت تبكى وتبكى ليلا ونهار

وتنظر للقفص من بعيد والبكاء أنهار

وتلاحقها اسوء الافكار

ومرت الليالى والشهور فى عذاب ومرار

وفى ليلة من الليالى

قالت الصديقه الجديده للعصفورة

العصفور موجود هنا ولاكنه قد غير ريشه والوانه

سكتت العصفورة وهى تدارى فرحتها

وقالت هذا صديق لى ولكنه رحال

اذهبى وتكلمى معه ونادينى اتكلم معكم لنعرف الاخبار

ذهبت صديقتها والعصفورة تسمع من بعيد

كان العصفور يضحك ويغرد ولا يبالى

وكان ينطق بلغته الجديدة

يتحدث مثل الغراب وكانه يريد ان يكون مثله

وكان جوابه لالالا خليها عنى بعيده

لا اريد التحدث مع الأغراب

انا بحياتى الجديده سعيد ومن الأحرار

سمعت العصفورة كلامه وكأنه جاء يقتلها من جديد

ويحطم ما بقى منها والجرح أصبح غزير

قررت العصفوة ان تنسى حبها

لتحيا هى من جديد

ولكن هل هذا سهل عليها ؟ وهل هو فعلا سعيد ؟

وهل له حقا اعزار لكل ما صار ؟

وهل هو يحب الطيران كل يوم مع عصفورة

واين كان .. وكلمة الحب أكم قالها من قبل ولكام ؟

قالت العصفورة ساجده فى كل مكان

وإن للفراق حقه علينا الإحترام

ما صنعت انا الفراق ولا بيدى فيه حيلة

ساعيش باقي حياتى عن الحب بعيده

ولا اصدق بعد اليوم قصص الحب السعيده

ودعت ربها الحليم الستار

ان يلهمها الصبر ولا تنهار

وان يرحمها من طعم القهروالمرار

وان تنسى حبه وكأن لا شيئا صار

يا كل العصافير لا تعشقوا فالحب غدار

يسرق القلوب ويسحبكم مع التيار

ويترك الحبيب طول حياته فى الانتظار

والي لقاء اخر وقصه اخري

بمشيئة العزيز القهار

(وفاء اليونانى)

https://elgendy.ahladalil.com/t17516-topic

أحضنيني

أحـضـنيني فْ كلّ ثــا نـْيــه

ضـمّي قلبي بْشوق عِـيِنيكي

نفسي احسّ بْحاجه تا نـْيه

رعْشه حلوه بين إد يــكي

نفسي أبقى في دنــيا تا نـْيه

فــيهـا قــلـبك ويـــّـا قــــلبي

فــــرحــانين با لــدنيا ديّه

والفرحه اشوفها في عنيكي

لمّا شفـْـتك وانتي قصادي
ساعتها قلبي ماكنـْشى عادي

نار ولهفه وْقلبي راضي
أعيش جــنبك في الحياه

جريتْ عليكي عليكي إنتي
وحضنـْتكِ انتي بْشوق سنين

شوق غرامْـنا شوق عيونْـنا
وحـــنيـن عـيونْـنا المُغـْرمين

إرسميلي من حلْمي جنـّه
جــــنـّــه تــفــضــل للخلود

فـــــرْحها ما يـْغـبْــشي عـنّا
نــهـــرب فـــيها م الوجود

دوّبــيـني فْ كاس حنانك
دوّقـيــني نـــا ر غـــرامـك

طـــمّـنـّي قـــلبــي مــعـاكي
با للـــي جـــاي لسّه جديد

//@شاعر الأحزان@ كلمات

احمدعبد الكريم هيكل

موضوع: علمني اخون الإثنين يونيو 27, 2011 7:24 pm

https://elgendy.ahladalil.com/t17637-topic

» ضع هنا مشاركات مسابقة الفصيح يونيو 2011
» ضع هنا مشاركات مسابقة القصة يونيو 2011
» ضع هنا مشاركات مسابقة العامية يناير 2011
» ضع هنا مشاركات مسابقة العامية نوفمبر 2011
» ضع هنا مشاركات مسابقة شعر العامية أكتوبر 2011