علمنـــي اخـــون

تلميذي ، أنا جاى اعتزر
جاى اقولك انت صح
ومعايه قلبي اللي انكسر
جوايا شايل ألف جرح
،
فعلا يا تلميذي ، باعتني
ومهمهاش عشره ، وخانتني
وزي مانت قولت ، قالت لي
معلش أسفه ليك أوي

منتاش نصيبي وسكتي
ولا حتى توبي وطرحتي
أنا عايزه فارس دنيتي
أعطش واشوفه أرتوي
،
قالت لي حبك حب عادي
دايما بتدي مابتاخدشي
وانت اللي زيك طابعه هادي
وقبلي قلبك ماتسكنشي
وف كل مره اقسى عليك
تاخد على خاطرك وتمشي
وبسرعه تنسى الجرح فيك
وتجيني تاني وما تحاسبشي
،
مش عايزه ده مابحبهوش
أنا حبي لوعه، ليل ،نهار
وكلام جديد ماسمعتهوش
حكايات غناوي، ضرب،نار
مليت ورودك والوفا
والقلب الابيض والصفا
رتمك خلاص أصبح قديم
وحياتي من غيرك عمار
،
تلميذي علمني الخيانه
خليني استاذ زيها
علمني اخون ازاي وليه
مسكني مفتاح قلبها
خليني أدوس مبكيش عليه
ولا أي شئ من بعدها
منا ياما علمتك كتيييييير
علمني حاجه كرهتها
،
مبحبهاش خلاص أنا ،
مبحبهاش
كل اللي خدته ف عهدها
ظلم وخلاص
ولا ليله واحده فرحتها
دايما نقاش
ولا كلمه حلوه سمعتها
ومفهمتهاش
.

يا جمااااااااااااااالو
عينى عليك باردة يا ابو الروض
انت بعد الشويه اللى غبتهم دول
راجع ما لكش حل
والله وبدون مجاملة
يسسسسسسسسسسسلم قلمك
تحياااااااااااتى