يادنيا للشاعر محمد عبد الرازق زهيرى

يادنيا
***
يادنيا مالك كمنتى
وع الناس راميه بلاكى
خليتى حالى كما انتى
خفى بقى وبزياداكى
*****
يادنيا ملك غروره
ومامله كل ظالم
دى الناس فيكى كصوره
والمنتقم حى دايم
*****
يادنيا مالك دنيه
ترمى النفوس ع المهالك
ترمى العجوز ع البنيه
والفاجره ع اللى ناسك
*****
بادنيا ماالك ملوله
ومحيره كل عابد
الحره فيكى ذلوله
والشهم حظه معاند
*****
يادنيا ما لك كماانتى
سايقه العبط ع الهباله
مادام دا حالك لادمتى
ولاكانلى فيكى قواله
-----------------

يادنيا دانيه وواطيه
بيغرنا زيف جمالك
لا مانعة ولاكنتى عاطية
زينتك وليدك ومالك
تسلم ايدك يااستاذى الشاعر محمد زهيرى على المربعات الرائعة
هو حضرتك قريب الاستاذ جابر الزهيرى؟؟
تحياتى لابداعك
مع احترامى وتقديرى

يا دنيا مالك عفيه
ع الشقيانين والغلابه
اشمعنا تبقي وفيه
مع الي زي الديابه

تحياتي علي الواوات الجميله دي يا استاذ/محمد
دخلتنا في حاله جميله اجبرتني اني اكتب اي شئ متواضع بعد ما قريت جمال حروفك وحسن الجمال سخني بابياته الحلوه هو كمان
دمت مبدعا يا استاذ

الاستاذ الشاعر

محمد عبد الرازق الزهيرى

عودتنا نقرأ لك الجيد من اعمالك . وهنا اطلقت علينا تلك

القذائف بإسم دنيا . قذائفك اصابت الهدف واظهرت مدى

قوة فراستك فى رباعيات اقرب الى فن الواو .

فأنت تعرف جيداّ ان فن الواو يعتمد على الجناس الكامل

مع عدم المساس بالمعنى المراد . وانت هنا استعنت بالقافيه فقط .

رباعيات غاية فى الجمال وتقبل اعجابى .

مودتى وتحيتى ...

يادنيا مالك ومالى

ديما لفرحى تعاندى

ولا حاسه ابدا بحالى

وخبيرة ديما ف عندى

» غنا المجاريح للشاعر محمد عبد الرازق زهيرى
» تقاسيم للشاعر محمد عبد الرازق زهيرى
» رباعيات للشاعر محمد عبد الرازق زهيرى
» عاشق للشاعر محمد عبد الرازق زهيرى
» شجون للشاعر محمد عبد الرازق زهيرى