غنا المجاريح للشاعر محمد عبد الرازق زهيرى

غنا المجاريح

ان قلت اه يفرح الند
واسكت اياغلب حالى
لون الدوا يشبه الورد
لكن مراره ف وصالى
*****
ياناعسه طرحك هموم عد
غطى النجوع والبوادى
غلوش على كل من مد
ايده يزيح العوادى
*****
ياناعسه مالك قمر شين
موجك معكر بحورك
ايوب يشوفك بوشين
اكمنه غالباه امورك
*****
ياناعسه ايدى على الزاد
واحلف بعزة جدودى
ياشابه شابت بلا معاد
دا القهر دبل ورودى
*****
كاس الحيا ماله مش ذوق
داير على حل شعره
رفع اللى واطى لما لفوق
والعالى ذله بقهره
كاس الضنا ماله مطلوب
وايامه صبحت كبيسه
والحق فى الصدر مصلوب
فى الحلق اهه حبيسه
*****
كاس الضنى ماله صار كيف
للى زمانه وخانه
واللى صبح اهل تشريف
دلوقت ندله وجبانه
*****
ياتاعسه مين اللى كان شاف
همك ولا همه حالك
ياكامله كنتى فى الاوصاف
والكل طا لب وصالك
*****
دلوقتى صرتى صرر هم
واهتم بيكى المسافر
رغم انه ليكى ولاد عم
واخوات تغيث العواهر
*****
وادى الطبيب قطع القلب
بكى الشجر والحجاره
ياحره كانت كما اللب
والقوله ليكى ياجاره
*****
منين اجيب لك علاجات
حاروا الاطبا ف دواكى
كترت عليكى الملمات
والوصفه ماهيش شفاكى
*****
قالت "ماحدش خلى هم
حتى القلوع فى المراكب"
وان دمدم الريح او زم
ح ابلغ مناى بالمواكب