رباعيات للشاعر محمد عبد الرازق زهيرى

رباعيات
****
الورد فتح على مهله
واللى سبق هو العليق
واللى بيتقدم اهله
الحظ خدمه والتوفيق
****
قدمتلك كل ماعندى
وقلت يتمر فى الابعد
وكانى اكلتك دردى
ساعةمااعوزك تتبدد
****
حاولت ابوسك يابخره
لكن ماطقت ومش ذنبى
وكانى طالع من نقره
واقع فى دحديره ياغلبى
****
وسؤالى للبحر المالح
ليه رغم ملحك ليك عشاق
قاللى الاجابه يافالح
لكل فوله كيل وارزاق
****
اول متنظر فى مرايتك
وتلاقى شكلك مش ولابد
اما الزمان عاكس ايتك
ياالسبت مش حاسس بالحد
****
خير الكلام قالوا ف قله
وحصان لسانك لو هادى
ولو تريد بانسان ذله
حيضيعك وانت البادى
****
بحر الهوى فيه الدعميس
وفيه بياضه وشلبايه
والاولانى لانه خسيس
والتانى اعمق فى الغايه
****
الناس بتدمن دايما كيف
وانا اللى ادمانى العشره
والناس تعاشر جنس لطيف
وانا عشرتى الكلمه الحره
--------------------