ازمة سكنية فى قصيدة سياسية

سيادة وزير الداخلية

امر ببناء الفين زنزانة

علشان لو فيه مظاهرة سلمية

يقبضوا ع الناس الغلبانة

ويلبسهم احلى قضية

ويوريهم اشد مهانه

ويزور اوراق رسمية

ومحاضر تلفيق مليانة

كل يوم يصدر قرارات وزارية

يخنق فيها الدبانة

والعسكرى يضربله تحية

زى كلابه السعرانة

وسايب اجهزته الامنية

تسرق فى الناس الشقيانة

وتعدى كمان الدورية

تنهب من الناس الغفلانة

واللى بياخد منه اتاوة نقدية

علشان يحمى الناس الشبعانة

اللى بتسرق ساعة الضهرية

ومعيشينا على اوهام فى عمانا

ماهو كبير الحرامية

اللى بيسرقوا ويخونوا امانة

واللى عنده ازمة سكنية

يتفضل ييجى يسكن ويانا

كلنا رافضين نبقي ضحية

وبتصرخ اصوات جوانا

ماهو سايب كل العملية

وجاى يقفشنى انا

علشان كاتب قصيدة سياسية

قلت فيه الحكومة ذلانا

مرحبا بك فى منتدى الشعراء وهل من مزيد

اشكر كل من مر على كلماتى فانتم اساتذتى اللذين دوما اتعلم منهم دمتم بحب وخير

اشكرك استاذ صلاح على هذه الكلمات

اقتباس :

الأستاذ الشاعر هيثم عادل
احيك على هذا النص الجميل
واهلا ومرحبا بك فى منتداك

والتى ان كانت جميلة فهى جميلة لرد سيادتكم عليها اشكرك

تلميذك هيثم عادل

الاخ الفاضل هيثم عادل تحيتى لنصك وكلماتك ولكن اختلف معك في بعض الابيات
والعسكرى يضربله تحية
زى كلابه السعرانة
***********
وتعدى كمان الدورية
تنهب من الناس الغفلانة
ايوه كان في فساد فالجهاز ده لكن كان في ناس لخاطرهم مينفعش نجمع الجهاز بالفساد لانهم كانو بيموتو علشان احنا نعيش وفي نماذج منهم عرفناها ونماذج اكتر لم يحالفنا الحظ بمعرفتها صدقنى اخى الكريم الجهاز ده فيه ناس كتير اتظلمت

اشكرك استاذ محمد ولكنى اوضح لك انا من قرية واقسمت بالله لو رايت

ما تفعله دورية المركز من سرقة وهتك اعراض لعذرتنى ومعروف بان

نهاية هؤلاء القتل فلا يوجد ظابط دخل مركز طوخ على مدار 30 سنة

الا وكانت نهايته رصاصة انا اقصد الحكومة ولست اقصد القوات السلحة