تخاريف سياسية

موضوع: تخاريف سياسية الأحد أبريل 01, 2012 1:42 pm

ماهو إحنا الحق علينا
سيبنا فلول يلعبوا بينا
بنزين وسولار وبوتجاز
عايزين يولعوا فينا

وقعتك يا بلد ألوان
لاحكومة نافعة ولا برلمان
والله زمان وبعوده
ماعدش ليكى آمان

قاعدين تحت القبة نفقـر
فيه ديمقراطية ولامفيش
ولسه بيحكمنا العسكر
بوليس وأمن وجيش

قرارات رجعت تتسلق
وورق قضايا بيتسرق
والتهم بتتفرق ع الناس
ودمنا لسه بيتحرق

دستور قال إيه بيعملوه
محتارين مين اللى يكتبوه
دخلونا فى حسبة بيرما
وفى الآخر حاينيلوه

شيخ محضر ياشيخ محضر
اللى عليه دستور يحضر
دستور يا أسيادنا دستور
هى موتة ولا أكتر

فرة وجت ف الشعب
فيروس من النوع الصعب
لحس من مخهم
لحد ما وصل للكعب

جالهم ترشح لا إرادى
مع الزهايمر ده شئ عادى
شباب فى السبعين كلهم
من دور ولادك وولادى

كله نفسه يتريس
سبوبة وقرشها كويس
اللى قبلهم عمل مليارات
وكان بيعك ويليس

عايزين رئيس معلم
سادة أوحتى مقلم
نجيب واحد من الصين؟
بدل ما نقعد نتكلم

باينها سنة سودا
الفراخ جاتلها شوطة
واللحمة قبلها قلعت
بكرة ندور ع القوطة

رحل عارف والفقى
ووراهم البابا شنودة
مش فاهم قاعدين ليه
ما خلصت الحدوتة

كلمات جميلة
وصدقت فيما كتبت
دمت بحفظ الرحمن

ان شاء الله الخير قادم

اقدم اعجابي بحرفك الراقي

دمت اهل للابداع

الشاعر الكبير
هشام النعال
تحية طيبة

شكرا لمرورك الكريم
ومع أطيب التمنيات
الخالصة بالتوفيق والنجاح

الشاعر الكبير
ضياء الإدريسى
تحية طيبة

نتمنى من الله
أن ينصلح الحال
ونمر من
عنق الزجاجة هذا
شكرا لمرورك الكريم
ومع أطيب تمنياتى

القادم خير بإذن الله

وان كنا نتخوف لكن ثقتنا بالله كبيره .

اخى الشاعر مراد

جميل ماقرأت وإن كنت انتظر منك الاجود .

ننتظرك على الطريق ...

هههههههههههههههههههه

حقنه في العضل دي ؟؟؟

بس سبحان الله يا اخي مابيحسوش

تحياتي ووحشني وعيك الشديد

الشاعر الكبير
الأستاذ عادل عوض
تحية طيبة

شكرا لمرورك الكريم
على صفحتى
المشكلة عندى
اننى انفعل واكتب
وانشر فى نفس اللحظة
ولا أعطى نفسى الفرصة
للظبط والتجويد
طبعا هذا يضر بما اكتب
ولكنى اخاف من تسارع
الاحداث وضيق الوقت
إن شاء الله نكون عند
حسن الظن ....انانفسى
ايضا احضر الندوات
ولكن مواعيد العمل تتعارض
والأستاذ محمد سرور كان قد وعدنى
بالحضور .....ويظهر أن الظروف
عاندته هو الآخر...
اطيب التمنيات القلبية
وإلى لقاء قريب إن شاء الله

» رباعيات سياسية
» تخاريف
» ازمة سكنية فى قصيدة سياسية
» تخاريف عيل غبي
» تخاريف