روح متخافش "قصيده من ميدان التحرير"

________________________________________
عندما كان الذهاب إلى التحرير محفوفا بالموت والخطر-قبل أن يصبح وجاهة ونزهة والتقاط صور- بدأ البعض في التردد خاصة بعد خطاب الرئيس الأول..
تنصحك زوجك وينصحك أخوك ..حتى من كان بالأمس معك يقول لك كفى! وزاد الإحجام بعد خطابه الثاني الذي مارس فيه خدعته الدائمه حيث تطمئنك كلماته ثم يذبحك..
لكنه حين بدأ القنص والقتل الخسيس احتشدت مصر
وقرر الشباب البديع أن يصلوا بنا إلى نهاية المدى

روح متخافش الحريه مابتخوفش
ارفض واقبل ..كلمة لأ مابتخسرش
بس أمانه عليك متبعش
اللي بدم الشهدا وصل لك
والي حصل لي واللي حصل لك
واللي قصاد الظلم مخافش
بس بطلقة غدر اتنش
الحريه صحيح بتموت
بس الحر تاريخ ميموتش
**************
هجم الحصان ع الجدع
قام الجدع واقف
لا اتهز لحظه ورجع
ولا قلبه كان خايف
أسر الحصان يا جدع
والكل كان شايف
بس حبيب الندل ماشافش
****************
فوق السطوح حواليك
صاحب لكن خاين
قناص عنيه ف عنيك
لكنه مش باين
قبل الخسيس يقتلك
لكن الرصاص مقبلش
***************
يام الشهيد افرحي ابنك بطل مذكور
وبالحروف الدهب بقى ف التاريخ مسطور
سامعينه من قلبنا يهتف بصوت من نور
خد من عمري وعيش حريه
خد أحلامي وشوف بعنيا
كمل حلمك وما ترجعش
قلبي معاك صدقني مماتش
بس أمانه عليك متبعش
اللي بدم الشهدا وصل لك
والي حصل لي واللي حصل لك
واللي قصاد الظلم مخافش
بس بطلقة غدر اتنش
الحريه صحيح بتموت
لكن الحر تاريخ ميموتش

تحية لشعرك النبيل
و أهلا بك أخا و صديقا فى بيتك و منتداك
تقبل خالص ودي

رائع
هذا القلم
مرحبا بك فى المنتدى