ميدان التحرير

((( ميدان التحرير)))

في نص الميدان في البلد
إتجمعوا الأحباب
حالفين يعلوا البلد
ويفتحوا الأبواب
أجيال جديدة
صاينة كرامتها
أصل المكانة كرامة
وهامة مرفوعة
حكامنا كانوا ما كانوا
ولا كنا شفناهم
حكموا البلاد يا ولد
والظلم له نهاية
إحنا إبتدينا من هنا
وأمنا بالآية
ربك ما بيسيبش
يا عادلي جالك يوم
أبيض علي المظلوم
إسود عليك محتوم
أنت وعز والمغربي وجرانة
صدر القرار ضددكم
بالحبس والتحقيق
هاتوا الفلوس يا نور
هو أنتو في غابة
ولا ديابة بتاكل في الشعب يا عصابة
لولا الشباب يا بلد
ما كانش فيه تغيير
أصل الميدان يا بلد
أسمة كمان تحرير

أصل الميدان يا أستاذي إسمه كمان تحرير
شكرا علي مرورك الطبيب .

كفايه نداله وذل وفقر تسلم وتسلم حروفك

الشاعر الكبير / يسري عثمان
تعيش وتسلملي يا غالي

لولا الشباب يا بلد
ما كانش فيه تغيير
أصل الميدان يا بلد
أسمة كمان تحرير

صح كلامك شاعرنا الرائع/محمد عبد الواحد
مبروك لمصر وربنا يتم علينا الفرح والحرية

تقبل اخى مرورى واحترامى

شكرا شاعرتنا المتميزة / بسمة الورد

علي مرورك الطيب وكلامك العذب

وإن شاء الله ما تغيبي عنا أبدا وجزاكي الله خيرا

الأستاذة الشاعرة : عزة الزرقاني
دمتي ودام مرورك الجميل
وأشكرك علي كلامتك الرقيقة