يا كدابه ..

طارق منيب كتب:

جميلة جداً ياعدولة كالعادة

ويمكن ثالث مرة أقرأها

واليوم باعلق

وحاسس إن القصيدة لواحد بيعبر عن واحدة كدبت

ولكنه تايه.. هل هي كانت بتكدب لما كانت بتظهر الود له

ولا بتكدب.. لما بتنكر الود ده

ومن التلميذ للأستاذ باقولك

عمل أكثر من رائع

أخوك

طروقة

[quote="م/عطية شواش"][center][color=red][b][b]

رد من 2 الــــــــــــــي 10

ياعم لجل النبي ماتقوم

بقا وتذيع

وان كان حداكم عشا

بلاش علينا تصيع

حنقدره بنفسنا

وبطلوا التلميع

حنجيب ميزان الدهب

ولا حنجري سريع


مبسوط ياعم محمد

ماكتش ( عشره ) دي

*******************
وأنا لجل النبي
بقوم بقا واذيع
وربي حدانا عشا
حلو الهنا وشبيع
ياعم عطيه ياقمر
وربي أنت فظيع
ردك بألف شهادة
وكلامك حلو متيع
بس مستني البطل
عادل سند ياسميع
ليته بس يوافق
ويقولها-هنا- وأذيع

عادل عوض سند كتب:

محمد خضر الشريف كتب:

في واحد شاعر رقيق زيك مليااااااااااااااان شعر عذب يقول لحبيبته كده في وشها :" ياكدابة" ؟؟؟
ارحم شويه دا أنت هريتها بكلمة ياكدابة ياكدابة.. دي كويس بنت الناس أنها على قيد الحياة ولم تنتحر لغاية دلوقتي
بجد- أخي عادل - انتصرت على نفسك في هذه القصيدة الرائعة مثل روعتك، القصيدة نبضها عالي قوي، وشاعريتها عذبة وتخيلت فعلا واحد مع حبيبته عمال يلومها ويشرشحها قدام الناس بس بالشعر اللي كله نبض وشعور وقسوة وحب ووووووو..
التجربة الشعرية جميلة جدا ورائعة جدا وخايف أقولها- واقعية جدا- لحسن اقوم عليك الدنيا في البيت هههههههههه.
دمت رائعا..ياملك الروعة كلها؟

اخى الحبيب الشاعر

محمد خضر الشريف

يا اخى مش عارف . انت ناوى على ايه ؟؟؟؟

ربنا يستر . المهم القصيده عجبتك . وده فى حد ذاته

نجاح لى . لكن . ربنا يستر . كلامك وراه حاجه وشامم

ريحة مؤامره .

ههههههههههههههههههههههه

**********

المؤامرة ببحكها ليك أهوبس استني علي شويه، وكويس أنك رديت هنا، الظاهر انك خفت بجد من اللي بدبرهولك في الخفا..
على العموم أنا قاعد أهو لي أكثر من ساعة بحبك خيوط المؤامره وأجهز لك المقلب المحترم وربنا يستر عليك ياقمر.
ههههههههههههههههههه

محمد عبد الغفار صيام كتب:

أستاذنا المبدع المخضرم / عادل عوض سند

مهما دبجت من معانى الإطراء ، وهذبت وشذبت من آيات الثناء ، فلن يصلك ما ابتغيته من معانى الإعجاب و الانبهار ...
سيدى نصك ينضح صدقا ...و لو كان بعنوان ( كدابة )...!
و عتبى عليك سيدى... أنك ألصقت بمحبوبتك ما لن يمحوه الدهر ..! و ربما جرى مجرى المثل فلو نسبنا ( الحلم ) لـ ( للأحنف بن قيس ) ، و ( الكرم ) لـ ( حاتم الطائى ) ، و ( الذكاء ) لـ ( إياس بن معاوية ) ، لـكان ( الكذب ) لـ ( محبوبة عادل عوض سند ) ...!
وربما قالوا : ليلى و المجنون ، جميل و بثينة ، كثير و عزة ، و كذا عادل و الكدابة...!!
لم يشفع للمسكينة ما نالته ــ إبان قربك ــ من نيران و حرائق أو كهرباء و صواعق ...!!

اتحفتنا كما هو معتاد برائعتك ( كدابة ) و كنت أود أن تخضعها ( أقصد المحبوبة ) لجهاز كشف الكذب لتكون التهمة مشفوعة بالدليل

يسري حنفي سرحه كتب:

عادل عوض سند كتب:

ياكدابه ..

بقى انتى خلاص كرهتينى ؟؟

ياكدابه ..

ماعدتى خلاص تحبينى ؟؟

وليه الكدب فى قولك ؟؟

وايه مدلولك اللى انتى

امرتى القلب يرمينى ؟؟

وتنسينى قصاد الناس

وعامله نفسك ان انتى ماشوفتينى

ياكدابه ..

دنا صورتى طبعها عقلك الباطن

فى اركانك .. فى وجدانك .. قصاد منك

ورا منك .. وده لإنك

لاول مره فى عمرك

تعيشى الحب ويايا

ده لسه عطرى جواكى

ووياكى فى كل مكان مابتروحى

انا نبضك .. انا قلبك

فى كل اوان وفيه روحى

وصعب ان انتى تنسينى

ده حتى ف لحظة الغفوه

وعند النوم بتلقينى

فى احلامك .. بتاخدينى

ماهو انتى ياما قولتيلى

قعدتى ساعات بتحكيلى

على تسريحه تعجبنى

وتجذبنى .. عملتيها

وعارفه ازاى تحلّيها

بخصلة شعر سانداها بأجفانك

وفستانك عرفتى تنقى الوانه

وان الروز ده لون الحب واوانه

وزانه .. روجك الوردى

وده علشان ما ترضينى

وجايه بعد كلاّته

تقولى خلاص كرهتينى

ياكدابه .. ياكدابه

وفاكره لما قولتيلى

فى ساعة قعدتك جنبى

وحاسه بقلبك الطاغى

يصب ف جنبى دقاته

وحاسه بإيدك الحانيه

مابين شعرى .. وخصلاته

تحدد طوله بالصافى

وده من قورتى لاردافى

وتهمس همسك الدافى

وبكتافى .. اغطى ودانى من همسك

وابعد خدى عن لمسك

واعيش لحظات من النادره

وحاجه صعب اوصفها

تقوللى خلاص مانيش قادره

منا ادرى

بأنفاسك حا تحرقنى

وتسبح جوه ف عروقى

لكين حاساك تغرقنى

واتعلق بقشايه

وافتح عينى بالعافيه

اقاوم رعشتى الدافيه

وتمسك ايدى كبايه

واطفى نارى جوايا

بييجى شربتين ميّه

وابعد كلى من جارك

وارحم نفسى من نارك

منا جوارك

حا اولّع تانى م الاول

واتحوّل فى داخل نفسى لجل انسى

وارجع تانى للمرسى على شطّك

واتحوّل لأنسيه

وانسى انى من لحظه

بسيطه كنت جنيّه

على جمرك انام واغفل

ونا مش حاسس إن انتى

بنارك كنتى تكوينى

وجايه بعد كلاّته

تقولى خلاص كرهتينى

ياكدابه .. ياكدابه

وفاكره لما قولتيلى

فى بُعدك عنى باشتاقلك

واسحب صوره تحت هدومى شايلاها

اكلمها واعلمها تكلمنى

توانسنى .. تجالسنى .. تحسسنى

بإنك انت ويايا

واحس بصوتك الهادى بيغزونى

والاقى قلاعى بالكامل يعزّونى

ويدونى مفاتيحها واسلمها

تخش حصونى من همسه بتهمسها

والاقينى بإيدى ماسكه فنجانك

بحبة بن فى الآخر

ماهو الفنجان .. كمان زاخر .. بيتفاخر

بأحلى بصمه حطيتها على حروفه

وبنشوفه مكان الشفه راح ينطق

تقوللى .. ياللا غطينى

واغطيها .. واغطيها

وخايفه تروح وأخبيها

فى طى ايامى وسنينى

وده إن دل عن حاجه

يدل ان انتى محتاجه

تعيشى عمر فوق عمرك تحبينى

وجايه بعد كلاّته

تقولى خلاص كرهتينى ؟؟؟

ياكدابه .. ياكدابه

من ديوان

السلم والتعبان والكلب

الصادر فى 2003

5 / 5 / 2002

.........................

الاستاذ العزيز عادل عوض سند

من حسن حظي أنك أهديتني ذالك الديوان

بالضبط كده يوم تكريم عمنا خيرات عبد المنعم

بنادي الطلبة الوافدين ..طبعاَ مبدع كبيروأي كلام

لايوفيك حقق سلمت دائماَ وغنمت لك كل التحية

عدوله انا مش فاهم حاجه انت بتقول ايه يا--------الادب ياعم انا سايب لك المنتدى علشان تفترى
واضح انك افتريت قوى وبقيت بتقول كلام جامد قوى
دمت ودام الجمال على ايديك
وبرضو انا مش فاهم حاجه

محمد خضر الشريف كتب:

محمد خضر الشريف كتب:

في واحد شاعر رقيق زيك مليااااااااااااااان شعر عذب يقول لحبيبته كده في وشها :" ياكدابة" ؟؟؟
ارحم شويه دا أنت هريتها بكلمة ياكدابة ياكدابة.. دي كويس بنت الناس أنها على قيد الحياة ولم تنتحر لغاية دلوقتي
بجد- أخي عادل - انتصرت على نفسك في هذه القصيدة الرائعة مثل روعتك، القصيدة نبضها عالي قوي، وشاعريتها عذبة وتخيلت فعلا واحد مع حبيبته عمال يلومها ويشرشحها قدام الناس بس بالشعر اللي كله نبض وشعور وقسوة وحب ووووووو..
التجربة الشعرية جميلة جدا ورائعة جدا وخايف أقولها- واقعية جدا- لحسن اقوم عليك الدنيا في البيت هههههههههه.
دمت رائعا..ياملك الروعة كلها؟

***************

كتبت هذا التعليق من منطلق الحب الكبير بيني وبين أخي الشاعر العملاق عادل عوض سند، وقد راسلني يطمئن علي وجودي ويدلني على الجوهرة الجميل دي المتمثلة في قصيدته الحلوة " ياكدابة"
ولقيتني برد عليه في رسالة خاصة ردا على رسالته الخاصة، فقام رد على الرد ورديت أنا على الرد، وهكذا امتلأت الصفحة برسايل جميلة جدا وعذبة ومضحكة جدا..
في رسالة من رسايلي قلت له ليه تحرم الأعضاء من الاطلاع على الرسايل العذبة دي وتحرمنااحنا كمان من تعقيباتهم الجميلة اللي تزيد حلاوة الرسايل حلاوة فوق الحلاوة، وخيرته ننقل كل دا هنا للأعضاء فرد بأدبه الجم وكرم أخلاقه: ياعم القصيدة قصيدتك واعملها بس وأنا بدورلي على بنسيون.. وقلت له في رسالتي:أنا هخير الأعضاء في استفتاء لو وافقوا على نشرها بنقل كل الرسايل من الخاص لهنا وخليهم يشاركونا القراءة والتعقيب، ولو سكتوا فالسكوت علامة الرضا يعني برضه هننشرها هنا.ههههههههه
ايه رايكم بقه ننشر أو بلغة "الكاميرا الخفية" نذيع؟؟؟ لوقلتوا اه ذيع بنقلهالكم هنا تستمتعوا وتضحكوا من قلبكم لما تسخسخوا من الضحك ؟؟؟؟

محمد خضر الشريف كتب:

لا دا شكلكم " مسخسخين" على نفسكم من الضحك، طبيعي ، ومش محتاجين تشوفوا ولا تقروا الرسايل ولا تعقبوا عليها.. عشان مفيش حد رد على رسالتي السابقة

على العموم لو ماجاني على الأقل عشرة ردود بالإيجاب، يبقى خلاص مش هنذيع الرسايل الخاصة المضحكة بيني وبين الشاعر الأخ عادل عوض سند ؟؟

محمد عبد الغفار صيام كتب:

أستاذنا المبدع الشريف صاحب الطلة الندية و الروح العذبة / محمد خضر الشريف
بما لديك من صلاحيات من الأستاذ المبدع الكبير و المخضرم النحرير / عادل عوض
فيم يخص ما استأثرتما به من درر الرسائل المخفية و ، ما حزتماه من عذب المكاتبات النصية ....
أرفع صوتى طالبا تسع مرات ، إذاعة تلك المكاتبات ....
و سأترك للأعضاء العاشرة ، راجيا ألا تظل شاغرة ، لئلا تصير القسمة جائرة....

[quote="محمد خضر الشريف"]

محمد عبد الغفار صيام كتب:

أستاذنا المبدع الشريف صاحب الطلة الندية و الروح العذبة / محمد خضر الشريف
بما لديك من صلاحيات من الأستاذ المبدع الكبير و المخضرم النحرير / عادل عوض
فيم يخص ما استأثرتما به من درر الرسائل المخفية و ، ما حزتماه من عذب المكاتبات النصية ....
أرفع صوتى طالبا تسع مرات ، إذاعة تلك المكاتبات ....
و سأترك للأعضاء العاشرة ، راجيا ألا تظل شاغرة ، لئلا تصير القسمة جائرة....


*************

الأديب الأريب الوقور الأستاذ/ محمد عبد الغفار صيام..

والله أول ماشفت عنوان رسالتك بس قلت الأستاذ محمد رسالته بعشرة وكنت هاكتفي بكذا فلما قرأتها وقلت فيها أنك ترفع صوتك تسع مرات، ضحكت وقلت جابها والله ..
فشهادتك أيها الوقور شهادة عدل ثقة تزازي عشر شهادات بالتمام والكمال.
على العموم بنتظر بس رد أخي عادل سند هنا وعلى الملأ؛ عشان لاتصبح له حجة لو قال ذيع بذيع على طوووووووول؟؟
دمت بكل حب.


[

الزجال محمد سرور كتب:

والله العظيم
معلم
كبير
وشاعر
خطير
ومش عارف يااستاذ عادل
اكتب ايه
تحياتى

م/عطية شواش كتب:

رد من 2 الــــــــــــــي 10

ياعم لجل النبي ماتقوم

بقا وتذيع

وان كان حداكم عشا

بلاش علينا تصيع

حنقدره بنفسنا

وبطلوا التلميع

حنجيب ميزان الدهب

ولا حنجري سريع


مبسوط ياعم محمد

ماكتش ( عشره ) دي

سلوى سيد عبدالعزيز كتب:

بصراحة يا استاذ عادل انا كل ما احاول ارد علي القصيدة دي اجدني اتردد هي جميلة ماقولناش حاجة بس انت بهدلت البنية خالص وشردتها وسيحت لها بلغة الشباب اليومين دول لكن انا هارد بالنيابة عنها لوسمحت وبعد اذنك يعني بجزء من قصيدة عندي بتقول........
هقدر اعيش
من غير هواك هأقدر اعيش
لا تبيع في قلبي ولا تشتريش
ما عا دتشي تـــفرق معايـــــا
ويايا او مــــــش معـــــــــــايا
ان كان غرامــــــــك في قلبي
راح اخاصــــمة انــــا للنهاية
*************************
معلشي بقي ماهي البنية لازم تلاقي حد يدافع عنها
تقبل مروري وتحياتي

سلوى سيد عبدالعزيز كتب:

انا كتبت قبل الرجوع للخاص ولكني كنت ابحث عن الرد المناسب
وانا من ضمن الموافقين علي اذاعة الرسائل الخاصة حتي نسعد بتعليقاتكم الظريفة ونستمتع بخفة ظلكم واذا كان الاستاذ صيام لوحدة بتسع اصوات يبقي انا بخمسة يبقي كدة حصلت علي 14 صوت يلا ذيع
ههههههههههههههههههههههههه

الزجال محمد سرور كتب:

متسنين ايه يا استاذ عادل
اعملوها مساجله وكلنا نشارك

هو احنا برضة نطول يا آخ عادل انت الاستاذ يا استاذ
وانا لسة تلميذة فب بحور الشعر ومحتاجة عوامـــــــــــــــــــــة
وبما انك اسكندراني فلازم تعلمني العوم لاحسن اغرق في بحور الشعر
هههههههههههههههههههههه
تقبل تحياتي من الغريقة الي الغطاس

بسمة الورد كتب:

ان كان عليا يااستاذ /محمد خضر

انا موافقه جدا نذبع ومن دلوقت وياريت مش تستنى رمضان هههههههه

محمد البسيونى كتب:

الأستاذ عادل عوض

كتب ضمن ماكتب تحت عنوان ( ياكدابه ) :


دا انا صورتى طبعها عقلك الباطن

فى أركانك .. فى وجدانك .. قصاد منك

ورا منك .. وده لإنك

لأول مره فى عمرك

تعيشى الحب ويايا





أحسنت أيها الرائع دائما

المتفرد بقوة ، والمعاتب برقه

خالص تحياتى ياأ عز الأصدقاء .

محمد البسيونى