يا كدابه ..

منال شيخ كتب:: واثق من نفسك اوى يا ا ستاذ عادل ياخوفى لاتكو ن مش هى بس الكد ابة منال شيخ العرب

يعنى عايزه تقولى

انا كمان كداب ؟؟؟؟؟

ههههههههههههههههههههههههههههههههه

منا يعنى لازم احط شوية شطه ..

لا والله ذكيه يا منال ...

وفاء الامير كتب:

عادل عوض سند كتب:: ياكدابه ..

بقى انتى خلاص كرهتينى ؟؟

ياكدابه ..

ماعدتى خلاص تحبينى ؟؟

وليه الكدب فى قولك ؟؟

وايه مدلولك اللى انتى

امرتى القلب يرمينى ؟؟

وتنسينى قصاد الناس

وعامله نفسك ان انتى ماشوفتينى

ياكدابه ..

دنا صورتى طبعها عقلك الباطن

فى اركانك .. فى وجدانك .. قصاد منك

ورا منك .. وده لإنك

لاول مره فى عمرك

تعيشى الحب ويايا

ده لسه عطرى جواكى

ووياكى فى كل مكان مابتروحى

انا نبضك .. انا قلبك

فى كل اوان وفيه روحى

وصعب ان انتى تنسينى

ده حتى ف لحظة الغفوه

وعند النوم بتلقينى

فى احلامك .. بتاخدينى

ماهو انتى ياما قولتيلى

قعدتى ساعات بتحكيلى

على تسريحه تعجبنى

وتجذبنى .. عملتيها

وعارفه ازاى تحلّيها

بخصلة شعر سانداها بأجفانك

وفستانك عرفتى تنقى الوانه

وان الروز ده لون الحب واوانه

وزانه .. روجك الوردى

وده علشان ما ترضينى

وجايه بعد كلاّته

تقولى خلاص كرهتينى

ياكدابه .. ياكدابه

وفاكره لما قولتيلى

فى ساعة قعدتك جنبى

وحاسه بقلبك الطاغى

يصب ف جنبى دقاته

وحاسه بإيدك الحانيه

مابين شعرى .. وخصلاته

تحدد طوله بالصافى

وده من قورتى لاردافى

وتهمس همسك الدافى

وبكتافى .. اغطى ودانى من همسك

وابعد خدى عن لمسك

واعيش لحظات من النادره

وحاجه صعب اوصفها

تقوللى خلاص مانيش قادره

منا ادرى

بأنفاسك حا تحرقنى

وتسبح جوه ف عروقى

لكين حاساك تغرقنى

واتعلق بقشايه

وافتح عينى بالعافيه

اقاوم رعشتى الدافيه

وتمسك ايدى كبايه

واطفى نارى جوايا

بييجى شربتين ميّه

وابعد كلى من جارك

وارحم نفسى من نارك

منا جوارك

حا اولّع تانى م الاول

واتحوّل فى داخل نفسى لجل انسى

وارجع تانى للمرسى على شطّك

واتحوّل لأنسيه

وانسى انى من لحظه

بسيطه كنت جنيّه

على جمرك انام واغفل

ونا مش حاسس إن انتى

بنارك كنتى تكوينى

وجايه بعد كلاّته

تقولى خلاص كرهتينى

ياكدابه .. ياكدابه

وفاكره لما قولتيلى

فى بُعدك عنى باشتاقلك

واسحب صوره تحت هدومى شايلاها

اكلمها واعلمها تكلمنى

توانسنى .. تجالسنى .. تحسسنى

بإنك انت ويايا

واحس بصوتك الهادى بيغزونى

والاقى قلاعى بالكامل يعزّونى

ويدونى مفاتيحها واسلمها

تخش حصونى من همسه بتهمسها

والاقينى بإيدى ماسكه فنجانك

بحبة بن فى الآخر

ماهو الفنجان .. كمان زاخر .. بيتفاخر

بأحلى بصمه حطيتها على حروفه

وبنشوفه مكان الشفه راح ينطق

تقوللى .. ياللا غطينى

واغطيها .. واغطيها

وخايفه تروح وأخبيها

فى طى ايامى وسنينى

وده إن دل عن حاجه

يدل ان انتى محتاجه

تعيشى عمر فوق عمرك تحبينى

وجايه بعد كلاّته

تقولى خلاص كرهتينى ؟؟؟

ياكدابه .. ياكدابه

من ديوان

السلم والتعبان والكلب

الصادر فى 2003

5 / 5 / 2002

بصراحه مفبش كلام يتقال

بعد كل الكلام ده

تسلم يارب من كل سوء Very Happy

الاستاذه الشاعره

وفاء الامير

ربنا يكرم على كلامك الجميل .

واشكر مرورك ومداخلتك المنتظره .

لاحرمنى الله منها .

تحيتى وتقديرى ...

ماجدة قناوى كتب:: حا اولّع تانى م الاول

واتحوّل فى داخل نفسى لجل انسى

وارجع تانى للمرسى على شطّك

واتحوّل لأنسيه

وانسى انى من لحظه

بسيطه كنت جنيّه

على جمرك انام واغفل

ونا مش حاسس إن انتى

بنارك كنتى تكوينى

وجايه بعد كلاّته

تقولى خلاص كرهتينى

ياكدابه .. ياكدابه

المبدع

عادل عوض سند

هنا جسد الشاعر المشهد أمام القارئ بريشة فنان

دام قلمك مبدعا فى سماء الشعر والشعراء

الاستاذه ماجده قناوى

دعينى ارحب بك أولاّ . واقول نورتى وشرفتى المنتدى

وشُرفت بأول مشاركه لك على المنتدى والتى كانت من

نصيب نصى الى اسعدنى مرورك عليه وتعقيبك .

كل الشكر والتقدير وسررت بقدومك ...

ههههههههههههههههه
تانى تانى تانى
راجعين لكدابـــــــــــــــــــــــــــــــــه تانى
للنار والعذاب
من تانى
الرائع
عادل عوض
تحياتى يا فندم
خلص كل الكلام .. الحلو
عصام

موضوع: رد: يا كدابه .. الخميس يونيو 23, 2011 10:20 am

عصام سالمان كتب:: ههههههههههههههههه
تانى تانى تانى
راجعين لكدابـــــــــــــــــــــــــــــــــه تانى
للنار والعذاب
من تانى
الرائع
عادل عوض
تحياتى يا فندم
خلص كل الكلام .. الحلو
عصام

وتانى . تانى . تانى

حظى ف كداب انانى

ينكر انه حاببنى

ويغيّر المعانى .

حبيبى شرفتنى ونورت متصفحى .

كل الشكر على تعقيبك الجميل .

مودتى وتحيتى ...

موضوع: رد: يا كدابه .. الخميس يونيو 23, 2011 12:09 pm

ياكدابه وعنوانك علي وشك
طرح تفاح علي خدك
فضح حالك وقالي بتغشك
معدش لازمني يوم ودك
ياكدابه ياكدابه
ههههههههههههه
عوده للجمال والابداع الحقيقي
تحياتي ياعمنا واستاذنا
وماليش دحوه انا عاوز تعليقاتي عندك هعمل بيها عصيده بسكر في ديواني الجديد
هههههههههههههههههه

موضوع: رد: يا كدابه .. الأحد يونيو 26, 2011 7:58 am

طاهر الصوفاني كتب:: ياكدابه وعنوانك علي وشك
طرح تفاح علي خدك
فضح حالك وقالي بتغشك
معدش لازمني يوم ودك
ياكدابه ياكدابه
ههههههههههههه
عوده للجمال والابداع الحقيقي
تحياتي ياعمنا واستاذنا
وماليش دحوه انا عاوز تعليقاتي عندك هعمل بيها عصيده بسكر في ديواني الجديد
هههههههههههههههههه

ورغم الكدب زاينها

وعارفها .. وعاينها

لكنه كدب حببنى

وصدقته انا ف عينها

الاخ الحبيب الشاعر

طاهر الصوفانى

والله تبقى عصيده بالعسل .. مستنى الديوان ده .

مودتى ياغالى ...