يا كدابه ..

خالدنور كتب:

الله الله الله
فرعون ومتفرعن
اقول ايه هوه يعنى علشان البنيه الغلبانه حبت تشوف غلاوتها عندك
هههههههههههههه
بحر الشعر
اخدنا على موجه
تقول نوّه تقول هوجه
مافيش رحمه
وموج احساس
بيرفعنا لحد
الشمس
بيحدفنا
مع المد
قصيدة حب
قصيدة هجر
قصيدة صد
بحر الشعر متعافى
على العشاق
عشان عارف
انه مافيش غيره
بحر
بحرالشعر عادل سند
رفقا بنا يا عم
قصيده تحمل عنفوان العاشق وكبريائه
وتحمل جماليات الفن الشعرى
دمت مبدعا ودمت جميلا

الشاعر الكبير عادل عوض مش جديد عليك الابداع وانت عالطول بتذهلنى بفنك وكلماتك والابداع تحياتى الى قلمك الذى زادنا بالأبداع

الشاعر الكبير / عادل بك
ايوة كدا يا دنجوان .. اظهر وبان عليك الأمان
بس ماتقولش كل حاجة
خلى حاجة للتاريخ
هههههههههه
كم أنت جميل قديما وحديثا
مودتى

عاشقة الشعر كتب:

الأستاذ الشاعر الكبير قوووووووووووووى

عادل عوض سند

يعنى لازم حضرتك تكسفها كده وتقولها يا كذابه

البنيه لا تكذب ولكنها تتجمل

و حضرتك لازم شوية تتحمل

هههههههههههههههه

بصراحة قصيدة مفاجأة جدا بالنسبة لى من حضرتك

بس حرفية رائعة و احساس عالى

ارجو ان تتقبل مرورى استاذنا الكريم

ربنا ما يحرمنا من ابداعك الجميل

انا قصائد حضرتك حتى ردودك على التعليقات بحب اقراها

احترامى وتقديرى وتحياتى

رافت المصرى كتب:

طبعا القرايه لك استاذنا متعه و دروس فى فن الاحساس و صياغة الاحساس ده
تركيباتك اللفظيه وجملك الشعريه هى سهل ممتنع وعذب رائق
ف
كل الشكر لك و لجمال حرفك على هذه الجرعه الشعريه الرائعه والرائقه
استاذنا
تقديرى و احترامى

طاهر الصوفاني كتب:

ياكدابه ياكدابه
تقولي انك من الدقي
وانتي ساكنه في امبابه
تحبيني في توت وامشير
وتنسيني في طلوع بابه
ياكدابه ياكدابه

ضحكتي عليا م الاول
وانا صابرلعام ناول
دكر في الأصل واتحول
ولعبة بيا نصابه
ياكدابه ياكدابه

تحبيني دا من بختك
ياقارعه ومايله في لباختك
بتتباهي بشعر اختك
باينلي وقعت في عصابه
ياكدابه ياكدابه
ههههههههههههههههههههههه

محمد خضر الشريف كتب:

في واحد شاعر رقيق زيك مليااااااااااااااان شعر عذب يقول لحبيبته كده في وشها :" ياكدابة" ؟؟؟
ارحم شويه دا أنت هريتها بكلمة ياكدابة ياكدابة.. دي كويس بنت الناس أنها على قيد الحياة ولم تنتحر لغاية دلوقتي
بجد- أخي عادل - انتصرت على نفسك في هذه القصيدة الرائعة مثل روعتك، القصيدة نبضها عالي قوي، وشاعريتها عذبة وتخيلت فعلا واحد مع حبيبته عمال يلومها ويشرشحها قدام الناس بس بالشعر اللي كله نبض وشعور وقسوة وحب ووووووو..
التجربة الشعرية جميلة جدا ورائعة جدا وخايف أقولها- واقعية جدا- لحسن اقوم عليك الدنيا في البيت هههههههههه.
دمت رائعا..ياملك الروعة كلها؟

***************

كتبت هذا التعليق من منطلق الحب الكبير بيني وبين أخي الشاعر العملاق عادل عوض سند، وقد راسلني يطمئن علي وجودي ويدلني على الجوهرة الجميل دي المتمثلة في قصيدته الحلوة " ياكدابة"
ولقيتني برد عليه في رسالة خاصة ردا على رسالته الخاصة، فقام رد على الرد ورديت أنا على الرد، وهكذا امتلأت الصفحة برسايل جميلة جدا وعذبة ومضحكة جدا..
في رسالة من رسايلي قلت له ليه تحرم الأعضاء من الاطلاع على الرسايل العذبة دي وتحرمنااحنا كمان من تعقيباتهم الجميلة اللي تزيد حلاوة الرسايل حلاوة فوق الحلاوة، وخيرته ننقل كل دا هنا للأعضاء فرد بأدبه الجم وكرم أخلاقه: ياعم القصيدة قصيدتك واعملها بس وأنا بدورلي على بنسيون.. وقلت له في رسالتي:أنا هخير الأعضاء في استفتاء لو وافقوا على نشرها بنقل كل الرسايل من الخاص لهنا وخليهم يشاركونا القراءة والتعقيب، ولو سكتوا فالسكوت علامة الرضا يعني برضه هننشرها هنا.ههههههههه
ايه رايكم بقه ننشر أو بلغة "الكاميرا الخفية" نذيع؟؟؟ لوقلتوا اه ذيع بنقلهالكم هنا تستمتعوا وتضحكوا من قلبكم لما تسخسخوا من الضحك ؟؟؟؟

[quote="محمد عبد الغفار صيام"]أستاذنا المبدع الشريف صاحب الطلة الندية و الروح العذبة / محمد خضر الشريف
بما لديك من صلاحيات من الأستاذ المبدع الكبير و المخضرم النحرير / عادل عوض
فيم يخص ما استأثرتما به من درر الرسائل المخفية و ، ما حزتماه من عذب المكاتبات النصية ....
أرفع صوتى طالبا تسع مرات ، إذاعة تلك المكاتبات ....
و سأترك للأعضاء العاشرة ، راجيا ألا تظل شاغرة ، لئلا تصير القسمة جائرة....


*************

الأديب الأريب الوقور الأستاذ/ محمد عبد الغفار صيام..

والله أول ماشفت عنوان رسالتك بس قلت الأستاذ محمد رسالته بعشرة وكنت هاكتفي بكذا فلما قرأتها وقلت فيها أنك ترفع صوتك تسع مرات، ضحكت وقلت جابها والله ..
فشهادتك أيها الوقور شهادة عدل ثقة تزازي عشر شهادات بالتمام والكمال.
على العموم بنتظر بس رد أخي عادل سند هنا وعلى الملأ؛ عشان لاتصبح له حجة لو قال ذيع بذيع على طوووووووول؟؟
دمت بكل حب.


[

والله العظيم
معلم
كبير
وشاعر
خطير
ومش عارف يااستاذ عادل
اكتب ايه
تحياتى

بصراحة يا استاذ عادل انا كل ما احاول ارد علي القصيدة دي اجدني اتردد هي جميلة ماقولناش حاجة بس انت بهدلت البنية خالص وشردتها وسيحت لها بلغة الشباب اليومين دول لكن انا هارد بالنيابة عنها لوسمحت وبعد اذنك يعني بجزء من قصيدة عندي بتقول........
هقدر اعيش
من غير هواك هأقدر اعيش
لا تبيع في قلبي ولا تشتريش
ما عا دتشي تـــفرق معايـــــا
ويايا او مــــــش معـــــــــــايا
ان كان غرامــــــــك في قلبي
راح اخاصــــمة انــــا للنهاية
*************************
معلشي بقي ماهي البنية لازم تلاقي حد يدافع عنها
تقبل مروري وتحياتي

انا كتبت قبل الرجوع للخاص ولكني كنت ابحث عن الرد المناسب
وانا من ضمن الموافقين علي اذاعة الرسائل الخاصة حتي نسعد بتعليقاتكم الظريفة ونستمتع بخفة ظلكم واذا كان الاستاذ صيام لوحدة بتسع اصوات يبقي انا بخمسة يبقي كدة حصلت علي 14 صوت يلا ذيع
ههههههههههههههههههههههههه

ان كان عليا يااستاذ /محمد خضر

انا موافقه جدا نذبع ومن دلوقت وياريت مش تستنى رمضان هههههههه

أميرة البدرى كتب:

عادل عوض سند كتب:

ياكدابه ..

بقى انتى خلاص كرهتينى ؟؟

ياكدابه ..

ماعدتى خلاص تحبينى ؟؟

وليه الكدب فى قولك ؟؟

وايه مدلولك اللى انتى

امرتى القلب يرمينى ؟؟

وتنسينى قصاد الناس

وعامله نفسك ان انتى ماشوفتينى

ياكدابه ..

دنا صورتى طبعها عقلك الباطن

فى اركانك .. فى وجدانك .. قصاد منك

ورا منك .. وده لإنك

لاول مره فى عمرك

تعيشى الحب ويايا

ده لسه عطرى جواكى

ووياكى فى كل مكان مابتروحى

انا نبضك .. انا قلبك

فى كل اوان وفيه روحى

وصعب ان انتى تنسينى

ده حتى ف لحظة الغفوه

وعند النوم بتلقينى

فى احلامك .. بتاخدينى

ماهو انتى ياما قولتيلى

قعدتى ساعات بتحكيلى

على تسريحه تعجبنى

وتجذبنى .. عملتيها

وعارفه ازاى تحلّيها

بخصلة شعر سانداها بأجفانك

وفستانك عرفتى تنقى الوانه

وان الروز ده لون الحب واوانه

وزانه .. روجك الوردى

وده علشان ما ترضينى

وجايه بعد كلاّته

تقولى خلاص كرهتينى

ياكدابه .. ياكدابه

وفاكره لما قولتيلى

فى ساعة قعدتك جنبى

وحاسه بقلبك الطاغى

يصب ف جنبى دقاته

وحاسه بإيدك الحانيه

مابين شعرى .. وخصلاته

تحدد طوله بالصافى

وده من قورتى لاردافى

وتهمس همسك الدافى

وبكتافى .. اغطى ودانى من همسك

وابعد خدى عن لمسك

واعيش لحظات من النادره

وحاجه صعب اوصفها

تقوللى خلاص مانيش قادره

منا ادرى

بأنفاسك حا تحرقنى

وتسبح جوه ف عروقى

لكين حاساك تغرقنى

واتعلق بقشايه

وافتح عينى بالعافيه

اقاوم رعشتى الدافيه

وتمسك ايدى كبايه

واطفى نارى جوايا

بييجى شربتين ميّه

وابعد كلى من جارك

وارحم نفسى من نارك

منا جوارك

حا اولّع تانى م الاول

واتحوّل فى داخل نفسى لجل انسى

وارجع تانى للمرسى على شطّك

واتحوّل لأنسيه

وانسى انى من لحظه

بسيطه كنت جنيّه

على جمرك انام واغفل

ونا مش حاسس إن انتى

بنارك كنتى تكوينى

وجايه بعد كلاّته

تقولى خلاص كرهتينى

ياكدابه .. ياكدابه

وفاكره لما قولتيلى

فى بُعدك عنى باشتاقلك

واسحب صوره تحت هدومى شايلاها

اكلمها واعلمها تكلمنى

توانسنى .. تجالسنى .. تحسسنى

بإنك انت ويايا

واحس بصوتك الهادى بيغزونى

والاقى قلاعى بالكامل يعزّونى

ويدونى مفاتيحها واسلمها

تخش حصونى من همسه بتهمسها

والاقينى بإيدى ماسكه فنجانك

بحبة بن فى الآخر

ماهو الفنجان .. كمان زاخر .. بيتفاخر

بأحلى بصمه حطيتها على حروفه

وبنشوفه مكان الشفه راح ينطق

تقوللى .. ياللا غطينى

واغطيها .. واغطيها

وخايفه تروح وأخبيها

فى طى ايامى وسنينى

وده إن دل عن حاجه

يدل ان انتى محتاجه

تعيشى عمر فوق عمرك تحبينى

وجايه بعد كلاّته

تقولى خلاص كرهتينى ؟؟؟

ياكدابه .. ياكدابه

من ديوان

السلم والتعبان والكلب

الصادر فى 2003

5 / 5 / 2002

الشاعر المبدع الكبير

أبى واستاذى العزيز

جراح الحروف والقلوب

عادل عوض سند

ما اجمل كلماتك التى تعزف ارق واعذب الالحان

على اوتار القلوب

قصيده أكثر من رائعه ورمانسيه عاليه جدا

وبالفعل هى كدابه

حد يقدر يقاومك برضه يابابا

دى ستين كدابه مش كدابه واحده

وبصراحه من الصعب ان الاقى تعليق

على تلك الرائعه خوفا من ان يكون اقل

من مستوى ابداعك

تقبل مرورى و وتقديرى

دمت بخير وسعاده

nour كتب:

الشاعر الكبير عادل عوض مش جديد عليك الابداع وانت عالطول بتذهلنى بفنك وكلماتك والابداع تحياتى الى قلمك الذى زادنا بالأبداع

عاطف عاشور كتب:

الشاعر الكبير / عادل بك
ايوة كدا يا دنجوان .. اظهر وبان عليك الأمان
بس ماتقولش كل حاجة
خلى حاجة للتاريخ
هههههههههه
كم أنت جميل قديما وحديثا
مودتى

محمد خضر الشريف كتب:

في واحد شاعر رقيق زيك مليااااااااااااااان شعر عذب يقول لحبيبته كده في وشها :" ياكدابة" ؟؟؟
ارحم شويه دا أنت هريتها بكلمة ياكدابة ياكدابة.. دي كويس بنت الناس أنها على قيد الحياة ولم تنتحر لغاية دلوقتي
بجد- أخي عادل - انتصرت على نفسك في هذه القصيدة الرائعة مثل روعتك، القصيدة نبضها عالي قوي، وشاعريتها عذبة وتخيلت فعلا واحد مع حبيبته عمال يلومها ويشرشحها قدام الناس بس بالشعر اللي كله نبض وشعور وقسوة وحب ووووووو..
التجربة الشعرية جميلة جدا ورائعة جدا وخايف أقولها- واقعية جدا- لحسن اقوم عليك الدنيا في البيت هههههههههه.
دمت رائعا..ياملك الروعة كلها؟