أنا نفسي ابقى برنس ( حته شعبوللي )

أنا نفسي ابقى برنس
واتقيم واعمل بيه
وارمي ف بناطيل الجينز
واتغدى فراخ وبانيه
وحيات أمي ل هخربها
واعشق ميت بت واسيبها
منا ياما زمان حلقولي
وانا جيبي مفهشي جنيه
،
هسهر علطول ليلاتي
واتفسح كل يوم
وارسم على معجباتى
واتمنظر عالنجوم
واطلع على شط طابا
أصيف ويا بابا
وارجع على تيتا طاطا
واروحلها الفيوم
،
أنا نفسي ابقى برنس
لو حتى لاسبوعين
بس الجيب ميطمنشي
ولفهشي سجارتين
لامته الفقر صاحبي
يا بكره ايه مخبي
لابد علطول ف جمبي
وخانقني من سنين

تصدق يارضا لو سمعها شعبولا ياخدها

هههههههههههههههههههه

الاخ الحبيب الشاعر

رضا عثمان

التنويع جميل ومطلوب . اغنيه { شعبوليه }

نفس النهج بل نفس موسيقى الشعر .

اوعى تكون مدمن شعبان . احسن ازعل قوى .

هههههههههههههههههههههههه