ذي ما أنا عايز

موضوع: ذي ما أنا عايز الأحد مارس 13, 2011 9:40 pm

بجيلك

عاشق الأحلام

ف عين جيلك

وأناديلك

أنا هما

أعفر وشي بترابك

وأتحلى بمرار قدمك

ودوستي بقسوه على راسي

ف قلب القلب وبشيلك

ورمياني مع التباريح

جريح منسي ف عيون نيلك

ولما ندهت بحروفك

أنحي الطاغي و أتغير

ولا أتحير

أزيح خوفك

لقيتك قادرة بتشوفي

وفوقتي فوق حدود شوفي

كأنك عشتي تستني

أفوق مني

وأفجر كبت تأبيده

سنين عمري

وغل ف قلب شعب عظيم

على ربوعك ف ينابيعك

و بتحاكمي اللي بيبيعك

و قادره ربنا يعينك

على سنينك يا أرض الخير

وسيبي الجيل يكون عينك

أشوفك ذي ما أنا عايز

مموه جيشك الفايز

و جايب نصرك الغالي

على سينا

أشوفك علم و حضاره

جدودي بنيوا سقاره

رضيتي أزاي لقب جدي

تزين بيرا سكاره

تجاره وجايه بخساره

على شرعك يا مولاتي

تحياتي

أريد العدل هل كفرا

أدون طهر تشريعك

ومهما الدنيا ح تعتم

بشوفك شمعه ف الضلمه

سبيني أشوفك الضحكه

ووردك يكتب الدستور

حروفه النور

تكون مستقبلك يا أما

أشوفك حنيتك ضمه

لدم شهيدك الطامح

يحقق وحده الأمه

أنا هما

ودمي غير التواريخ

و خلى سكوتنا أعلى صريخ

وعاد يهجة وطن منهوب

أكيد مكتوب على ولادك

يجيبوا التار

قدرنا ع الحديد والنار

وياااه ع العار

تنحى الطاغي متعاصا

بدم الشهدا و الأحرار

أهين يا نهار

بثورة شعب كان أخرس

رجع صوته

وزاح عنك بلى وغمه

أمانه تبدري ف ثم

وأناديلك

سبيني أحقق الأحلام

ف عين جيلك

أنا هما

ودم القلب من نيلك
______________________________

كلمات

أصغر ديوك المملكه

جمال الدليل

____________________________________________

ندهت حروفى القلم يا جمـال ولبــاها
دا ابن الدليل الــعلم وقصيدته محلاها
رديـــت دااحلى خبر ياصحبا واحشانى
ياللى دوايت الالم بحروف عشقناها
الى الابن والاخ والحبيب جمال الدليل مش لاقى كلام اوصف بيه هذه القصيده الرائعه الغنيه بالصور والمفردات الجميله والهى ياجمال انا سعادتى النهارده لاتوصف بقصيدتك التى قراتها كثيرا ولانى اطمانيت عليك واحشينى اوى ياجمل ومش حاعتبك على تقصيرك معايا اثناء مرضى لان مفيش عتاب بين الحبايب

Very Happy

الابن الغالى والشاعر الجميل

جمال الدليل

النص ده عايز روقه علشان نتكلم عنه .

فإسمح لى بعوده له للابحار بين صدفاته

حتى ننتقى درره .

مودتى وتحيتى لحين عودتى ..

ينقل الى منتدى الثوره والسياسه

العاميه حيث مكانه والتخصص ...

الشاعر الرائع جمال الدليل

اخى العزيز استمتعت جدا

بالابحار داخل كلماتك الرائعه

سلمت يا عاشق الاحلام

ويارب كل احلامنا لبلدنا الحبيبه تتحق

مبدع ومتميز ورائع دائما يا جمال

ودائما بنتظر اعمالك للأستمتاع بيها والتعلم منها

تقبل مرورى وتقديرى

دمت بخير وسعاده

أستاذ جمال
حمد لله على سلامتك
من مدة مقرتش لحضرتك حاجة
فأهلا بقصيدتك الجميلة

أخي و حبيبي

الأستاذ صلاح الكومي

كتب

ندهت حروفى القلم يا جمـال ولبــاها
دا ابن الدليل الــعلم وقصيدته محلاها
رديـــت دااحلى خبر ياصحبا واحشانى
ياللى دوايت الالم بحروف عشقناها
الى الابن والاخ والحبيب جمال الدليل مش لاقى كلام اوصف بيه هذه القصيده الرائعه الغنيه بالصور والمفردات الجميله والهى ياجمال انا سعادتى النهارده لاتوصف بقصيدتك التى قراتها كثيرا ولانى اطمانيت عليك واحشينى اوى ياجمل ومش حاعتبك على تقصيرك معايا اثناء مرضى لان مفيش عتاب بين الحبايب

_____________________________
أولا الحمد لله على سلامتك

ثانيا أنا ماقدرش أنساك أبدا

ثالثا أشكرك على كلامك الجميل وردك الأجمل

وأرجو أن تكلمني عشان تليفوني أتسرق

وماعييش نمرة أي حد

أخوك جمال الدليل
________________________

» عايز مصر
» عايز تموت ؟؟
» عايز نصيبي
» مش عايز حد يكلمني
» عايز مرّه تْكون الريّس..ضياء الدين البري