مش عايز حد يكلمني

مخنوق مش عارف ايه مالى
ولا داري بنفسي ولا بحالي

مصدوم مش شايف قدامي
ولا عارف إي اللى بيجرالي

مش عايز حد يكلمني
ولا عايز حد يصبرني

أنا عايز بس ابقا لوحدي
واهرب من كل الدنيا دي
....
كان نفسي أغمض وأفتح
وا لقيني بقيت ف عالم تاني

واقابل ناس ماعرفهمشي
وأرسم وياهم أحلامي

عالم مافيهوش حد بيحود
والوانه الأبيض .. والإسود

علشان مااحتاجشي لنضاره
وكمان مارجعشي لأحزاني
....
مش عايز حد ينسيني
ولا عايز حد يكون جمبي

وكفايه الدمع اللى ف عيني
بيهدي النار اللى ف قلبي

وياريت عالدمعه وتتعافى
وتروق الدنيا وتتصافى

كان هم الدنيا بقا ف دمعه
وتهون الدنيا أول مابكي
....
ايه ف الدنيا يخلينى افرح
مين ف الدنيا بيسأل عني

وأعز صحابي بقا بيجرح
واللي أنا حبيته بيهجرني

والغنوه الحلوه اللي اكتبها
قدام عينى الناس تسرقها

كذا حاجه ف نفسي بتألمني
كذا خبطه ف راسي بتوجعني
....

ايه يا رضا اليأس ده كله ؟؟؟

لسه الدنيا بخير ياراجل .. لكن تصدق عندك حق .

تعالى نسيب لهم الدنيا ونروح بوركينا فاسو ..

ههههههههههههههههههههههههههههه

البلد دى احسن من غيرها .. حتى لو فيها حراميه

مودتى يا رضا واحييك على تلك الحاله الرافضه الجميله .

مودتى وتحيتى ...