محاسن يومي في صرخة قلم مع صرخة ألم

صرخة قلم
صرختها يوم موقعة الجمال في الأربعاء الأسود بميدان التحرير

صرخة قلم

ودعت أنا سكوتي
صدري كتم صوتي
يا بلادي هاتعيشي
ولاعمرك تموتي
ودعت أنا سكوتي
أولادنا بالملايين
جوا الميدان ثايرين
ع الظلم مش قادرين
أعداءنا مش ساكتين
زرعوا مابين أخين
للفرقة دنيا ودين
كتبوا تاريخ موتي
ودعت أنا سكوتي
صدري كتم صوتي
في القلب نار والعة
والشمس مش طالعة
ليه الخلق مش سامعة
ليه اتكتم صوتي؟
ودعت أنا سكوتي
ليه الأخ يقتل أخوه
قتلوا الوطن صلبوه
جوا الميدان حرقوه
قال يعني بيحبوه
اللي يحب الوطن
يرفع معاه صوتي
ودعت أنا سكوتي
فجرت ثورة ألم
اتشل سن القلم
والفتنة في بيوتي
مش هي أرضي
ولا هو ده بيتي
ودعت أنا سكوتي
صدري كتم صوتي

دكتور عاطف شرف لي أن تكون أول من يقرأ نصي ووسام على صدري صدقني كتبتها وقطعتها أكثر من ثلاثين مرة ولم تعبر عن نار القلب التي اشتعلت فينا جميعا حفظ الله مصر وشكرا لمقامك الرفيع مرة ثانية

عادل عوض سند كتب:

الاستاذه الشاعره

محاسن بيومى

تفاعلتى مع الحدث فخرجت كلمات الم وخوف

على مصرنا الغاليه وعلى اخوتنا واولادنا .

اشكرك على حسك الوطنى وشعورك الانسانى الرائع .

تحيتى وخالص تقديرى ..

صباخ الفل أستاذي الفاضل وشرف لي مرورك هنا أجمل وأرق وأسمى آيات الشكر