محاسن بيومي في صرخة ألم شلت قلم

شلل الألم
صرخت صرخة ألم !!
والهم ناداني
واتشل سن الألم في إيديا من تاني
ودموع هلال وصليب!!!
في القلب كاوياني
صرخت صرخة الم!!
والهم ناداني
ودموع هلال تحضن صليب
بالدمع نار تصبح لهيب
ينزف على خد الحبيب
دي الحسرة بتهد ف كياني
والهم يا أمة بحرقة جاني
وصرخت صرخة ألم !!
والهم ناداني
وسألت يا نجوم السما
ليه الولاد صابها العما
ليه أم يحرقها الضنا
في القلب نار مش هينة
الإبن ليه أصبح أناني
وحشاني يا دموع الأغاني
صرخت صرخة ألم !!
والهم ناداني
والعندليب في القبر ثار
الظلم يا أمة ف قلبي نار
غنيت معاه عدا النهار
والنكسة بعد الانتصار
تسرق في مصباح الصباح
وتقول يا ناس دا الفجر لاح
ظلامنا والله بريحته فاح
يسرق من الحب السماح
وصرخت صرخة ألم؟
والهم ناداني
دي الفرقة نار ع الإخوة عار
والجيش بيحمي الاختيار
يبعد شبح م الانهيار
بالحب يهدينا العمار
ولحد إمتة الانتظار
عاوزين يعود تاني النهار
تمسح ضفايرك أحزاني
يا ساكنة روحي و كياني
صرخت صرخة ألم!!
والهم ناداني
محتاج لساعة صفر
للنصر من تاني
أهزم جيوش النفس وأغسلها رباني
دي الصرخة صرخة نار!!
ف القلب حارقاني

مصر الطيبه قادره على تحدى امحن ان شاء الله
تحيه لك اختى العزيز و لقلمك الهادف وجمال الحرف