صرخة

موضوع: صرخة الأربعاء أبريل 03, 2013 11:54 am

صرخة

مليت الأصوات النايحة
في الجاية والرايحة
مليت فعل ،سفك ،هتك، هلك
مليت وجوه ذبلانه ، نعسانه ،هلكانه
مليت فعل سمع ،خضع، أطاع...
الكون كل يوم بيلبس لبس ف شكل
والأرض كل يوم بتتنفس هوا غير الهوا
الحية بتغير جلدها كلما ضاق
وانت يابشر ضايق وساكن جلدك ...
لابس نظاره كُحلي لا بتشوف ولا بتتشاف
ياهوه يامطنشين ...النهارده حصرخ بعلو صوتي
وللي ماشترى يتفرج
محدش منكم شاف ولا سمع
أكوام لحم ف تونس تتحرِق ؟
أحلام في الميدان بتتشنِق ؟
ناس مطنشه بمزاجها بتوشوش :
بيقولوا ،ناس في فلسطين ... مين حس بيها ...ما تتفِلق !؟
أشلاء في سوريا من نزفها ،يا تتلحِق ياتتحِرق
الكل بيتفرج وإيدو على خدو ...يِكُنشي بيتعلَّم؟
نفسي ياعرب ،تتململوا تتحركوا، تتبرَّكوا
نفسي تخنقوا المهانه فيكم
تزرعوا الحياة بأياديكم
تحفظوا ماء الوَجَعِ العربي ...على شان الوجه العربي خلاص ماعاد لهُشْ ماء
علموا، ربوا ، أهدوا الوطن صلاحا
يصلح شان البلاد والعباد
يحقن دماء الاخوة الأعداء
عدوُّكم لسَّاتو بيفتش
إزاي يزرع الشوك في الميدان ؟
إزاي يِسُقكم للمسالخ زي القطعان؟

موضوع: رد: صرخة الأربعاء أبريل 03, 2013 8:18 pm

ولا حياة لمن تنادي
وكأننا ياأستاذة مليكة بننفخ في قربة مقطوعة
وصدق رسولنا الكريم حين أبلغنا بأن الأمة سيصيبها الوهن أي حب الدنيا وكراهية الموت . أو كما قال صل الله عليه وسلم
أحييك استاذة مليكة علي غيرتك علي دينك ووطنك

موضوع: رد: صرخة الخميس أبريل 04, 2013 12:14 am

حرف بمنتهى الروعة
ومفردة تنبض بالأبداع
راقني ماكتبت كثيرا
فدمت بكل خير
ولك تحيتي
د. السيد عبد الله سالم
المنوفية – مصر

موضوع: رد: صرخة السبت أبريل 06, 2013 9:33 am

الم .. سيدتى ونداء اموات .

ولكن لابد ان يبزغ الفجر مهما طال الليل .

لا ظلم يدوم ولاقهر له عمر .

تحياتى وتقديرى ...

موضوع: رد: صرخة السبت أبريل 06, 2013 8:17 pm

الم
عذب
شجن
ساس
حيره
كلها اشياء تظهر بين ثنايا كلماتك وسطورك
دمتى مبدعه
تحياتى
شاعر الاحساس

» محاسن يومي في صرخة قلم مع صرخة ألم
» صرخة الغُربة
» صرخة أم
» صرخة
» صرخة ميت