لما الغزالة تبقى رايقة

لما الغزالة تبقى رايقة

لما الغزالة تبقى رايقة
كل طلباتي مجابة
ابقي سي السيد زماني
او شهريار امبابة
تتغسل رجلي بميه
يجي اكلي ع السرير
والضحكة تبقى م اللي هية
والسما تشقشق طيابة
اما لو مغضوب عليا
تبقى حرارة حبنا
زائد وجع فـ المية
عايشين على ذات السرير
بينا مخدة
فاصل من العند اللي صوب ع الالم
وانا وانت ايدنا ع التيتك
وبنعصر السبابة
اي حاجة اعملها
يبقى ليها معنيين
كل حاجة بينا يا حبيبتي
تتقسم نصين
واي ذكري حلوة بينا
تتنسي
واي كلمة حق كدابة
فجاة الملاك اللي بحبه
يتقلب ندابة
عياط عياط
ومحزنة
وراوي بربابة
يعيد يزيد فـ اللي حصل
والمشكلة متسابة
باختصار
من غير م اطول
تتقلب عيشتي هبابة
اجري علي البيت اللي مفتوحلي
برحابة
اطلب التفاحة تنزلي
اشيش
والتلج يغطس ويقب
فـ العنابة
مع طرقعة قواشيطي ع الطولة
ترجع الضحكة اللي غابت عني
ادندن
اغنية للست
وانفخ الهم اللي ماليني
فـ سحابة
تاخد معاها صورتك الوحشة
بعيد عني
وبقية من جو الكابة
يا حبيبتي اي حاجة تتعمل
لو تفهمي بس بهدوء
تطلب مني طلبك بحنية
اروق
الحياة مش خط واحد
بالقلم والمسطرة
عدوية قالها فـ غنوة
دنيا مدورة
يا حبيبتي
حبة تحت وحبة فوق
وشوية قلابة
ارجع واصالحك
لانا راضي ولا زعلان
عادي قبلتك كدة
شروة فرح وجنان
في الحب نصابة

كلنا فى الهم شركاء

ههههههههههههههههههههههههه

الشاعر الجميل

حاتم كامل

بس اجمل حاجه فى القصيده البيت اللى مفتوحلى .

هوه ده الملجأ من عكننة البيت . بس برضه ساعتين

وحا ترجعله يا جميل ..

جميل النص الاجتماعى الهادف ده . وموضزع ليت النساء يتطلعن عليه .

مودتى وتحيتى ...