تبقى دى مين ؟؟

بسم الله الرحمن الرحيم


تبقى دى مين ؟




كلها صبر
وشاربه المر
فيها العبد
امتلك الحر
فيها حجات
حلوه وبتسر
فيها خلايق
عايشة تضر
تبقى دى مين * تبقى دى مين
دايما صابرة مع الصابرين
حبها فرض
على الحساس
فيها الارض
بتطرح ناس
ناس مش زى
بقية الناس
ناس عشقاها
بروح وحماس
تبقى دى مين * تبقى دى مين
حبها فرض وسنه ودين
برضوا تلاقوا
فيها وحوش
نازلين سف
ما يتوصوش
ومن اللهف
ما بيملوش
ياكلوا يجوعوا
ما يستكفوش
تبقى دى مين * تبقى دى مين
فيها وحوش وكروش جعانين
خيرها لغيرها
ومالناش غيرها
والمستثمر
واكل خيرها
ست الكل
وربى ساترها
ريحة الفل
ولونه ضميرها
تبقى دى مين * تبقى دى مين
يا غلابة يافقـــرا يا مساكين
فيها افراحك
فيها مشاكلك
فيها اصالة
اهلى واهلك
فيها ملامحى
فيها ملامحك
فيها غيلان
بتاكلنى وتاكلك
تبقى دى مين * تبقى دى مين
من ملامحها ياناس واخدين
غمواعنيها
وخلعوا سنانها
قطعوا ايديها
وسدوا ودانها
لهفوا القدرة
وشربوا لبنها
باعوا الغلة
وقبضوا تمنها
تبقى دى مين * تبقى دى مين
اللى تباعت فى الدكا كين
صرخت كده
آه يا خيبة املى
يرضى دا مين
اللى بيحصلى
شعبى اتوفى
ما عدش فضلى
غير البكا
والدمع تملى
تبقى دى مين * تبقى دى مين
اهلها ناموا سنين وسنين
شربت كل
كاسات الصبر
بس ف لحظة
نست القهر
ضحكت فرحت
راق الدهر
رجع الفرح
لنخل ونهر
تبقى دى مين * تبقى دى مين
راهنت على صدق الصادقين
كسرت قيدها
بقبضة حديد
حلفت تولد
فجر جديد
يغزل نصر
بفرح اكيد
ويوصلها
ليوم العيد
تبقى دى مين * تبقى دى مين
اللى انتفضت ف الميادين
بعد ما فرضوا
عليها العار
ضربوا ولادها
كمان بالنار
بس ولادها
عشان احرار
قابلوا رصاصهم
باستهتار
تبقى دى مين * تبقى دى مين
اللى ولادها اسود صامدين
داو الامها
و كل جروحها
ونهوا بأيدهم
ايام نوحها
صانوا وحفظوا
غناها وبوحها
رجعت ليهم
لقيت روحها
تبقى دى مين * تبقى دى مين
اللى فداها نروح راضيين
قالت حكمة
بحرف شجاع
ايوه رحل
عهد الاوجاع
وانتوا خلعتوا
عميل خداع
بس حذارى
من الاتباع
تبقى دى مين * تبقى دى مين
ردوا عليا يا مصريين



تمت

محمود قطب

الله عليك انت يا عمنا
وكل الشكر يا جميل لتثبيتك النص
دومت دوما استاذنا بكل خير وود

اشكر مرورك العطر اخى تيمو
وكل الشكر لمرورك ولمدخلتك
المشجعة جدااااا يا جميل
دمت بكل خير

نورتنى يا استاذ ماهر
ولعلمك يا جميل السواد الاعظم من ولادها
دايبين صبابا ومغرمين قوى بيها
غيرش بس الشويه ولاد الايه
اللى كانوا كاتمين على نفسها ونفسنا
واهم راحوا بلا رجعة
خالص حبى وتقديرى

الشاعر الجميل رضا عثمان
مرورك اسعدنى واسعد النص
ويارب دايما اكون كما تصفنى
وعند حسن ظنك اخى الغالى
دمت دوما بكل ود وخير

الله عليكى وعلى اضافتك الرائعة
اختى ابتسام
فعلا حاجة اخر جمال
بجد مرورك مبهج وليه مذاق خاص
سلمتى وسلم مرورك
دمتى دوما اختى العالية
فى طاعة ربك

يا سلااااااااااام
الله عليك وعلى مزاجك يا مهندسنا
والله اربع شطرات بس احلى ميت مره
من النص كله
ربنا يزيدك يا كبير
وكل الشكر لمرورك العطر

كل الشكر لمرورك الراااائع
اختى الغالية رشا فؤاد
اسعدنى جدا تواجدك وتعليقك
المحفذ والدافع
واتمنى ان اكون دوما عند حسن ظنك
دمتى اختى بخير حال

يا سلااااااام عليك يا صاحبى
مرورك بس يضيف لاى موضوع
فما بالك لو كان مرور واضافه كمان
جوا قلوب عشاقها دي خالده
هيا دي امي ان كانت جاحده
والله بيتين اخر وجع
بيفكرونى بعتابى وعتاب كل اهل الصعيد عليها
بس هنعمل ايه
حبها فرض على الحساس
ولا ايه يا جميل
دمت اخى طاهر بكل خير وود

ربنا ما يحرمنى منك
ولامن مرورك ولا من تحياتك
ولا من اضافتك ولا من ردودك
ودمت بكل خير و ود يا استاذنا
وعلى فكرة سلمى بتسلم عليك

شكرا لاضافتك الاكثر من رائعه
ابياتك اضافة جمال لمتصفحى
ومرورك اسعدنى ومدحك اخجلنى
دمتى اميرة بكل خير وود
: