إمسحي دموعك

امسحي دموعك

امسحي دموعك يا أمي
في اللي فاضل م النهار
النهاردة برغم دمي
هنجدك م الاحتضار
آه يا خويا وآه يا ابني
الوجع على فين واخدني
والغريبة إنك وإني
حلم بيعاني إنكسار
* * *
مش باقي لك أو باقي لنا
بعد ما صمتك قتلنا
والبكا شقق قلوبنا
غير علم فوق كل دار
امسحي دموعك يا أمي
في اللي فاضل م النهار
النهاردة برغم دمي
هنجدك م الاحتضار
* * *
ألف رحمة ونور يا مينا
يا للي كان ضلك آوينا
النهاردة إحنا إتكوينا
بس أخوات ... باختيار
امسحي دموعك يا أمي
في اللي فاضل م النهار
النهاردة برغم دمي
هنجدك م الاحتضار
* * *
مددي ع الحزن ضلة
وازرعي من تاني طلة
وانحتي ف حضن الأهلة
كام صليب ...يعلى العمار
امسحي دموعك يا أمي
في اللي فاضل م النهار
النهاردة برغم دمي
هنجدك م الاحتضار
* * *
النبي محمد جريح
والوجع طال المسيح
يا وطن ما يهزه ريح
شد حيلك ... لينا تار
امسحي دموعك يا أمي
في اللي فاضل م النهار
النهاردة برغم دمي
هنجدك م الإحتضار

الاخ الشاعر

محمد حجازى

هذا الحادث لم يصيب الاخوه المسيحيين فقط .

ولكن اصابنا نحن كمسلمين . ولمن لن يصيب نسيجنا

الوطنى مهما فعلت القوى الخارجيه .

اشكرك على جمال قصيدتك والتى ناسبت الحدث الذى

ادمانا كأمه مصريه ..

الاستاذ الشاعر الكبير

محمد حجازى

تم اصلاح الكلمه بإضافة التاء الناقصه

مودتى وتحيتى ...

النص عندما يُكتب بمهاره

ويكون له هدف . لابد وان يعود اليه القاريء

للتمعن والاستمتاع .

تحيتى وخالص تقديرى لابداعك الراقى ...