نزلت دموعك يا غلبان

نزلت دموعك يا غلبان
وع خدك اهى بتبان
مظلوم من الجميع
ف اى شئ واى مكان
ومتباع دايما جوه وبره
ومن كل انسان

انا عارف انك مش بتشكى
ولو شكيت الارض مش
حتقدر تسمع وحتبكى
كانك برواز او صوره
روحك ضايعه ومقهور
ه
ودايما الحال عليك بيضيق
وانت القناعه فيك بتقول
دايما الحمد لله مستوره
وال جاى ع قد ال رايح
وال فيه مكفيه
مبتردش محتاج او
تقوله لا وبتديه

عجبانى فيك يا غلبان
العزه والكرامه
ملكش طريق شمال يمين
وطريقك الاستقامه

وانا عارف انك ملكش صوت
ومكتوب عليك دايما الموت
ولو طلعلك صوت متلقيش
ال يسمعه
وصوتك دايما مكتوم
لكن رزق ربك ليك
مش حتلاقى ال يمنعه

انا نفسى يا غلبان
الاقى ناس تخاف عليك
متقفلش ف وشك البيبان
تكون سند ليك وتحميك
لكن اعرف حاجه واحده
يا غلبان ان السعاده
معاك دايما باذن ربك
وده حاجه فيك وليك
الشاعر
محمد على