امسحي دموعك

امسحي دموعك يا غالية

يا ام كل المصريين

امحي آي دمعة جارية

في عيونك الحلوين

بكر يسطع نور نهارك

بكرة نخلص م الغادرين

اللي باعوا آمن ارضك

اللي فرطوا في عرضك

اللي باعوا حتي نيلك

اللي شاركوا الارهابين

اللي سابوا ارض سينا

ترعي فيها التعابين

امسحي دموعك ياغالية

يا أم كل المصريين

****************

بعد التعديل

الشاعر الجليل عادل عوض كتب/


الاخت الشاعره
سلوى عبد العزيز
نعم .. فمصر مسحت دمعها ولن تذرفها بعد الآن
على خائن او عميل او لاينتمى اليها ويحمل جنسيتها .
نطالبك يا مصر بالقصاص ولا تتركى القاتل الفاجر الارهابى الذى لايعرف الاسلام
يقتل ويروغ الآمنين .
نصك جميل وصادق يا سلوى واحييك عليه .
تحيتى وتقديرى ...

_________________
<br>***************

اشكرك لتعليقك الجميل ولمرورك علي صفحتي

واحيي فيك وطنيتك التي قلت في تلك الايام

ربنا ينصر مصر ويجعلها دائما حرة ابية ترفض الاهانة والاستكانة والاخونة والخيانة

تحياتي لك ولكل مصري اصيل

اخي الفاضل الشاعر الكبير محمود جمعة

اولا نتفق ان الاختلاف في الرأي لا يفسد للود قضية ماشي

ثانيا في مضمون القصيدة انا نفسي تبص للملايين اللي خرجت يوم 30 يونيو و3 يوليو و26 يوليو ولا برضة حتقول فوتو شوب وفبركة

بلاش كدة الارهاب اللي بيحصل في سيناء اللي الجيش حررها من الاسرائيليين واللي مرسي فتح اهم السجون واللي استدعاهم من افغانستان

وبديع اللي قال حنخليها سورية ونعمل الجيش الحر والملابس العسكرية اللي بتتفصل في المصانع والاسلحة الللي جاءت مصر من كل بلد متهربة

واصبح السلاح مع الناس عادي كدة قصدي مع الاخوان والدم عندهم برضة عادي المهم يوصلوا لاغراضهم

وبعدين اليموقراطية والشرعية مش في الصناديق وبس الشرعية هي ارادة الشعب اللي نزل في كل ميادين مصر يرفض الاحتلال الاخواني يرفض اهانة

الناس يرفض الضرب والسحل اللي حصل علي باب القصر الرئاسي والرئيس عامل نفسة مش سامع ولا شايف طالما هو واهلة وعشيرتة تمام

متمكنين مسيطرين مهيمنين علي كل مفاصل الدولة واعطو نفسهم الحق مثل وعد بلفور(من لا يملك اعطي من لا يستحق ) التفريط في ارض مصر

الدستور اللي بينص علي ان الرئيس من حقة تعديل حدود مصر هي كانت عزية ابوة

انا نفسي اسألك سوءال انت اخواني حتي النخاع ولا متعاطف معاهم

وبعدين انت دايما في كلامك تقول اللي حصل من ستين سنة مع انك صغير في السن وشكلك كدة في الاربعينات يعني ما عاصرتش الزمن اللي بتتكلم عنة

ماتزعلش من سوألي انا اكبر منك سننا بس خليها في سرك

اخي الشاعر لو كنت متضايق اني بكتب في الصفحة اللي انت مشرف عليها انا ممكن اكتب بعيد عنك خالص

ولا تنسي الاخلاف في الرأي لايفسد للود قضية

انت اخ فاضل وعزيز

تحياتي