غزل من نوع خاص الجزء الثاني(شعر حلمنتيشي)

حبيبي قوتك تشبه قوة الجبال
وياريت تقوم تغير للعيال
حبيبي أنت فعلا فتى أحلامي
واياك فى يوم متسمعش كلامي
حبيبى أنت سندى لاخر الدهر
على فكرة أنا صرفت مرتب الشهر
حبيبى قبلك كانت حياتي حزينة
وياريت تشتريلي الفستان اللي فى الفاترينا
حبيبى معك بنسى كل همومى
ولو مجبتش ليا موبايل هسيب البيت وألم هدومى
حبيبى أنت فى نظرى أحلى من توم كروز
وفين يافندم فلوس الدروس
حبيبى أنت أعلم بأنى لم أجد مثلك فى كل قارة
وياريت تعزمنى على العشا النهاردة بره
حبيبى أنت رمز الرجولة والشهامة
وأنا بكوى غصب عنى حرقت البيجامة
حبيبى أنت فعلا حققت لى كل ما فى نفسى
وياريت تطلب لنا دليفرى وكانز بيبسى
حبيبى ما أجمل ما تتمتع به من رمش وكاحل
وامتى بقى هناخد شاليه فى الساحل
حبيبى أنت عونى فى زمن الغش
وكفاية أكل بقى بقيت بكرش
حبيبى معك عشت حياة هنية
هات الريموت عايزة اتفرج على التمثيلية
حبيبى حبيبى حبيبى

الشاعرة الرائعة

مريم

بجد انا عينية دمعت من كتر الضحك

والعيد اللي فات ما أكلتش كحك

وكانت دموع مش على اللي ما أكلتوش

ولكن على اللي أكلو وبقم بكروش

ههههههههههههههههههههههههههههههههه

تقبلي خربشاتي البسيطة

يا مريم

بس بجد استمتعت بقرائتها

أخوك

عمرو زيتون
.......................

الاستاذه / مريم

جميل هذا التطريز الساخر

ودمج الفصحى بالعاميه فى نص حلمنتيشى جميل .

تحيتى وتقديرى ...