العدل الفرعونى

الله الله الله ايه يا عمنا الجمال ده بجد تحفه رائعه دمت مبدعا متالقا استاذنا وعمنا عادل تقبل مرورى على فكرة ستنيك فى الروم الصوتى وده رابط الروم يا حج كلم عمنا عاطف يعمل للغرفه منتدى بدل الدوخه دى ههههههههههههههههههه
http://r33c6c65e.9ot-ksa.s4.roomsserver.com/?j=0


بص يا سيد الناس هتسطب البرنامج من الصفحه نفسها فيها كلمه انجليزى تحت كلمه الدخول دوس عليها وسطب البرنامج تقدر بعد كده تفوت عادى وشكرا تقبل مرورى

ما اروع ان يعبر الشاعر عن احاسيس الناس والاروع اكتر ان يجمع اوجاعنا كلها فى عمل واحد والله انت حكاية ياعم عادل وعلى فكرة ان لكل واحد نصيب من اسمه فمن الضرورى ان يتكلم الاستاذ عادل عن العدل
فهل يتحقق العدل وتتلاشى من مجتمعنا صور الفساد ( والله انا شخصيا خايف ) ويخيل لى
انى مش حاشوف العدل لان العكس استشرى واستقر
ولكن ربنا موجود وقادر
دام ابداع المبدع الرائع الاستاذ /عادل عوض

وناس عاده .. وناس فينو

ابويا الغالى ذو المقام العالى الساكن ف العلالى
ياعمنا لو مش خايف على نفسك انا خايف عليك
اليومين البلد هايجه خلقه
بس اقولك برضوا
سيبك
القصيده جامده وجون احترافى ولا اجوان ابوتريكه
والشطره دى تحفه
حالتنا كده
انا وانت وملايين غيرنا
من ابو رده
وهم من دقيق امريكى فاخر
دقيق الذل والعوذه
تقبل فائق احترامى وتقديرى
دمت بكل خير

عدولة عادية جدا ودة مجننى على فكرة انا سايبك يومين خد راحتك قوى وغلاوتك عندى انا باسهرلك اليومين دول بس عندى سؤال محيرنى الكلام دة جبتة منين ر ا ئع ياعدولة وانتظرنى جامد جامد قوى

الكبير قدرا وإبداعا
عادل بك سند
أنا قرأت القصيدة "وتنّحت "
عفوا لا أجد تعبيرا أنسب من ذلك
ولا أجد ما أعبر به عن تقديري الفعلي لهذا العمل

يا إمّا تعدلى بيننا

يا إمّا إستنى طوفانك

نبوءة شاعر وكم من الشعراء من تنبأ وتحققت نبوأته
هذه النبوءة على قدر انتظارنا لها على قدر ما نخاف منها
على هذا البلد. لا أستطيع أن أقول لك إلا " لا فض فوك"
أيها الشاعرالحقيقي

أهي النهاية كي أبكي عليك دما
أم أن ما انت فيه كبوة الفرس؟

دمت ودام ابداعك
مودتى الخالصة

عاطف

عادل عوض سند كتب:

مصيبتى .. إن انا شاعر

ومش شاعر بعدلك يوم

ولا بحلم بإن العدل يتحقق ما بين ناسك

عشان احنا .. شربنا المر من كاسك

وناس تانيه على حجرك

فى نفس الكاس .. بتسقيهم ف شمبانيا

وفوق الأرض ناس بتسود

وتحت الأرض زى الدود وناس عايشه

ومش لاقيه تجيب عيشك ولو .. كِسره

وناس عايشه ف إيوان كسرى

ملايينها بتتهرّب فى سريّه على سويسرا

وناس فى العز منقوعه

وناس فى الفقر مرزوعه

وممنوعه تبص لفوق

وناس بتفوق عشان تسكر

وناس من سكرة الدنيا ما هيش بتفوق

وناس سالكه

وناس م العوزه متهالكه

وناس مالكه

لسِكّتنا فى جيّتنا ومرواحنا

وناس بيتاجروا ف أرواحنا

وناس بتموت .. وناس بتفوت

فى خرم الإبره وتعدّى

وبتمدّى جسور الود فى لندن

عشان يرتاحوا م الدوشه

وناس تمشى بقوانينك

وناس تكسر كوالينك

وناس الأمن دايسها

وناس الكلب حارسها

وناس قرآننا دستورهم

وناس شيطانها يسترهم

وناس الحق شايفينه .. وعارفينه

وناس تانيه بيتجاهلوه .. وخايفينه

وناس بالرشوه .. ناسفينُه

وناس عاده .. وناس فينو

وقلبى اللى نازفينه

ماعاد يؤمن

ولا { بميمك } ولا { بصادك } ولا برائك }

ولا يعمل بآرائك

وراح يمشى بهواه هوّه

وإسمك نازعه من جوّه

عشان انتى

كسرتى العدل ف ميزانك

وفاكره إن ده .. زانك

يا إمّا تعدلى بيننا

يا إمّا إستنى طوفانك

وساعتها ولا دموعك حا تشفع لك

ولا نوحك .. وراح نعمل أنا نوحك

وحا ابنى سفينتى فى الشارع

وعايزك تسخرى منى

وشيء واحد مطمنى

بإنى حا نرسى { عالجودى }

ومش حا آخد سوى فردين

حمام ابيض وغصن زتون

ونطفه من تراب غالى

وحا أدفنها ف رحم أرضى

وحا أستنى

عسى تُنجب ف يوم واحد

يكون أشبه

{ بأبو أسماء } { أبو حفصه }

أمل بتمنى يتحقق

لكن خايف

وفيه إحساس بينتابنى

بإن النطفه حا تجيب لى

فساد يملا عليّه الكون

وأشوف قدّامى من تانى

شبيه .. فرعون


25 / 3 / 2006

.........................................
إبداع تعجز كلماتى المتواضعة عن وصفه
أستاذنا
الشاعر الكبير / عادل عوض سند
أحييك على ماخطت موهبتك المتفردة
دام إبداعك ودام إمتاعك لعيوننا ومسامعنا

بجد جميله قوى

مصطفى مقلد كتب:

الله عليك يا استاذ عادل
قصيدة رائعةعلى قدر عادل عوض سند
سعيد بان اكون اول من يتصافح معها

ادام الله عليك الابداع

عصام سالمان كتب:

يا كبير يا كبير
الله عليك لما تقول
واحنا من وراك
نردد ونزيد
الله عليك ياسند
ياجميل
لما تقول
وناس تمشى بقوانينك

وناس تكسر كوالينك

وناس الأمن دايسها

وناس الكلب حارسها

وناس قرآننا دستورهم

وناس شيطانها يسترهم

تحفه يدوولا يا كبير عصام
بس لى عوده تانى

محمد سرور كتب:

الله عليك يا استاذ عادل
صورت الحقيقه المره
وفكرتنى باحدى الزجالين القدمى
ويسمى
ذكى الشيخ
اكيد حضرتك عاارفه
كان بيقول
فيه ناس بتسهر فى الكابريه
وناس بتسهر من جوعها
وناس بتصرف الف جنيه
وناس بتصرف فى دموعها


تحياتى لقلمك استاذى الفاضل

عاطف الجندى كتب:

( وناس عايشه ف إيوان كسرى

ملايينها بتتهرّب فى سريّه على سويسرا )
اللهم ما أوعدنا أنا و أخويا عادل عوض سند
هههههههههههههه
عمنا عادل الشاعر الكبير قوى
سيمفونية رائعة مقتحمة تدخل الى القلوب مباشرة
لتسكن فيها لما بها من صور جميلة و صدق فنى
و اتكاء على التراث الدينى المتغلغل فى قلوبنا
دمت شاعرا كبير
أخوك

عاطف الجندى كتب:

للتثبيت قبل ما حد يثبتها
ههههههههههههههه

محروس عطرب كتب:

الله الله الله ايه يا عمنا الجمال ده بجد تحفه رائعه دمت مبدعا متالقا استاذنا وعمنا عادل تقبل مرورى على فكرة ستنيك فى الروم الصوتى وده رابط الروم يا حج كلم عمنا عاطف يعمل للغرفه منتدى بدل الدوخه دى ههههههههههههههههههه
http://r33c6c65e.9ot-ksa.s4.roomsserver.com/?j=0


بص يا سيد الناس هتسطب البرنامج من الصفحه نفسها فيها كلمه انجليزى تحت كلمه الدخول دوس عليها وسطب البرنامج تقدر بعد كده تفوت عادى وشكرا تقبل مرورى