ياللا نضحك { جواب غرام }

عاطف عاشور كتب:: يا ابو ليلة مختومة
لا دلع ولا امومة
مبروك عليك حبستك
مع فيل بزلومة

الوسط وسط البلد
عايزله صبر وجلد
حواليه يدوب هتدور
تتعب تقوم تتخمد

ودا وش ولا قفا
دي هدوم دي ولا لحفا
مركب دا ولا قدم
محروق يا مشى الحفا

ودا صوت دا ولا نفير
محبوبة ولا غفير
ودي لجل قوضة النوم
ولا تبيع طراطير

جاتلك عشان الجيب
عملتلي حبّيب
خلص عليها القماش
كملت بالجلاليب

جهز ياعم الشرف
كتالوج عشان الهدف
وسهم مكتوب فيه
الضرب ف المنتصف

لو يوم تقل الأدب
وتسب فيك للركب
أوعاك تسوق مرجله
أو حتى تظهر غضب

اضحك قوام وابتسم
وارسم رضاك واحتشم
واكمش ف جلدك قوي
واتلاشي ضرب الغشم

ما الحق برضه عليك

ما هو انت شايفه عنيك

وجايبنى اتفرّج

على واحده شابكه ايديك

تفيت فى عبّى قوام

وقلت والله حرام

بالذمه كيف حا تنام

فى حضنها تدفّيك

الله عليك يا كبير
استاذ عادل الجامد اوى اوى اوى
تحياتى بشدة و فعلا الله يكون فى عونك لو نص الكلام دة صح
دى تبقى عايزة تتنفخ من جديد
صدقنى ضحكت من قلبى .... اشكرك على منحى هذه الابتسامة

أمير إبراهيم كتب:: الله عليك يا كبير
استاذ عادل الجامد اوى اوى اوى
تحياتى بشدة و فعلا الله يكون فى عونك لو نص الكلام دة صح
دى تبقى عايزة تتنفخ من جديد
صدقنى ضحكت من قلبى .... اشكرك على منحى هذه الابتسامة

الشاعر الذى شرفنى بمروره

امير ابراهيم

لو عاجباك قول لى ابعتلك اختها لسه ما إتجوزتش

ههههههههههههههههههههههههه

والله ما نشرت تلك القصيده إلا إبتغاء البسمه لكل حبايبى

شرفتنى ونورت متصفحى بحضورك الراقى .

كل الشكر والتقدير اخى امير ..

علشان انت ود حليوه
وقالوا تشبه الطاووس
بصت لروحها فى المرايا
وشافت الوش العبوس
قالت اخدها من قصيرها
وقالت عليك انك كابوس

فتحى عوض كتب:: علشان انت ود حليوه
وقالوا تشبه الطاووس
بصت لروحها فى المرايا
وشافت الوش العبوس
قالت اخدها من قصيرها
وقالت عليك انك كابوس

ربنا يجعل كلامك

لو خفيف يصبح عليهم

كان كابوس وإنزاح ف داهيه

إتاذينا من إيديهم

» غرام
» تعالو نضحك شوية مع المساطيل
» /// حكاية غرام ///
» حرب الأزواج بين الأدباء والأديبات..حىعلى الدفاع لكى نضحك..!
» غرام عفاريت