تعالو نضحك شوية مع المساطيل

مسطول نايم في الحوش .. أمو بتصحي فيهو .. يا ولدي قوم الشمس طلعت .. قال ليها : دخليها وأقفلي الباب .

اثنين مساطيل .. راكبين عربية الأول سايق والثاني راكب ورا .. الراكب ورا سطل سطلة شديدة ..
ماشين في شارع النيل .. السايق شاف الشجرة (مضروبة جير أبيض نصها التحت)
أفتكرها عسكري حركة .. راح واقف .. لما شافها شجرة ضحك وطلع طوالي ..
بعد مسافة الثاني من ورا .. قال ليه .. التافه دا قال ليك شنو ؟

مسطول وقف تاكسى .. و قال للسواق: " يا إبن
"..العم .. تودينى وين .. و أدفع ليك كم ؟
.. بتاع التاكسى زاتو طلع مسطول
".. فقال ليه : " أنزل هنا و أدفع البتدفعه

واحد مسطول سألوه مالك زعلان ولا شنو ؟ قاليهم لا بس الوالد شوية متوفي

في مسطول قال لي زميلو: أمبارح اليوم كلو بالي مشغول
رد عليهو زميلو : يمكن يكون في زول رافع السماعة

واحد مسطول سايق عربية قام صدم عامود عاين وراه و لقى دم على العامود ،نزل ربط العامود بي شاش و مشى

واحد مسطول قال لصاحبه.. ارسم على ظهري مربعات .. ورقمها من 1 الى 20 .. لما خلص ..قال ليهو " حُـك لي المربع رقم 15

واحد مسطول جا يطلع بي باب العربية لقى المطر صابة طلع بالباب التاني

مساطيل قالو عايزين يعملوا مظاهرة ضد أمريكا، قام لبسوا واحد صورة بوش و حرقوه

واحد مسطول قاعد جنب ابوهو الاب قال لي ولدو يا ولد جيب لي مويه اشرب
الولد ابي وعمل مصهين المسطول قال لي ابوه ده ولد قليل ادب امشي اشرب وجيب
لي معاك يا ابوي

بتين وقفوا ليهم بتاع ركشة مسطول وقالوا ليهو ماشين المنشية
قاليهم خلاص امشوا لكن ما تتأخروا

مسطول فتح الثلاجه شاف الجلي برجف، قال ليهو ما تخاف داير اشرب مويه بس

واحد مسطول رجع بيتهم ما قادر يفتح الباب نادى لي ولدو قالو مين ؟رد عليه
انا ابوك الباب ما فتح معاي، قالو ارسل ليك المفتاح ؟ رد لا المفتاح معاي
رسلى لى خرم الباب

في مسطول قاعد جنب ست شاي: قالت ليهو : أديك جبنا؟؟؟
قال ليها: والله ما عارف، لكن الجداد جا نزل الطوب حسي ومشي

مسطول قامت ليهو حبه في عينو وقف قدام المراية وقال : دي (ع) وله (غ) أصلو ؟

خلوني الاشيل نفسي وبرجع ليكم

3
مساطيل سوداني ومصري وسعودي عايشين مع بعض وبتسطلوا سوا , السعودي قال
للمصري بكرة صحيني بدري , المصري خلاهم ناموا وراح جايب لون اسود ضرب بيه
وجه السعودي قام الصباح بعاين في المراية قال انتو المصري دا مسطول والا
شنو اقول ليه صحيني يقوم يصحى السوداني

إتنين لقو ليهم بيضة في طريق القطر بقو يتغالطو واحد بيقول دي بيضة دجاجة
والتاني بقول لأ بيضة حمامة ، جا واحد مسطول ماري بيهم سألوه دي بيضة شنو
؟ قاليهم لقيتوها وين ؟ قالو في سكة القطر ، شال البيضة عاين ليها كدة
وشمّاها قاليهم دي عايزة ليها كلام ، دي بيضة قطر

مساطيل قاعدين يعوموا في نص الظلط جا واحد ماشي واستغرب واتلفت يمين وشمال
لقي واحد قاعد بعيد يتفرج عليهم قال ليه يا ابن العم انصح الجماعة ديل
صاحبك طلع مسطول قال ليه والله أنا قلت ليهم المكان ده غريق ما تعوموا فيه

(دعاء مسطول) يا رب اجعل رمضان زي كأس العالم.......كل اربعة سنين مرة......وكل مرة في بلد
واحد مسطول ربي دقنو ودخل المسجد واحد من المصلين شاف الدقن قال اليه: يا
مولانا انا جيت المسجد متأخر ولقيت الصلاة فاتتني بركعتين اعمل شنو؟
قال ليه: في زول شافك
قال ليه : لا
قال ليه: اعمل نائم
أربع مساطيل راكبين عربية أنقلبت بيهم لمن طلعو منها و شافوها مطفقة قالو
ننفخ في العادم نستعدل العربية تلاته بينفخو و احد واقف بعيد بضحك الجماعه
أستغربو الزول ده بضحك ليه ؟
سألو البضحك مالك يا زول ؟؟؟؟؟
قال أنتو حمير ............تنفخو و القزاز مفتوح
مسطول سالوه رئيك شنو في الزواج المبكر
قال ليهم يعني حوالي الساعة كم ؟

https://www.youtube.com/watch?v=BEu0IYHlVRw
اضحكو ففى الضحك فؤائد بس ما تكترو منو

شكرا استاذ امين على النكت الجميلة

ههههههههههههههههههههههه
ههههههههههههههههههههههه

» المساطيل بيصوتوا
» ياللا نضحك { جواب غرام }
» حرب الأزواج بين الأدباء والأديبات..حىعلى الدفاع لكى نضحك..!
» {... شوية حب1 . ..}
» {{ شوية حب 3 ..}}