يا كيلو لحمة /...اشمعنى أنا

يا حكومة الجيب نضيف
يا حكومة الجيب نضيف
ومربي لنا الخفيف
في شتانا وفي الخريف
دا الجيب أصبح نضيف
رحمة لصرخة أنيني
من خصخصة الرغيف
وارمي السلام يا عيني
ع الحر وع الشريف

لو قلت تعض قلبي

قلبي أنا أصلا ضعيف
هاتكون ظالم لسنة
لو يوم عضت رغيف
وأكيد هاتكون بريئة
دا الجيب أصبح نظيف
لو سعدك يوم زمانك
قول للدكتور نظيف
قول له بلغة الإشارة
يا مربي لي الخفيف

مش بالبشاميل باحلم
ولا بالشتا والصيف
في الصف أنا واقف أحلم
أحضن لي أنا كام رغيف
آخد معاهم صورة
واتغطى وأنام خفيف
ما احنا في زمن الرغيف
أصبح حر وظريف
بيذل الكون بحاله
واللي مجوع عياله
هايموت وآه يا لطيف

اتغطى ونام خفيف
جوة الأحلام تلاقي
صورة أجمل رغيف
وعليه م اللحمة حتة
هاتعوم على أحلى فتة
والفرخة دي هانخصامها
بجناحها لفوق تطير
والرز ما يلزموشي
أصبح أكل الأمير
والعدس ما بشربوشي
والفول ما بيرحموشي ؟
أحسن أشرب عصير
وأتغطى وأنام خفيف
دا الجيب أصبح نضيف
باحلم لك حلم لكن
جدا حلو وظريف
يا سلام لو يوم تنام
زي مواطن خفيف
تعرف بالحق إنه
شعبك محتاج رغيف

محاسن بيومي كتب:

يا حكومة الجيب نضيف
يا حكومة الجيب نضيف
ومربي لنا الخفيف
في شتانا وفي الخريف
دا الجيب أصبح نضيف
رحمة لصرخة أنيني
من خصخصة الرغيف
وارمي السلام يا عيني
ع الحر وع الشريف

الأخت الرائعة / محاسن بيومى

اترصوا طابور علشان العيش
واترصوا طابور علشان الغاز
وادعوله يارب ان شا الله يعيش
الباشا نظيق صاحب الانجاز
دي حكومة ذكية ومالها حلول
خليتلى حياتى بقت ألغاز

مودتى أيتا الشاعرة القديرة
التى ما كنت أحسبها بهذا القدر من سرعة التفاعل
والقدرة على الابداع
أجبرتى أن ارد على التعليق الأول لها
رغم ضيق الوقت
مودتى